1 Baami 8:66 - Baibo Busansulushi Bwa Libuku Ili

⁶⁶ Pabushiku bwasanu ashotatwe Solomoni wakabapalanganya. Boonse bakamulumba akuboolela mwabo mwabo kabasangalete mukwiinga wa shoolwe Mwaami Lesa nshaakapa Defedi musebenshi wakwe alimwi abantu bakwe boonse bene isilaeli.

1 Baami 8:66 교차 참조

Bene Filipi 4:4

Amusangalale muMwaami lyoonse alimwi ndaamba ayi, amusangalale!

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Sekaliya 9:17

Cabota cishi nceeci mwebo! Basankwa bacikula bwangu balaakushimpa kushili anga ngamaila abalo bamyooye balaakunooboneka kabotu kuwaini upya.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Kulumbaisha 122:9

Ceebo ca Ŋanda ya Mwaami Lesa, Lesa wesu, ndaakukupailila ayi uswitilile.

Kulumbaisha 122:6

Amupailile luumuno muJelusalemu. Mupaile ayi, “OJelusalemu, bantu abo bakusuni baswitilile.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

2 Makani 30:26

Mundabala ya Jelusalemu, mwakaba kusangalala kunene mukwiinga kuswabo kuciindi cakwe Solomoni mwanaakwe Defedi mwaami wa bene Isilaeli, takuna kucitikaawo kale cintu ca mushobo uyu.

2 Makani 29:36

Lyalo Mwaami Esekiya abantu bakwe boonse bakasangalala mukwiinga Lesa wakabacafwa kwaamba ayi bamanishe mulimo uyo cakufwambaana.

2 Makani 7:10

Ngayi pabushiku bwamakumi obilo ashotatwe, mumweenshi wasanu ayobilo wakapalanganya bantu ayi baye mwabo mwabo. Bakaya kabakondetwe akusangalala mumyoyo ceebo ca shintu Mwaami Lesa nshaakacitila Defedi, Solomoni alimwi abantu bakwe bene Isilaeli.

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

1 Baami 8:1

Lyalo kuJelusalemu mwaami Solomoni wakeeta bamaloba bamatanjilili ba mikowa aba shipani ba bene Isilaeli kuleta Libokoshi lya Cipangano kuŊanda yakwe Lesa kuswa kuSiyoni, mundabala yakwe Defedi.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Matalikilo 47:7

Lyalo Josefu wakaleta Jakobo baishi, akubatondesha kumwaami. Jakobo wakapa coolwe mwaami.

1 Baami 8:65

KuŊanda yakwe Lesa uko, Solomoni abantu boonse bene Isilaeli bakaba akusekelela kwa Shimpaka kwanshiku shili shosanwe ashobilo. Kwakalinga bantu baanji bakaswa kulaale mbuli kumwinjililo wa kuAmati kumatwa akumanyinsa a Ijipiti kumalenge.

1 Baami 9:1

Lyalo mwaami Solomoni ndyaakamanisha kuyaka Ŋanda yakwe Lesa aŋanda ya bwaami alimwi ashimwi shaakalinga kusuni kuyaka,

Neyemiya 9:25

Bantu banu bakakoma mandabala acite malinga acishi cicite bulongo bubotu. Bakabwesa maanda ayo akalinga kuswite buboni, mikalo yakakabilwa limwi, shisamu sha maolifi, shisamu shicata shisepo shimwi amyuunda ya minyansa. Bakalinga kulya cili coonse ncebasuni akwiina abuumbi. Bakasangalala abuumbi mushintu shibotu nshemwakabapa.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Joshuwa 22:6

Mpomunyaawo Joshuwa wakabapa coolwe akubaambila ayi banooya. Mpeeke abalo bakaya kumishaabo.