1 Baami 8:56 - Baibo Busansulushi Bwa Libuku Ili

⁵⁶ “Aalumbaishikwe Mwaami Lesa uyo wakalengesha luumuno pabantu bakwe kweelana ambwaakashomesha. Wacita kweelana akushomesha kwakwe koonse uko nkwaakashiya kwiinda muli Mose musebenshi wakwe.

1 Baami 8:56 교차 참조

Luka 21:33

Liculu alimwi acishi ca panshi shilaakumana, sombi maswi angu teshi akamaneewo, sobwe.

1 Samwelo 3:19

Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.

Dutolonomi 12:10

Ono na mukasubuke Mulonga wa Joodani Mwaami Lesa ulaakulengesha ayi mukabwese cishi ico akwikalaamo. Ulaakumulama kubalwani banu, ncakwiila mulaakunookala muluumuno.

Dutolonomi 3:20

Mukacafwe bene Isilaelinyinaanu kushikila abalo bakabwese cishi ico Mwaami Lesa, Lesa wanu ncaatobapa kumbo lya Joodani. Mukabacaafwe kushikila Mwaami Lesa akabaleeke ayi bekale muluumuno uko, mbuli mbwaacita kale kuli ndimwe kuno. Lyalo inga mwaboolela alimwi kucishi cino ico ncendakamupa.’

2 Makani 14:6

Muciindi ico wakayaka mandabala mucishi ca Juda akalinga kucite malinga. Kwamyaaka iinji tekwakalingawo nkondo mukwiinga Mwaami Lesa wakamupa luumuno.

2 Baami 10:10

Ici cabonesha kale ayi makani akaamba Mwaami Lesa pabamulunyungu lwakwe Aabu alaakucitika cancinencine. Mwaami Lesa wacita ico ncaakaamba kwiinda mumulaluki Elija.”

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Kulonga 18:10

akwaamba ayi, “Aalumbaishikwe Mwaami Lesa uyo wakamupulusha mumaansa a mwaami Falawo alimwi abene Ijipiti! Aalumbaishikwe Mwaami Lesa uyo wakapulusha bantu bakwe mubusha!

1 Makani 16:36

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.

1 Makani 22:9

Sombi Mwaami Lesa wakanshomesha ayi, ‘Ulaakuba amwaana musankwa uyo weshi akanoolela muluumuno mukwiinga ndaakulengesha ayi akabule cakulisukama kuswa kubalwani bakwe beshi bakanoomushingulukite. Ulaakunookwiitwa ayi Solomoni mukwiinga mubwaami bwakwe, ndaakupa bene Isilaeli luumuno mukubula cakulisukama.