1 Baami 3:12 - Baibo Busansulushi Bwa Libuku Ili

¹² ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

1 Baami 3:12 교차 참조

Shikushimikila 1:16

Lyalo ndakayeeya nemwiine ayi, “Amubone nebo ndakuula alimwi ndaba musongo kwiinda bamwi boonse bakataanguna kulela muJelusalemu nebo kaantana. Busongo alimwi alushibo shoonse ndeendaamo.”

Mateyo 12:42

Pabushiku bwakoomboloshekwa, mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

1 Baami 5:12

Mwaami Lesa wakacita kweelana ambwaakashomesha Solomoni mukumupa busongo. Pakalinga luumuno pakati kakwe Ilamu aSolomoni, alimwi bakapanga acipangano.

1 Baami 3:28

Bene Isilaeli ndibakanyumfwa Solomoni mbwaakoombolosha, boonse bakatalika kumulemeka abuumbi mukwiinga ono bakeshiba ayi Lesa wamupa busongo bwakoombolosha milandu cakutanyengelela.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

2 Makani 2:12

Aalumbaishikwe Mwaami Lesa, Lesa wa bene Isilaeli wakalenga liculu acishi ca panshi! Wapa mwaami Defedi mwaana musongo, uswite lushibo mumilimo iinji, uyo utooyanda kutalika kumuyakila Ŋanda alimwi akuliyakila ŋanda ya bwaami.

Bene Kolose 2:3

Muli nguwe momushisitwe bubile boonse bwa busongo alimwi alushibo.

1 Baami 2:9

Sombi utakamulekibo. Ulishi cakucita, ulyeelete kubona ayi uyu muntu wacaikwa.”

Shikushimikila 1:13

Ndakalyaaba kwaamba ayi njiye akwishiba kwiinda mubusongo shintu shoonse shicitika pacishi ca panshi. Maawe walema mukuli uyo ngwaakatupa Lesa!

Kulumbaisha 10:17

Mwebo nobaLesa mulanyumfwa mipailo ya bantu bali mumapensho. Mulabayumyayumya bantu abo akukutika kulila kwabo.

1 Baami 2:6

Webo ulishi cakucita. Utakamuleeki ayi afwe lufubo.

Tushimpi 2:6

Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Dutolonomi 34:9

Ono Joshuwa mwanaakwe Nani wakesushikwa busongo mukwiinga Mose wakabika maansaakwe pali nguwe. Paceebo ceeci bene Isilaeli bakalinga kumunyumfwila akunoocita shoonse Mwaami Lesa nshaakalwiita Mose.

1 Baami 5:9

Bantu bangu balaakukusha shisamu kuLebanoni kushileta kulweenge, akushaanga pantu pomwi mumilwimilwi kwaamba ayi shikanooya buseela pamaanshi pafwaafwi aloombe lwa lweenge kushika ampomusuni ayi shishikile. Bantu bangu apo balaakushaangulula, lyalo bantu banu bakashibweese. Ono mwebo lubasu lwanu ndisuni kwaamba ayi mukapebo shakulya shiyandika kubantu bangu.”

1 Makani 29:25

Mwaami Lesa wakasumpula Solomoni abuumbi pameenso a bene Isilaeli boonse akumupa bulemu bwa bwaami ubo butana kubaawo kale pamwaami wa bene Isilaeli.

Neyemiya 13:26

Ndakabaambila ayi, “Sa te shikwati sha mushobo uyo nsheshakalengesha Solomoni mwaami wa bene Isilaeli kubisha. Taaku mwaami mushishi shafula wakalinga kweelenaakwe mubulemu. Solomoni wakalinga kusunikwi kuli Lesa wakwe, aboobo wakabikwa pabwaami bwa bene Isilaeli boonse. Nakubi boobo wakabisha ceebo ca banakashi baswamashi.