1 Baami 2:33 - Baibo Busansulushi Bwa Libuku Ili

³³ Mulandu wakucaya uyo aukalilile pali Joabu abamulunyungu lwakwe boonse kwalyoonse alyoonse. Sombi Mwaami Lesa ulaakupa coolwe kubamulunyungu lwakwe Defedi abo beshi banookala pacuuna ca bwaami lyoonsebo.”

1 Baami 2:33 교차 참조

Mateyo 27:25

Mpeeke bantu boonse bakakumbula ayi, “Mulandu wa lufu lwakwe aube pali ndiswe abana besu.”

1 Baami 2:32

Mwaami Lesa utooboosha cishole kuli Joabu ceebo cakucaya uko nkwaakacita cakutashibisha mwaami Defedi. Joabu wakacaya basankwa bobilo abo bakalinga kuyandika kwiinda nguwe. Meena abo nguAbina mwanaakwe Na, mutanjilili wa bashilumamba bene Isilaeli alimwi aAmasa mwanaakwe Jeta, mutanjilili wa bashilumamba bene Juda.

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Tushimpi 25:5

Amukushe bacinenenene bacita shibiibi kunembo lya mwaami, lyalo bwaami bwakwe bulaakunokweendeleshekwa cabululami.

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Kulumbaisha 101:8

Bushiku abushiku ndaakunyonyoola bantu babiibi mucishi. Ee, ndaakulobya boonse bamucita shibi mundabala inene ya Mwaami Lesa.

Kulumbaisha 89:29

Bwaami bulaakwikalilila pabamulunyungu lwako. Buleelo bwako teshi bukamaane kushikila liculu likamaane.

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

2 Samwelo 14:9

Sombi mwanakashi uyo wakaamba ayi, “Nkambo cili coonse nceshi mucite mulandu ngwaangu abamuŋanda yangu. Mwebo abamulunyungu lwanu tamucite mulandu.”

Matalikilo 42:22

Lyalo Lubeni wakaamba ayi, “Ndakamulwiita ayi mutaciti cimwi cintu cibiibi pamwanike, ono tamukwe kunyumfwila. Mwaboona ono tutoopengelaamo mulufu lwakwe.”

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Boomboloshi 9:24

Ici cakacitika mukupilusha cibiibi cakacita Abimeleki pakucaya bana bakwe Gidyoni bali makumi osanwe aobilo, alimwi akubene Shekemu abo bakamucafwaako kubacaya.

1 Baami 2:44

Ulishi shibiibi shoonse nshewakacitila bata baDefedi. Ono Lesa utooboosha cishole pashibiibi isho.

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

1 Makani 17:27

Ono ndamusenga ayi mupe coolwe bamulunyungu lwangu kwaamba ayi batolelele kwikala mulusuno lwanu. Mwebo nobeene noBaami baLesa ndimwe mwashomesha kucita shintu shoonse ishi. NoBaami baLesa ndimwe mwakapa bamulunyungu lwangu shoolwe alimwi mulaakunoobapa shoolwe kwalyoonse alyoonse.”

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.

Esekelo 17:19

“Paceebo ceeco nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, ndaakumupa mulandu ceebo wakapwaya cipangano ico ncaakashomesha cakulumbila muliina lyangu ayi ulaakucilama.