1 Baami 14:16 - Baibo Busansulushi Bwa Libuku Ili

¹⁶ Mwaami Lesa ulaakusuula bene Isilaeli boonse mukwiinga wa kubisha kwakwe Jeloboamu uyo wakalengesha bene Isilaeli kubisha.”

1 Baami 14:16 교차 참조

1 Baami 16:2

“Webo wakalinga muntubo, sombi ndakakulengesha kuba mutanjilili wa bantu bangu bene Isilaeli. Ono alimwi wabisha bweenka bwakacita Jeloboamu akulengesha bantu bangu kubisha. Shibiibi shabo shakasonkomona bukali bwangu.

1 Baami 15:34

Alakwe wakabishisha Mwaami Lesa bweenka mbwaakacita mwaami Jeloboamu akutanjilila bene Isilaeli mucibiibi.

1 Baami 15:30

Ici cakacitika mukwiinga Jeloboamu wakasonkomona bukali bwa Mwaami Lesa, Lesa wa bene Isilaeli kwiinda mushibiibi isho nshaakacita akulengesha bene Isilaeli bamwi boonse kushicita.

1 Baami 13:34

Cibiibi ici kulubasu lwakwe cakaleta kunyonyooka kunene pakati ka bamulunyungu lwakwe.

1 Baami 12:30

Lyalo bantu bakabisha, pakuya mukulambila kuBetelo akuDani.

Bene Loma 14:13

Paceebo ceeco tatweelete kubona bene Klistunyineesu ayi mbeshikubisha. Sombi ncetweelete kucita nkuyeeya kwaamba ayi tutanoolengesha bene Klistunyineesu kubisha.

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Isaya 40:24

Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Kulumbaisha 81:12

Lyalo ndakabaleka acimpamya cabo. Ndakabaleka ayi bakonkele nshila shabo.

Kulonga 32:35

Mpeeke Mwaami Lesa wakatuma bulwashi pabantu, mukwiinga bakalengesha ayi Aloni apange mucende mwaana wa golodi.

Kulonga 32:21

Lyalo wakeepusha Aloni ayi, “Ino bantu aba bakucita buyani, cakwaamba ayi ubaleeke bacite cibiibi ca mushobo wooyu?”

Kulonga 32:25

Mose wakabona ayi Aloni wakabaleka bantu ayi bacite bubi akulilensha nsoni pameenso a balwani babo.

1 Baami 15:26

Alakwe wakabishisha Mwaami Lesa bweenka bwaakacita baishi akutanjilila bene Isilaeli mucibiibi.

1 Baami 16:19

Ici cakacitika mukwiinga wa shibiibi nshaakacita kuMwaami Lesa. Wakasonkomona bukali bwa Mwaami Lesa bweenka bwakacita Jeloboamu mukubisha kwakwe mwiine akulengesha bene Isilaeli kubisha.

1 Baami 21:22

Bamuŋanda yako balaakuba anga mbamuŋanda ya mwaami Jeloboamu mwanaakwe Nebati alimwi anga mbamuŋanda ya mwaami Baasha mwanaakwe Aija, mukwiinga webo wasonkomona bukali bwangu mukulengesha bene Isilaeli kubisha.’

2 Baami 3:3

Nakubi boobo wakakakatila kushibiibi shakalinga kucita Jeloboamu mwanaakwe Nebati akulengesha bene Isilaeli kubisha bweenka mbuli nguwe. Ncakwiila taakwe kushilekaawo.

Dutolonomi 32:30

Anu muntu womwi inga wakoma buyani bali cuulu, nabi bobilo kukoma bali shuulu likumi? Sa te nceebo cakwaamba ayi Mwaandami wabo wakabashiya beenka? Ndushinisho Mwaami Lesa, Lesa wabo wakabalekelesha.

1 Baami 16:13

Baasha amwanaakwe Ela bakasonkomona bukali bwa Mwaami Lesa, Lesa wa bene Isilaeli mukwiinga wakulambila shibumbwabumbwa alimwi akulengesha bene Isilaeli kubisha.

1 Baami 16:27

Shintu shimwi shoonse shakacita Omuli ashintu shoonse nshaakapanga shililembetwe mulibuku lya buumi bwa bamaami ba bene Isilaeli.

1 Baami 22:53

Wakalinga kulambila akusebensela Baali alimwi bweenka bwakacita baishi, alakwe wakasonkomona bukali bwa Mwaami Lesa, Lesa wa bene Isilaeli.

2 Baami 10:31

Nakubi boobo Jewu taakwe kukonkela camoyo woonse milawo ya Mwaami Lesa, Lesa wa bene Isilaeli. Lakwe wakakonkela bwakacita Jeloboamu uyo wakalengesha bene Isilaeli kubisha.

2 Baami 13:2

Jeowasi wakabishisha Mwaami Lesa bweenka bwakalinga mwaami Jeloboamu uyo wakalengesha bene Isilaeli kubisha. Jeowasi taakwe kucilekaawo kweenda mushibiibi.

2 Baami 13:6

Sombi bakatolelela kucita shibiibi shakalinga kucita Jeloboamu isho nshaakalengesha bene Isilaeli kucita. Ncakwiila Bakatolelela kubisha alimwi cikoshanyo cakwe Ashela lesa mwanakashi cakalingaamobo mundabala ya Samaliya.

2 Baami 14:24

Wakabishisha Mwaami Lesa alimwi wakatolelela kucita shibiibi shakalinga kucita Jeloboamu mwanaakwe Nebati uyo wakalengesha bene Isilaeli kubisha.

2 Baami 15:9

Ono alakwe wakabisha kuMwaami Lesa bweenka bwakacita bamaami bakataanguna kulela pali nguwe. Wakatolelela kucita shibiibi shakalinga kucita Jeloboamu mwanaakwe Nebati uyo wakalengesha bene Isilaeli kubisha.

2 Baami 15:18

Ono alakwe wakabisha kuMwaami Lesa. Wakatolelela kucita shibiibi shakalinga kucita Jeloboamu mwanaakwe Nebati uyo wakalengesha bene Isilaeli kubisha.

2 Baami 17:21

Pesule Mwaami Lesa ndyaakamana kupansaanya bene Isilaeli kuswa kubene Juda, bene Isilaeli bakasala Jeloboamu mwanaakwe Nebati ayi abe mwaami wabo. Mpeeke Jeloboamu wakabalengesha kukaka Mwaami Lesa akucita cibiibi ciyoosha.

2 Baami 17:23

kushikila bushiku Mwaami Lesa ndyaakabatanda kuswa pameenso akwe. Bakacita boobo kweelana ambwaakalinga apa kucenjesha kwiinda mubasebenshi bakwe balaluki. Aboobo bene Isilaeli bakatolwa busha kucishi ca Asilya uko nkobabete abobulya.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 23:15

Josiya wakanyonyoola musena wakulambililaako muBetelo uyo wakayaka mwaami Jeloboamu mwanaakwe Nebati uyo wakalengesha bene Isilaeli kubisha. Josiya wakapwaya cipaililo, wapwayoola mabwe a ncico tibili ababo anga ndusuko. Lyalo wakatenta cikoshanyo cakwe Ashela.

2 Makani 28:19

Mwaami Lesa wakaleta mapensho kubene Juda mukwiinga Aasi mwaami wa bene Isilaeli wakaleka bene Juda ayi batolelele kubisha alimwi taakalinga kunyumfwila Mwaami Lesa.