20 Nomulemekwa, bene Isilaeli boonse batoolindila kunyumfwa kuli ndimwe kubalwiita wooyo weelete kuba mwaami kuswa ndimwe.
Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.
Bweenka mbuli musha mbwaalangilisha kumwaami wakwe, bweenka musebenshi mwanakashi mbwaalangilisha kumwaami wakwe mwanakashi, mbweeke ubo aswebo mbotulangilisha kuli ndimwe, noBaami baLesa, baLesa besu, kushikila mukatufwite nkumbu.
Lyoonse meenso angu alalangila lucafwo kuswa kuMwaami Lesa, mukwiinga lakwebo eenka ngookonsha kuŋangulula mutoose tuncite.
Mwebo ndimwe baLesa besu! Amubape mulandu mukwiinga swebo tatukoonshi kulwana bashilumamba baanji aba. Tatucishi cakucita, sombi tutoolanga kuli ndimwe ayi mutucaafwe.”
Mpomunyaawo mwaami Defedi wakaambila bantu boonse ayi, “Mwanaangu Solomoni uyo Lesa ngwaakasala ucili mwanike alimwi taana kuba alushibo. Mulimo uyu ngunene mukwiinga teshi kuyaka ŋanda ya bwaami ya muntu wa pacishi cino, sombi niŊanda ya Mwaami Lesa, Lesa wesu.
Ulyeelete kwishiba ayi Mwaami Lesa wakakusala ayi ukayake Ŋanda yakwe isalalite. Ono yaka! Wiiyake cakutatyongola.”
“Mushimu wa Mwaami Lesa ulaamba muli ndime, maswi akwe ncakwiila ngaaswa mumulomo wangu.
Wabenga mulambu wa bacende baanji, mbelele, alimwi aboombe beenite. Watamba bana banu basankwa, Abiyata mupailishi alimwi aJoabu mutanjilili wa bashilumamba banu kuya mukusekelela. Sombi taakwe kutambawo Solomoni mwanaanu.
Na mubule kucita boobo, mwaakufwa nebo aSolomoni mwanaangu balaakutulwana.”
