ಆನ್‌ಲೈನ್ ಬೈಬಲ್

ತೀತನಿಗೆ INTRO1 - ಕನ್ನಡ ಸತ್ಯವೇದವು C.L. Bible (BSI)

ಮುನ್ನುಡಿ

ಅನ್ಯಧರ್ಮೀಯನಾಗಿದ್ದ ತೀತನು ದೀಕ್ಷಾಸ್ನಾನವನ್ನು ಪಡೆದು ಕ್ರಿಸ್ತಾವಲಂಬಿಯಾದನು. ಮಾತ್ರವಲ್ಲ, ಪೌಲನಿಗೆ ಧರ್ಮಪ್ರಚಾರ ಕಾರ್ಯದಲ್ಲಿ ಸಂಗಾತಿಯೂ ಸೇವಕನೂ ಆದನು. ಇವನು ಕ್ರೇಟ್ ದ್ವೀಪದ ಕ್ರೈಸ್ತಸಭೆಯ ಮೇಲ್ವಿಚಾರಕನಾಗಿದ್ದಾಗ ಪೌಲನು ಬರೆದ ಪತ್ರ ಇದು.

ಇದರಲ್ಲಿ ಉಲ್ಲೇಖಿಸಲಾಗಿರುವ ಎರಡು ಮುಖ್ಯ ವಿಷಯಗಳು ಯಾವುವೆಂದರೆ: ಮೊದಲನೆಯದಾಗಿ ದುರ್ನಡತೆಯುಳ್ಳ ಕ್ರೇಟ್ ನಿವಾಸಿಗಳ ಮುಂದೆ ಕ್ರೈಸ್ತಸಭೆಯ ಪ್ರಮುಖರು ಹೆಚ್ಚು ಸದ್ಗುಣಶೀಲರಾಗಿರಬೇಕೆಂಬ ಸಲಹೆ; ಎರಡನೆಯದಾಗಿ ಸಭೆಯಲ್ಲಿರುವ ವಿವಿಧ ವರ್ಗದವರಿಗೆ, ಅಂದರೆ ವಯಸ್ಕರಿಗೆ, ಗಂಡಸರಿಗೆ, ಹೆಂಗಸರಿಗೆ, ಯುವಕಯುವತಿಯರಿಗೆ, ಮಕ್ಕಳಿಗೆ ಮತ್ತು ಸೇವಕರಿಗೆ ಉಪದೇಶ ಮಾಡುವ ವಿಧಾನ.

ಕೊನೆಯದಾಗಿ, ಕ್ರೈಸ್ತ ನಡತೆಯ ಬಗ್ಗೆ ಸಲಹೆಗಳು: ವಿಶ್ವಾಸಿಗಳು ದ್ವೇಷ, ವಾಗ್ವಾದ, ಭಿನ್ನಭೇದಗಳನ್ನು ತೊರೆದು, ಎಲ್ಲರೊಂದಿಗೆ ಪ್ರೀತಿಪ್ರೇಮದಿಂದಲೂ ಶಾಂತಿಸಮಾಧಾನದಿಂದಲೂ ವರ್ತಿಸುವಂತೆ ನೋಡಿಕೊಳ್ಳಬೇಕು; ಈ ಸಲಹೆ ತೀತನಿಗೂ ಅನ್ವಯಿಸುತ್ತದೆ.

ಪರಿವಿಡಿ

ಪೀಠಿಕೆ 1:1-4

ಸಭಾಪ್ರಮುಖರು 1:5-16

ವಿವಿಧ ವರ್ಗದವರಿಗೆ ಉಪದೇಶ 2:1-15

ಪ್ರೋತ್ಸಾಹ ಮತ್ತು ಎಚ್ಚರಿಕೆ 3:1-11

ಸಮಾಪ್ತಿ 3:12-15

« ಹಿಂದಿನ

ಮುಂದೆ »

Kannada C.L. Bible - ಸತ್ಯವೇದವು C.L.

Bible Society of India

ನಮ್ಮನ್ನು ಅನುಸರಿಸಿ:

ಪ್ರಾಯೋಜಿತ ಕೊಂಡಿಗಳು

ಜಾಹೀರಾತುಗಳು