ವಳಕ್
ಜುವಾಂವಾನ್ ಲಿವಲ್ಲಿ ಪಯ್ಲೆಚಿ ಚಿಟಿ ಅಪೊಸ್ತಲ್ ಜುವಾಂವಾನ್ ಕ್ರಿಸ್ತ್ ಜಲಮಲ್ಲ್ಯಾ ಮಾನಾ ಪನ್ನಾಸ್ ಅನಿ ಸೆಂಬರ್ ವರ್ಸಾಂಚ್ಯಾ ಮದ್ದಿ ಲಿವ್ಲ್ಯಾನಾಯ್. ಜುವಾಂವಾನ್ ಅಪ್ನಿಚ್ ಲಿವಲ್ಲೊ ಮನುನ್ ದಾಕ್ವುನ್ ದಿವ್ಕ್ನಾ, ಖರೆ ಪೈಲೆಚೊ ಪಾಟ್ ತೊ ಎಕ್ ಜೆಜುಚ್ಯಾ ಜಿವನಾಕ್, ಅನಿ ಪರ್ತುನ್ ಝಿತ್ತೆ ಹೊತಲ್ಯಾಕ್ ಡೊಳ್ಯಾನ್ ಬಗಟಲ್ಲೊ ಸಾಕ್ಷಿ ಹೊವ್ನ್ ಹಾಯ್ ಮನುನ್ ದಾಕ್ವುನ್ ದಿತಾ. ಜುವಾಂವಾನ್ ಲಿವಲ್ಲ್ಯಾ ಪೈಲೆಚ್ಯಾ ಚಿಟಿತ್ ಲಿವಲ್ಲೆ ರಿತಿಕ್ ಅನಿ ಜುವಾಂವಾಚ್ಯಾ ಬರ್ಯಾ ಖಬ್ರೆಚ್ಯಾ ರಿತಿಕ್ ಲೈ ಜಗ್ಗೊಳ್ ಹಾಯ್. ಜುವಾಂವಾನ್ ಲಿವಲ್ಲಿ ಬರಿ ಖಬರ್ ಜುಂವಾವಾನುಚ್ ಲಿವ್ಲಾ ಮನುನ್ ವಿಶ್ವಾಸ್ ಕರುನ್ ಹೊತಾ, ಅನಿ ಜುವಾಂವಾನ್ ಲಿವಲ್ಲಿ ಎಕ್ವೆಚಿ, ದೊನ್ವೆಚಿ, ಅನಿ ತಿನ್ವೆಚಿ ಚಿಟಿಯಾಬಿ ತೆನಿ ಎಫೆಸಾತ್ ರಾತಾನಾ ಲಿವ್ಲಾ ಮನುನ್ ವಿಶ್ವಾಸ್ ಕರುನ್ ಹೊತಾ.
ಜುವಾಂವಾನ್ ತಾಂಡೊ ನಾಸ್ತಿಕ್ ಮನುನ್ ಬಲ್ವುತಲ್ಯಾ ಲೊಕಾಂಚ್ಯಾ ತಾಂಡ್ಯಾ ವೈನಾ ತರಾಸಾತ್ ಹೊತ್ಯಾ ವೆಳಾರ್ ಸಗ್ಳ್ಯಾ ಕ್ರಿಸ್ತ್ ವಿಶ್ವಾಸಿ ಲೊಕಾಕ್ನಿ ಲಿವ್ನ್ ಹೊಲಾ. ಹಿ ಲೊಕಾ ಜೆಜು ಫುರಾ ದೆವ್ ಹೊವ್ನ್ ಹಾಯ್ ಮನುನ್, ಖರೆ ಜಿಮ್ನಿ ವರ್ತಿ ತೊ ರ್‍ಹಾತಾನಾ ರಗಾತ್ ಅನಿ ಮಾಸಾಚೆ ಮಾನ್ಸಾಚೆ ಆಂಗ್ ಘೆವ್ನ್ ಹೊತ್ತೆ ಖರೆ ನ್ಹಯ್ ಮನುನ್ ವಿಶ್ವಾಸ್ ಕರಿತ್. ಹ್ಯಾ ಕಾರನಾ ಸಾಟ್ನಿ ಜುವಾಂವ್ ಜೆಜುಚೆ ಜಿವನ್ ಅನಿ ಅಪ್ಲ್ಯಾ ಸ್ವತಾಚ್ಯಾ ಹಾತಾನಿ ತೆಕಾ ಅಪಡಲ್ಲಿ ಸಾಕ್ಷಿ ಹೊವ್ನ್ ಹೊತ್ತ್ಯಾ ವಿಶಯಾತ್ ಲಿವ್ತಾ1:1-3. ಜುವಾಂವಾನ್ ಹಿ ಚಿಟ್ ಲಿವಲ್ಲೊ ಉದ್ದೆಶ್ ಕಾಯ್ ಮಟ್ಲ್ಯಾರ್ ಅಪ್ಲಿ ಖುಶಿ ಫುರಾ ಕರ್ತಲೆ 1:1-4, ವಿಶ್ವಾಸಿ ಲೊಕಾಕ್ನಿ ಪಾಪ್ ಕರ್ತಲ್ಯಾಕ್ನಾ ಧುರ್ ಥವ್ತಲೆ ಎಕ್ವೆ ಜುವಾ 2:1, ಝುಟಿ ಶಿಕಾಪಾಂಚ್ಯಾಕ್ನಾ ವಿಶ್ವಾಸಿಕ್ನಿ ರಾಕ್ತಲೆ ಎಕ್ವೆ ಜುವಾ2:26, ಅನಿ ತೆನಿ ರಾಕ್ವನ್ ಹೊಲಾತ್ ಮನ್ತಲೆ ತೆಂಕಾ ಖಾತ್ರಿ ಕರುನ್ ದಿತಲೆ5:13.
ಭಾಗ್‍
ಜುವಾಂವ್ ಅಪ್ಲ್ಯಾ ಚಿಟಿಚಿ ವಳಕ್ ಕರುನ್ ದಿತಾ ಅನಿ ಹಿ ಚಿಟ್ ಲಿವ್ಕ್ ಎಕ್ ಉದ್ದೆಶ್ ಹಾಯ್ ಮನ್ತಲೆ ಸಾಂಗ್ತಾ 1:1-4
ಮಾನಾ ತೊ ದೆವ್ ಕಸೊ ಉಜ್ವೊಡ್ ಹೊವ್ನ್ ಹಾಯ್ ಅನಿ ಅಮಿ ಜೆಜುನ್ ಜಿವನ್ ಕರಲ್ಯಾ ಸಾರ್ಕೆ ಜಿವನ್ ಕರುಚೆ ಮನುನ್ ಸೊಡ್ವುನ್ ಸಾಂಗ್ತಾ1:5—3:10
ಮಾನಾ ತೊ ಎಕಾಮೆಕಾಕ್ ಪ್ರೆಮ್ ಕರುಚೆ ಮನ್ತಲೊ ಹುಕುಮ್ ಯಾದ್ ಕರುನ್ ದಿತಾ 3:11—5:12
ತೊ ಅಪ್ಲಿ ಚಿಟ್ ಮುಗಸ್ತಾ 5:13-21
