យូដាស INTRO1 - ព្រះគម្ពីរបរិសុទ្ធកែសម្រួល ២០១៦ពាក្យលំនាំ អ្នកសរសេរសំបុត្រនេះ សរសេរថា លោកជាប្អូនរបស់លោកយ៉ាកុប (១) និងជាបងប្អូនរបស់ព្រះយេស៊ូវ ជាព្រះអម្ចាស់ដែរ (ម៉ាថាយ ១៣.៥៥ កាឡាទី ១.១៩)។ លោកយូដាសសរសេរសំបុត្រនេះសម្រាប់គ្រីស្ទបរិស័ទទួទៅ ហើយមានសេចក្ដីប្រហាក់ប្រហែលគ្នានឹងសំបុត្រទីពីររបស់លោកពេត្រុសដែរ។ គោលបំណង អ្នកសរសេរមានបំណងប្រៀនប្រដៅគ្រីស្ទបរិស័ទឲ្យប្រយ័ត្នខ្លួន កុំស្ដាប់គ្រូអាចារ្យក្លែងក្លាយ ដែលផ្សាយលទ្ធិផ្ដេសផ្ដាស។ លោកប្រៀនប្រដៅឲ្យកាន់ជាប់តាមសេចក្ដីប្រៀនប្រដៅ ដែលពួកសាវកបានបង្រៀន (៣)។ សេចក្ដីពន្យល់របស់លោកយូដាសពិបាកស្ដាប់បន្តិច ព្រោះលោកពន្យល់តាមរបៀបសាសន៍យូដានៅសម័យនោះ។ គម្រោងកណ្ឌគម្ពីរយូដាសៈ • សេចក្ដីផ្ដើម ១-៣។ • ចរិតមារយាទ សេចក្ដីបង្រៀន និងទោសរបស់គ្រូក្លែងក្លាយ ៣-១៦។ • ពាក្យដាស់តឿនឲ្យនៅជាប់ក្នុងជំនឿ ១៧-២៣។ • ពាក្យជូនពរ ២៤-២៥។ |
© 2016 United Bible Societies
Bible Society in Cambodia