ទីតុស INTRO1 - ព្រះគម្ពីរបរិសុទ្ធកែសម្រួល ២០១៦ពាក្យលំនាំ លោកទីតុស ជាជនជាតិក្រិកម្នាក់ (កាឡាទី ២.៣) ហើយជាសហការីរបស់លោកប៉ុលដែរ។ គាត់បានជួយគ្រីស្ទបរិស័ទដែលទាស់ទែងខ្វែងគំនិតគ្នានៅក្រុងកូរិនថូស ឲ្យបានស្រុះស្រួលជានានឹងគ្នាវិញ (២ កូរិនថូស ៧.៧-១៥)។ ពេលលោកប៉ុលសរសេរសំបុត្រនេះផ្ញើមកគាត់ គាត់ស្ថិតនៅកោះក្រេត ព្រោះលោកប៉ុលបានប្រគល់ភារកិច្ច ឲ្យគាត់រៀបចំក្រុមជំនុំ នៅលើកោះនោះ។ គោលសំខាន់ៗ ក្នុងសំបុត្រនេះ លោកប៉ុលទូន្មានអំពីរបៀបចាត់ចែងក្នុងក្រុមជំនុំ អំពីមុខងាររបស់អ្នកដឹកនាំ និងអំពីឥរិយាបថរបស់ពួកចាស់ទុំ យុវជន ស្ដ្រីមេម៉ាយជាដើម។ល។ គ្រីស្ទបរិស័ទត្រូវកាន់តាមជំនឿឲ្យបានខ្ជាប់ខ្ជួន ហើយគោលនៃជំនឿនេះ គឺព្រះទ្រង់ស្រឡាញ់ និងសង្គ្រោះយើងតាមរយៈព្រះយេស៊ូវគ្រីស្ទ។ គម្រោងគម្ពីរទីតុស៖ • សេចក្ដីផ្ដើម ១.១-៤ • អ្នកដឹកនាំក្រុមជំនុំ ១.៥-១៦ • ភារកិច្ចផ្សេងៗរបស់គ្រីស្ទបរិស័ទ ២.១-១៥ • ការទូន្មានផ្សេងៗ ៣.១-១១ • អវសានកថា ៣.១២-១៥ |
© 2016 United Bible Societies
Bible Society in Cambodia