ប្រភេទ
39 ខគម្ពីរខ្លីៗពីព្រះគម្ពីរ
ព្រះបន្ទូលរបស់ព្រះមាន 66 សៀវភៅ។ ប៉ុន្តែមានខគម្ពីរខ្លីៗដែលមានអនុភាពខ្លាំងក្លា អាចជួយយើងពាំងផ្លូវក្នុងគ្រាលំបាក ឬយើងអាចចែករំលែកជាកម្លាំងចិត្តដល់ក្រុមគ្រួសារ ឬបងប្អូនដែលកំពុងជួបការល្បួង និងការសាកល្បង។
ទោះបីខ្លីយ៉ាងណាក៏ដោយ ចូរចាំថា «គម្ពីរទាំងមូលបានកើតមកពីព្រះវិញ្ញាណដ៏បរិសុទ្ធ ហើយមានប្រយោជន៍សម្រាប់ការបង្រៀន ការប្រៀនប្រដៅ ការកែតម្រូវ និងការអប់រំអំពីសេចក្ដីសុច្ច» (២ធីម៉ូថេ 3:16)។
បើសិនជាអ្នកពិបាកទន្ទេញព្រះគម្ពីរ អ្នកអាចចាប់ផ្តើមជាមួយខគម្ពីរខ្លីៗសិន។ ធ្វើបែបនេះនឹងធ្វើឲ្យវាកាន់តែងាយស្រួលពេលអ្នកចង់ទន្ទេញខគម្ពីរវែងៗជាងនេះ។ វ្ញ្ញាណរបស់អ្នកនឹងទទួលបានការចិញ្ចឹមបីបាច់ ហើយអ្នកនឹងមានសមត្ថភាពរំពឹងគិតពីព្រះបន្ទូលរបស់ព្រះជាប្រចាំ។ ដួងចិត្តរបស់អ្នកនឹងពោរពេញដោយផ្លែផ្កានៃព្រះវិញ្ញាណ មិនមែនការប្រព្រឹត្តិខាងសាច់ឈាមទេ ព្រោះអ្វីដែលចូលត្រចៀកមិនមែនជារបស់បង្ខូចឡើយ តែអ្វីដែលចេញពីមាត់ต่างหาก។
ចូរអរព្រះគុណក្នុងគ្រប់កាលៈទេសៈទាំងអស់ ដ្បិតព្រះសព្វព្រះហឫទ័យឲ្យអ្នករាល់គ្នាធ្វើដូច្នេះ ក្នុងព្រះគ្រីស្ទយេស៊ូវ។
ព្រះដែលបានប្រោសព្រះអម្ចាស់ឲ្យរស់ឡើងវិញ ទ្រង់ក៏នឹងប្រោសយើងឲ្យរស់ឡើងវិញ ដោយសារព្រះចេស្តារបស់ព្រះអង្គដែរ។
ចូរយកព្រះយេហូវ៉ាជាអំណររបស់អ្នកចុះ នោះព្រះអង្គនឹងប្រទានអ្វីៗ ដែលចិត្តអ្នកប្រាថ្នាចង់បាន។
ចូរសរសើរតម្កើងព្រះយេហូវ៉ា ! ចូរសរសើរតម្កើងព្រះ នៅក្នុងទីបរិសុទ្ធរបស់ព្រះអង្គ ចូរសរសើរតម្កើងព្រះអង្គនៅក្នុងលំហអាកាស ជាទីសម្ដែងព្រះចេស្តារបស់ព្រះអង្គ!
នេះជាសុភាសិតរបស់ព្រះបាទសាឡូម៉ូន។ កូនដែលមានប្រាជ្ញា រមែងធ្វើឲ្យឪពុកមានចិត្តរីករាយ តែកូនដែលល្ងីល្ងើ នោះនាំឲ្យម្តាយធ្ងន់ទ្រូងវិញ។
ជាតិសាសន៍ទាំងឡាយអើយ ចូរសរសីរតម្កើងព្រះយេហូវ៉ា! ប្រជាជនទាំងប៉ុន្មានអើយ ចូរលើកតម្កើងព្រះអង្គ!
នេះគឺជាថ្ងៃដែលព្រះយេហូវ៉ាបានបង្កើត ចូរយើងមានអំណរ ហើយសប្បាយរីករាយក្នុងថ្ងៃនេះ ។
ចូរអរសប្បាយដោយមានសង្ឃឹម ចូរអត់ធ្មត់ក្នុងសេចក្តីទុក្ខលំបាក ចូរខ្ជាប់ខ្ជួនក្នុងការអធិស្ឋាន។
«ចូរស្ងប់ស្ងៀម ហើយដឹងថា យើងជាព្រះ យើងនឹងបានថ្កើងឡើង នៅកណ្ដាលជាតិសាសន៍នានា យើងនឹងបានថ្កើងឡើងនៅផែនដី!»
ពាក្យតបឆ្លើយដោយស្រទន់ នោះរមែងរម្ងាប់សេចក្ដីក្រោធទៅ តែពាក្យគំរោះគំរើយ នោះបណ្ដាលឲ្យមានសេចក្ដីកំហឹងវិញ។
កុំឲ្យមើលខ្លួនថាមានប្រាជ្ញាឡើយ ចូរកោតខ្លាចដល់ព្រះយេហូវ៉ាវិញ ហើយចៀសចេញពីការអាក្រក់ទៅ ។
អ្នករាល់គ្នាជាពន្លឺបំភ្លឺមនុស្សលោក ទីក្រុងណាដែលសង់នៅលើភ្នំ មិនអាចលាក់កំបាំងបានឡើយ។
៙ ព្រះបន្ទូលរបស់ព្រះអង្គ ជាចង្កៀងដល់ជើងទូលបង្គំ ហើយជាពន្លឺបំភ្លឺផ្លូវរបស់ទូលបង្គំ។
អ្នកណាដែលគ្មានសេចក្ដីស្រឡាញ់ អ្នកនោះមិនស្គាល់ព្រះទេ ព្រោះព្រះទ្រង់ជាសេចក្ដីស្រឡាញ់។
ឱសូមភ្លក់មើលឲ្យដឹងថា ព្រះយេហូវ៉ាទ្រង់ល្អចុះ! មានពរហើយ មនុស្សណា ដែលពឹងជ្រកក្នុងព្រះអង្គ!