ՍԱՂՄՈՍՆԵՐ 86:15 - Նոր վերանայված Արարատ Աստվածաշունչ

¹⁵ Բայց դու, ո՜վ Տեր, գթած և ողորմած Աստված ես, երկայնամիտ ես և քաղցրությամբ ու ճշմարտությամբ հարուստ։

ՍԱՂՄՈՍՆԵՐ 86:15 Խաչաձեւ Հղումներ

ՍԱՂՄՈՍՆԵՐ 130:7

Իսրայելը թող հույսը դնի Տիրոջ վրա, որովհետև Տիրոջ մոտ ողորմություն կա, և շատ փրկություն կա նրա մոտ։

ՍԱՂՄՈՍՆԵՐ 103:8

Բարեգութ և ողորմած է Տերը, համբերատար է և գթառատ։

Եփեսացիներին 1:7

Նրանով փրկություն ունենք իր արյան միջոցով, մեղքերի թողություն՝ համաձայն իր շնորհի առատության,

ՍԱՂՄՈՍՆԵՐ 86:5

Որովհետև դու, Տե՛ր, բարի ես և ներող և ողորմությամբ հարուստ բոլոր քեզ կանչողների համար։

ՀՈՎԵԼ 2:13

Եվ պատռե՛ք ձեր սրտերը և ոչ թե ձեր հանդերձները»։ Եվ ե՛տ դարձեք դեպի Տերը՝ ձեր Աստվածը, քանզի ողորմած ու գթառատ է, երկայնամիտ է ու բազումողորմ և պատրաստակամ ներելու։

ՍԱՂՄՈՍՆԵՐ 145:8

Ողորմած և գթած է Տերը, համբերատար է և բազումողորմ։

ՆԵԵՄԻԱ 9:17

Եվ չուզեցին լսել և չհիշեցին քո հրաշքները, որ արել էիր նրանց մեջ, և պնդացրին իրենց պարանոցը և իրենց համար ապստամբության առաջնորդ նշանակեցին, որ վերադառնան իրենց ստրկությանը, բայց դու ներող, ողորմած, գթառատ, համբերատար և բազումողորմ Աստված էիր և նրանց չթողեցիր։

ՄԻՔԻԱ 7:18

Քեզ նման Աստված ո՞վ կա, անօրենություն ներող և իր ժառանգության մնացորդի հանցանքն անտեսող, որ իր բարկությունը հավիտյան չի պահում, որովհետև նրան հաճելի է ողորմությունը։

ՍԱՂՄՈՍՆԵՐ 85:10

Ողորմությունն ու ճշմարտությունը պիտի հանդիպեն իրար, արդարությունն ու խաղաղությունը իրար պիտի համբուրեն։

ՍԱՂՄՈՍՆԵՐ 111:4

Իր հրաշքները հիշատակ դարձրեց իր համար. ողորմած և գթած է Տերը։

ՍԱՂՄՈՍՆԵՐ 98:3

Նա հիշեց իր ողորմությունը և իր ճշմարտությունը Իսրայելի տան համար. երկրի բոլոր ծայրերը տեսան մեր Աստծու փրկությունը։

ԹՎԵՐ 14:18

“Տերը համբերատար է և բազումողորմ, անօրենությունն ու հանցանքը ներող, բայց ամենևին անպատիժ չի թողնի հանցավորին՝ հայրերի անօրենությունը հատուցել տալով նրանց զավակներին՝ մինչև երրորդ և չորրորդ սերունդը”։

ՍԱՂՄՈՍՆԵՐ 130:4

Որովհետև քեզ մոտ է թողությունը, որ քեզնից վախենան։

ՀՈՎՀԱՆՆԵՍ 1:17

որովհետև օրենքը Մովսեսի միջոցով տրվեց, իսկ շնորհն ու ճշմարտությունը Հիսուս Քրիստոսի միջոցով եղան։

ԵԼՔ 34:6

Տերն անցավ Մովսեսի առջևից և կանչեց. «Ես եմ Տերը, Տեր Աստվածը՝ Տեր ողորմած և գթած, համբերատար, առատ ողորմությամբ և ճշմարտությամբ,

Ա ՄՆԱՑՈՐԴԱՑ 21:13

Դավիթն ասաց Գադին. «Ես մեծ նեղության մեջ եմ. թող ընկնեմ Տիրո՛ջ ձեռքը, որովհետև շատ մեծ է նրա ողորմությունը. բայց չընկնեմ մարդկանց ձեռքը»։

ՀՈՎՆԱՆ 4:2

Աղոթք արեց Տիրոջն ու ասաց. «Օ՜, Տե՛ր, սա չէ՞ր, ինչ որ ասում էի, քանի դեռ իմ երկրում էի։ Դրա համար շտապեցի փախչել Թարսիս, որովհետև գիտեի, որ դու ողորմած, գթառատ, երկայնամիտ ու բազումողորմ Աստված ես և կզղջաս չարիքի համար։