ՍԱՂՄՈՍՆԵՐ 68:2 - Նոր վերանայված Արարատ Աստվածաշունչ

² Ինչպես ոչնչանում է ծուխը, ոչնչացրո՛ւ նրանց. ինչպես հալվում է մոմը կրակի առջև, այդպես թող ամբարիշտները կորչեն Աստծու առջևից։

Նոր Էջմիածին Աստվածաշունչ

² Փրկի՛ր ինձ, Աստվա՛ծ, քանզի ջրերը հասան իմ անձին,

ՍԱՂՄՈՍՆԵՐ 68:2 Խաչաձեւ Հղումներ

ՄԻՔԻԱ 1:4

Եվ սարերը պիտի հալվեն նրա տակ, և հովիտները պիտի ճեղքվեն, ինչպես մեղրամոմը կրակի առաջ, ինչպես ջուրը, որ թափվում է զառիվայրի վրա։

ՍԱՂՄՈՍՆԵՐ 37:20

Որովհետև ամբարիշտները կկորչեն, և Տիրոջ թշնամիները կոչնչանան, ինչպես արտերի պարարտությունը. պիտի սպառվեն ծխի նման։

ՈՎՍԵԵ 13:3

Ուստի առավոտյան ամպի պես պիտի լինեն և վաղ ցողի պես, որ շուտով անցնում-գնում է. մղեղի պես, որ կալից քշում է փոթորիկը, և ծխնելույզից ելած ծխի պես։

ԵՍԱՅԻ 9:18

Որովհետև ամբարշտությունը կրակի նման այրում է ցախն ու փշերը, լափում ու վառում է թավուտ անտառները, և ցնդում են բարձր ծխասյուներով։

ՍԱՂՄՈՍՆԵՐ 97:5

Սարերը մոմի պես հալվում են նրա ներկայությունից. ամբողջ երկիրը՝ նրա ներկայությունից։

ՍԱՂՄՈՍՆԵՐ 80:16

Այրված է, կրակով կտրված. կորչում են քո երեսի սաստելուց։

ԵՍԱՅԻ 64:2

ինչպես խռիվն է վառվում կրակով, և ջուրը՝ եռում կրակով. դու հայտնեիր քո անունը քո հակառակորդներին, և քո երեսից կդողային ազգերը։

ՍԱՂՄՈՍՆԵՐ 76:7

Դու ահեղ ես, ո՜վ Տեր, ո՞վ կարող է կանգնել քո առջև քո բարկության ժամանակ։

ՍԱՂՄՈՍՆԵՐ 22:14

Ես թափվեցի ջրի պես, և իմ բոլոր ոսկորները լուծվեցին. սիրտս իմ որովայնում հալած մոմի պես եղավ,

ԹՎԵՐ 10:35

Տապանակը ճանապարհ ընկնելիս Մովսեսն ասում էր. «Վե՛ր կաց, Տե՛ր, որ ցրվեն քո թշնամիները, և քո առջևից փախուստի դիմեն քեզ ատողները»։

Բ ԹԱԳԱՎՈՐՆԵՐԻ 10:13

Եվ Հովաբն իր հետ եղած զորքով մոտեցավ ասորիներին, որպեսզի պատերազմի նրանց դեմ, և նրանք փախան նրա առաջից։

Բ ԹԱԳԱՎՈՐՆԵՐԻ 10:18

Եվ ասորիները փախան Իսրայելի առաջից. և Դավիթը յոթ հարյուր կառք վարող ու քառասուն հազար ձիավոր կոտորեց ասորիներից և զարկեց նրանց զորապետ Սովբակին, որը այնտեղ էլ մեռավ։

ԵՍԱՅԻ 33:3

Քո թնդացող ձայնից փախչում են ժողովուրդները. երբ դու բարձրանում ես, ցրվում են ազգերը։

ԵՐԵՄԻԱ 46:15

Ինչո՞ւ կործանվեց քո հզորը. այն չդիմացավ, որովհետև Տերը նրան վայր գցեց։