ՍԱՂՄՈՍՆԵՐ 38:20 - Նոր վերանայված Արարատ Աստվածաշունչ

²⁰ Բարու փոխարեն ինձ չար հատուցողները հակառակվում են ինձ, որ ես չարի փոխարեն հետևում եմ բարուն։

ՍԱՂՄՈՍՆԵՐ 38:20 Խաչաձեւ Հղումներ

ՍԱՂՄՈՍՆԵՐ 35:12

Չար են հատուցում ինձ բարու փոխարեն՝ իմ անձն անմխիթար թողնելով։

Ա Հովհաննես 3:12

ոչ ինչպես Կայենը, որ չարից էր ու իր եղբորն սպանեց։ Եվ ինչի՞ համար սպանեց նրան. որովհետև իր գործերը չար էին, իսկ իր եղբորինը՝ արդար։

ԵՐԵՄԻԱ 18:20

Մի՞թե բարության փոխարեն չարիք կհատուցվի, որովհետև նրանք փոս են փորել իմ անձի համար. հիշի՛ր, որ քո առաջ կանգնել էի, որպեսզի բարեխոսեմ նրանց համար, որպեսզի նրանցից հետ դարձնեմ քո զայրույթը։

Ա Պետրոս 3:13

Եվ ո՞վ ձեզ կչարչարի, եթե դուք բարուն նախանձախնդիր լինեք։

ՀՈՎՀԱՆՆԵՍ 10:32

Հիսուսը նրանց ասաց. «Ձեզ բազում բարի գործեր ցույց տվեցի իմ Հոր կողմից. դրանցից ո՞ր գործի համար եք ինձ քարկոծում»։

ՍԱՂՄՈՍՆԵՐ 7:4

Եթե չար եմ հատուցել ինձ հետ խաղաղ եղածին, եթե կողոպտել եմ զուր տեղն ինձ նեղացնողին,

Ա ԹԱԳԱՎՈՐՆԵՐԻ 25:21

Դավիթն ասել էր. «Ուրեմն զուր տեղն եմ այդ մարդու ունեցած բոլոր բաները պահել անապատում, և նրա ունեցածից ոչ մի բան չկորավ, բայց նա ինձ լավության փոխարեն վատություն է անում։

Ա ԹԱԳԱՎՈՐՆԵՐԻ 25:16

Եվ որքան ժամանակ որ նրանց մոտ արածեցնում էինք ոչխարները, նրանք գիշերն էլ, ցերեկն էլ պարիսպ են եղել մեզ համար։

Ա ԹԱԳԱՎՈՐՆԵՐԻ 23:12

Եվ Դավիթն ասաց. «Կեիլայի բնակիչներն ինձ և իմ մարդկանց կմատնե՞ն Սավուղի ձեռքը»։ Եվ Տերն ասաց. «Կմատնեն»։

Ա ԹԱԳԱՎՈՐՆԵՐԻ 23:5

Եվ Դավիթն իր մարդկանցով գնաց Կեիլա և պատերազմեց փղշտացիների դեմ, նրանց անասունները վերցրեց և նրանց հարվածեց ու մեծ ջարդ տվեց, և Դավիթն ազատեց Կեիլայի բնակիչներին։

Մատթեոս 5:10

Երանի՜ արդարության համար հալածվողներին, որովհետև երկնքի արքայությունը նրանցն է։

ՍԱՂՄՈՍՆԵՐ 25:19

Նայի՛ր իմ թշնամիներին. որքա՜ն շատ են և բուռն ատելությամբ ատում են ինձ։

ՍԱՂՄՈՍՆԵՐ 35:19

Թող չչարախնդան ինձ վրա զուր տեղն ինձ թշնամություն անողները, և թող իրար աչքով չանեն ինձ առանց պատճառի ատողները։

ՍԱՂՄՈՍՆԵՐ 142:7

Իմ անձը հանի՛ր բանտից, որ քո անվանը գոհություն մատուցեմ. արդարները կշրջապատեն ինձ, երբ ինձ բարություն անես։