ՍԱՂՄՈՍՆԵՐ 15:5 - Նոր վերանայված Արարատ Աստվածաշունչ

⁵ Ով իր արծաթը չի տալիս վարձով և անմեղի դեմ վկայելու կաշառք չի առնում։ Ով որ այս անի, հավիտյան չի սասանվի տեղից։

Նոր Էջմիածին Աստվածաշունչ

⁵ Իմ բաժակի, ժառանգության բաժին, ո՛վ Տեր, Դու ես կրկին ինձ դարձնելու բաժինն իմ։

ՍԱՂՄՈՍՆԵՐ 15:5 Խաչաձեւ Հղումներ

Բ ՕՐԵՆՔ 16:19

Չիրավազրկես, աչառություն չանես և կաշառք չվերցնես, որովհետև կաշառքը կուրացնում է իմաստունների աչքերը և խեղաթյուրում արդարների խոսքերը։

ԵԼՔ 22:25

Եթե իմ ժողովրդից քեզ մոտ եղած մի աղքատի փող փոխ տաս, վաշխառուի նման մի՛ եղիր նրա հանդեպ և վաշխ մի՛ դիր նրա վրա։

ԵԶԵԿԻԵԼ 22:12

Քեզանում արյուն թափելու համար կաշառք վերցրին, վաշխ ու տոկոս առար և ագահությամբ քո ընկերներին հարստահարեցիր և ինձ մոռացար»,- ասում է Տեր Աստված։

ԵԶԵԿԻԵԼ 18:8

վաշխով փող չտա և տոկոս չառնի, իր ձեռքն անիրավությունից հետ պահի, ճշմարիտ դատաստան անի մարդու և մարդու միջև,

ՀՈՎՀԱՆՆԵՍ 13:17

Եթե այս բաներն իմացաք, երանելի կլինեք, թե որ դրանք կատարեք։

ԱՌԱԿՆԵՐ 12:3

Մարդն անիրավությամբ չի հաստատվի, իսկ արդարների արմատը չի սասանվի։

ՍԱՂՄՈՍՆԵՐ 112:6

Որովհետև նա հավիտյան չպիտի սասանվի. արդարը պիտի լինի հավիտենական հիշատակի համար։

ՍԱՂՄՈՍՆԵՐ 106:3

Երանի՜ իրավունքը պահողներին և ամեն ժամանակ արդարություն անողներին։

ՍԱՂՄՈՍՆԵՐ 55:22

Քո հոգսը գցի՛ր Տիրոջ վրա, և նա խնամք կտանի քեզ համար. նա չի թողնի, որ արդարը հավիտյան շարժվի տեղից։

ՍԱՂՄՈՍՆԵՐ 16:8

Ես ամեն ժամանակ Տիրոջը դրեցի իմ առջև, որովհետև նա իմ աջ կողմում է. ես չեմ սասանվի։

Մատթեոս 26:15

ու ասաց. «Ի՞նչ կցանկանաք ինձ տալ, եթե ես նրան ձեզ մատնեմ»։ Նրանք երեսուն արծաթ կշռեցին, տվեցին նրան։

ՄԻՔԻԱ 7:3

Նրանց ձեռքերը չարություն անելու հմուտ են, իշխանավորը ավելի շատ հարկ է պահանջում, դատավորը՝ կաշառք, մեծամեծը իր սրտի ցանկացածն է խոսում, և միահյուսվում են։

ԵԶԵԿԻԵԼ 18:27

Իսկ երբ ամբարիշտը հետ դառնա իր արած ամբարշտությունից և իրավունք ու արդարություն անի, նա իր անձը պիտի ապրեցնի.

ԵԶԵԿԻԵԼ 18:17

աղքատից իր ձեռքը հետ պահի, վաշխ ու տոկոս չառնի, իմ պատվիրանները գործադրի, իմ կանոններով ընթանա, նա իր հոր անօրենության համար չի մեռնի, նա անշուշտ պիտի ապրի։

ԵՍԱՅԻ 33:15

Արդարությամբ քայլողը և ճշմարտությամբ խոսողը, անիրավության շահը մերժողը, կաշառք չընդունելու համար ձեռքերը թափ տվողը, արյունահեղություն չլսելու համար ականջները խցողը և չարություն չտեսնելու համար իր աչքերը փակողը,

ԵԼՔ 22:24

իմ բարկությունը կբորբոքվի, և ձեզ սրով կսպանեմ. ձեր կանայք որբևայրի, իսկ ձեր զավակները որբ կդառնան։

Բ ՕՐԵՆՔ 23:21

Երբ քո Տեր Աստծուն մի ուխտ ունես, չհապաղես այն կատարել, որովհետև քո Տեր Աստվածն անպատճառ այն պահանջելու է քեզանից, և դու մեղքի տեր կդառնաս։

Ա ԹԱԳԱՎՈՐՆԵՐԻ 12:3

Ահա ես այստեղ եմ. Տիրոջ առաջ և նրա օծյալի առաջ վկայեցե՛ք, թե ես ո՛ւմ եզն եմ վերցրել կամ ո՛ւմ էշն եմ վերցրել, կամ ո՛ւմ եմ զրկել կամ անիրավություն արել և կամ ո՛ւմ ձեռքից եմ կաշառք առել ու նրանով իմ աչքերը կուրացրել. ասացե՛ք, և ես կվերադարձնեմ ձեզ»։

ԱՌԱԿՆԵՐ 10:30

Արդարը հավիտյան չի սասանվի, բայց անիրավները երկրի վրա չեն բնակվի։

ԱՌԱԿՆԵՐ 15:27

Ագահորեն վաստակողը դժբախտացնում է իր տունը, իսկ կաշառքներ ատողը կապրի։