ՍԱՂՄՈՍՆԵՐ 144:4 - Նոր վերանայված Արարատ Աստվածաշունչ

⁴ Մարդը նման է ունայնության. նրա օրերն անցնող ստվերի պես են։

Նոր Էջմիածին Աստվածաշունչ

⁴ Սերնդեսերունդ պիտի գովեն քո գործերը Եվ պատմեն քո զորությունները։

ՍԱՂՄՈՍՆԵՐ 144:4 Խաչաձեւ Հղումներ

Բ ԹԱԳԱՎՈՐՆԵՐԻ 14:14

Մենք անշուշտ պիտի մեռնենք, ինչպես գետնին թափված ջուրը, որ էլ չի հավաքվելու։ Բայց Աստված չի ուզում հոգին առնել, այլ միջոցներ է խորհում, որ իրենից աքսորվածը աքսորված չմնա։

Ա ՄՆԱՑՈՐԴԱՑ 29:15

Որովհետև մենք պանդուխտներ ենք քո առջև և նժդեհներ, ինչպես մեր բոլոր հայրերը։ Մեր օրերը երկրի վրա ստվերի նման են, և հաստատուն ոչինչ չկա։

ՀՈԲ 4:19

Ո՞ւր մնացին նրանք, որոնք կավե տներում են բնակվում, որոնց հիմքերը փոշու մեջ են, և որոնք ցեցի նման ճզմվում են։

ՀՈԲ 8:9

Որովհետև մենք երեկ ծնվեցինք ու բան չենք հասկանում, որովհետև մեր օրերը երկրի վրա ստվեր են։

ՍԱՂՄՈՍՆԵՐ 102:11

Իմ օրերը երկարած ստվերի պես են, և ես չորացա խոտի պես։

ՍԱՂՄՈՍՆԵՐ 109:23

Ես անց եմ կենում ինչպես երկարած ստվեր և ցած եմ թափվում մորեխի պես։

ՍԱՂՄՈՍՆԵՐ 39:11

Երբ հանդիմանությամբ մարդուն խրատում ես իր անօրենությունների համար, ապա ոչնչացնում ես նրա գեղեցկությունը, ինչպես ցեցը. հիրավի, ունայն է ամեն մարդ։ (Սելա)։

ՍԱՂՄՈՍՆԵՐ 62:9

Հիրավի, հասարակ մարդիկ ունայն են, և մեծամեծ մարդիկ՝ սուտ. երբ դրվեն կշեռքի վրա, նրանք ավելի թեթև պիտի լինեն ամեն ունայնությունից։

ՍԱՂՄՈՍՆԵՐ 89:47

Հիշի՛ր, իմ կյանքն ի՜նչ անցավոր է, և ի՛նչ ունայնության համար ստեղծեցիր մարդկանց բոլոր որդիներին։

ԺՈՂՈՎՈՂ 1:14

Ես տեսա այն բոլոր գործերը, որ գործվել են արեգակի տակ, և բոլորն ահա ունայնություն էին, քամուն հետապնդում։

ԺՈՂՈՎՈՂ 1:2

Ունայնություն ունայնությանց,- ասաց Ժողովողը,- ունայնություն ունայնությանց, ամեն ինչ ունայնություն է։

ԺՈՂՈՎՈՂ 12:8

Ունայնություն ունայնությանց,- ասաց Ժողովողը,- ամեն բան ունայն է։

ԺՈՂՈՎՈՂ 8:13

Բայց անիրավին բարօրություն չի լինելու, և իր օրերը չի երկարացնելու ստվերի նման, որովհետև Աստծու երեսից չի վախենում։