ՍԱՂՄՈՍՆԵՐ 12:2 - Նոր վերանայված Արարատ Աստվածաշունչ

² Ամեն մարդ զուր բան է խոսում իր ընկերոջ հետ. շողոքորթ շրթունքներով և կեղծ սրտով են խոսում։

Նոր Էջմիածին Աստվածաշունչ

² Տե՛ր, մինչև ե՞րբ պիտի իսպառ մոռանաս ինձ, Մինչև ե՞րբ երեսդ պիտի դարձնես ինձանից,

ՍԱՂՄՈՍՆԵՐ 12:2 Խաչաձեւ Հղումներ

Հռոմեացիներին 16:18

Այդպիսիները մեր Տեր Քրիստոսին չեն ծառայում, այլ իրենց որովայնին, և պարզամիտների սրտերը քաղցր խոսքերով ու գովասանքներով են մոլորեցնում։

ԵՐԵՄԻԱ 9:8

Մահաբեր նետ է նրանց լեզուն, խաբեություն է խոսում. իր ընկերոջ հետ բերանով խաղաղություն է խոսում, իսկ իր սրտում նրան դարան է պատրաստում։

ՍԱՂՄՈՍՆԵՐ 41:6

Եվ եթե մեկը գալիս է ինձ տեսնելու, ունայնություն է խոսում. նրա սիրտն անօրենություն է կուտակում իր մեջ, և նա դուրս է գնում և ասում ուրիշին։

ՍԱՂՄՈՍՆԵՐ 144:8

Որովհետև նրանց բերանն ունայն բան է խոսում, և նրանց աջը ստության մեջ է։

ՍԱՂՄՈՍՆԵՐ 10:7

Նրա բերանը լիքն է անեծքով, նենգությամբ և սպառնալիքով, նրա լեզվի տակ նեղություն կա և անօրենություն։

ՍԱՂՄՈՍՆԵՐ 5:9

Որովհետև նրանց բերանում ճշմարտություն չկա. նրանց ներսը չարություն է, նրանց կոկորդը բաց գերեզման է, և իրենց լեզվով նենգություն են անում։

Հակոբոս 1:8

Երկմտող մարդն անհաստատ է իր բոլոր ճանապարհներում։

ՍԱՂՄՈՍՆԵՐ 28:3

Մի՛ կորցրու ինձ ամբարիշտների հետ և անօրենություն գործողների հետ, որ խաղաղության մասին են խոսում իրենց ընկերների հետ, բայց չարություն կա նրանց սրտերում։

Ա Թեսաղոնիկեցիներին 2:5

Երբեք շողոքորթ խոսքերով հանդես չեկանք, ինչպես գիտեք, և ոչ էլ ագահության պատրվակով. Աստված վկա է։

ԵԶԵԿԻԵԼ 12:24

Որովհետև այլևս Իսրայելի տան մեջ ոչ մի ունայն տեսիլք և շողոքորթող գուշակություն չպիտի լինի։

ԱՌԱԿՆԵՐ 29:5

Իր հարևանին շողոքորթող մարդը ցանց է փռում նրա քայլերի համար։

ԱՌԱԿՆԵՐ 20:19

Բանսարկություն անողը գաղտնիքն է հայտնում, ուստի շրթունքները լայն բացողի հետ մի՛ հաղորդակցվիր։

ՍԱՂՄՈՍՆԵՐ 144:11

Ազատի՛ր ինձ և փրկի՛ր ինձ օտար որդիների ձեռքից, որովհետև նրանց բերանն ունայն բան է խոսում, և նրանց աջը ստության աջ է.

ՍԱՂՄՈՍՆԵՐ 62:4

Հիրավի, խորհուրդ են անում, որ նրան ցած գցեն իր բարձրությունից. հավանում են ստությունը, իրենց բերանով օրհնում են, բայց անիծում են իրենց սրտի մեջ։ (Սելա)։

ՍԱՂՄՈՍՆԵՐ 55:21

Նրա բերանը յուղից ավելի փափուկ է, բայց կռիվ կա նրա սրտում, նրա խոսքերը ձեթից ավելի փափուկ են, բայց սրած թրեր են։

ՍԱՂՄՈՍՆԵՐ 59:12

Թող նրանք բռնվեն իրենց ամբարտավանության մեջ՝ իրենց բերանի մեղքերի համար և իրենց շրթունքների խոսքերի համար և այն անեծքի ու սուտ խոսքերի համար, որ պատմում են։

Ա ՄՆԱՑՈՐԴԱՑ 12:33

Զաբուղոնի որդիներից՝ հիսուն հազար հոգի՝ պատերազմական բոլոր գործիքներով զինված, պատրաստ պատերազմի մեջ մտնելու և կռվելու վճռական սրտով։

ՍԱՂՄՈՍՆԵՐ 38:12

Իմ անձը փնտրողները որոգայթ են լարում, և անօրենություն են խոսում ինձ համար չարիք ուզողները ու նենգություն են հնարում ամեն օր։

ՍԱՂՄՈՍՆԵՐ 116:11

Ես շփոթահար ասացի. «Ամեն մարդ սուտ է»։

ԱՌԱԿՆԵՐ 20:6

Շատերը հայտարարում են իրենց հավատարմությունը, բայց վստահելի մարդուն ո՞վ է գտնում։

ԵՐԵՄԻԱ 7:28

Ուրեմն ասա՛ նրանց. “Սա այն ազգն է, որ չի հնազանդվում Տիրոջ՝ իր Աստծու ձայնին և խրատ չի ընդունում. հավատարմությունը կորել և կտրվել է նրանց բերանից”»։

ՄԻՔԻԱ 7:2

Բարեպաշտը կորչում է երկրից, և մարդկանց մեջ ուղղամիտը չկա. ամենքն արյան համար դարան են սարքում, ամեն մարդ իր եղբորը որսում է ցանցով։