Մատթեոս 11:6 - Նոր վերանայված Արարատ Աստվածաշունչ

⁶ Եվ երանի՜ նրան, ով ինձանով չի գայթակղվի»։

Նոր Էջմիածին Աստվածաշունչ

⁶ Եվ երանի՜ նրան, ով չի գայթակղվի իմ պատճառով»։

Մատթեոս 11:6 Խաչաձեւ Հղումներ

Ա Կորնթացիներին 2:14

Բայց ոչ հոգևոր մարդը չի ընդունում այն, ինչ Աստծու Հոգուց է, որովհետև սրանք նրա համար հիմարություն են. և չի էլ կարող ճանաչել, որովհետև դրանք հոգևոր կերպով են քննվում։

Մատթեոս 26:31

Այդ ժամանակ Հիսուսը նրանց ասաց. «Այս գիշեր դուք բոլորդ ինձանով պիտի գայթակղվեք, որովհետև գրված է. "Հովվին կհարվածեմ, և հոտի ոչխարները կցրվեն" (Զաք. 13.7բ)։

ՀՈՎՀԱՆՆԵՍ 6:66

Դրանից հետո նրա աշակերտներից շատերը հետ քաշվեցին ու նրան այլևս չհետևեցին։

Մատթեոս 24:10

Եվ այդ ժամանակ շատերն են գայթակղվելու, միմյանց մատնելու և միմյանց ատելու։

Ա Պետրոս 2:8

և գլորման քար, գայթակղության վեմ, որով գայթակղվում են՝ խոսքին չհավատալով, որի համար սահմանված էին։

Մատթեոս 18:7

Վա՜յ աշխարհին գայթակղությունների պատճառով. որովհետև հարկ է, որ գայթակղությունները գան, սակայն վա՛յ այն մարդուն, որի միջոցով գայթակղությունը կգա։

Գաղատացիներին 5:11

Բայց ես, եղբայրնե՛ր, եթե դեռևս թլփատություն եմ քարոզում, էլ ինչի՞ համար եմ հալածվում։ Այդ դեպքում խաչի գայթակղությունը խափանված է։

ՍԱՂՄՈՍՆԵՐ 119:1

Երանելի են ճանապարհով անմեղները, որոնք գնում են Տիրոջ օրենքով։

Ղուկաս 2:34

Եվ Սիմեոնն օրհնեց նրանց ու ասաց նրա մորը՝ Մարիամին. «Ահա սա է, որ պատճառ է լինելու Իսրայելում շատերի անկման կամ բարձրացման և նշան հակառակության։

Մատթեոս 5:29

Եթե քո աջ աչքը քեզ գայթակղեցնում է, հանի՛ր այն ու քեզանից դե՛ն գցիր, որովհետև քեզ համար լավ է, որ անդամներիցդ մեկը կորչի, քան ամբողջ մարմինդ գեհեն ընկնի։

Մատթեոս 13:21

բայց քանի որ իր մեջ արմատ չունի, այլ ժամանակավոր է, ապա երբ այդ խոսքի պատճառով նեղություն կամ հալածանք է լինում, իսկույն գայթակղվում է։

Մարկոս 6:3

Սա այն հյուսնը չէ՞, Մարիամի որդին, Հակոբոսի ու Հովսեսի, Հուդայի ու Սիմոնի եղբայրը։ Սրա քույրերն այստեղ՝ մեզ մոտ չե՞ն»։ Եվ դա խանգարում էր նրանց հավատալ Հիսուսին։

Ղուկաս 7:23

Եվ երանի՜ նրան, ով իմ պատճառով չի ընկնի»։

ՀՈՎՀԱՆՆԵՍ 16:1

«Այս բաներն ասացի ձեզ, որպեսզի չգայթակղվեք։