ՀՈՎՆԱՆ 2:10 - Նոր վերանայված Արարատ Աստվածաշունչ

¹⁰ Եվ Տերը հրամայեց ձկանը, և նա Հովնանին փսխեց ցամաքին։

Նոր Էջմիածին Աստվածաշունչ

¹⁰ Բայց ես օրհնության և խոստովանության ձայնով քեզ պատարագ կմատուցեմ, որ ուխտեցի և կհատուցեմ Տիրոջ փրկության համար»։

ՀՈՎՆԱՆ 2:10 Խաչաձեւ Հղումներ

ԾՆՆԴՈՑ 1:11

Եվ Աստված ասաց. «Երկիրը թող կանաչ խոտ աճեցնի, սերմ տվող խոտ և պտղաբեր ծառ, որ պտուղ տա՝ իր տեսակի պես, որի սերմը իր մեջ լինի երկրի վրա»։ Եվ այդպես եղավ։

ԾՆՆԴՈՑ 1:14

Եվ Աստված ասաց. «Թող լուսատուներ լինեն երկնքի հաստատության մեջ, որպեսզի ցերեկը բաժանեն գիշերից. և նշանների, ժամանակների, օրերի ու տարիների համար լինեն։

ԾՆՆԴՈՑ 1:3

Եվ Աստված ասաց. «Թող լույս լինի»։ Եվ լույս եղավ։

ԾՆՆԴՈՑ 1:7

Եվ Աստված արարեց հաստատությունը ու բաժանեց հաստատության տակ եղած ջրերը տարածության վրա եղած ջրերից։ Եվ այդպես եղավ։

ԾՆՆԴՈՑ 1:9

Եվ Աստված ասաց. «Երկնքի տակ եղած ջրերը թող մի տեղ հավաքվեն, և ցամաքը երևա»։ Եվ այդպես եղավ։

ՍԱՂՄՈՍՆԵՐ 105:31

Ասաց, և շնաճանճը եկավ, և մժեղներն էլ՝ նրանց բոլոր սահմանների մեջ։

ՍԱՂՄՈՍՆԵՐ 105:34

Ասաց, և մորեխ ու թրթուր եկան, որոնց թիվ չկար,

ՍԱՂՄՈՍՆԵՐ 22:26

Թող աղքատներն ուտեն և կշտանան, թող Տիրոջն օրհներգեն նրան փնտրողները. ձեր սիրտը թող ապրի հավիտյան։

ՍԱՂՄՈՍՆԵՐ 33:9

Որովհետև նա ասաց, և եղավ. նա հրամայեց, և հաստատվեց։

ԵՍԱՅԻ 38:20

Տերն ինձ փրկելու է. ուրեմն լարավոր նվագարաններով երգեր երգենք մեր կյանքի բոլոր օրերին Տիրոջ տան մեջ»։

ԵՍԱՅԻ 43:11

Ես, ե՛ս եմ Տերը, և ինձնից բացի ուրիշ Փրկիչ չկա։

ԵՍԱՅԻ 50:2

Երբ ես եկա, ինչո՞ւ մարդ չկար. երբ ես կանչեցի, ինչո՞ւ պատասխանող չկար. մի՞թե իմ ձեռքը կարճացել էր, որ չկարողանայի փրկել, և կամ ես ուժ չունեի՞ ազատելու։ Ահա ես իմ սաստով ցամաքեցնում եմ ծովը, անապատ եմ դարձնում գետերը, և ջուր չլինելու պատճառով հոտում են դրանց ձկները և սատկում ծարավից։

ՈՎՍԵԵ 13:4

Սակայն Եգիպտոսից ի վեր ես եմ քո Աստվածը՝ Տերը, և ինձնից բացի ուրիշ Աստված չես ճանաչում, և մի փրկիչ չկա ինձնից բացի։

ՈՎՍԵԵ 14:3

Ասորեստանցին մեզ չի փրկելու, ձիեր չենք հեծնելու և մյուս անգամ մեր ձեռքի գործերին չենք ասելու. “Ո՛վ մեր Աստված”, որովհետև որբը քեզանից է ողորմություն գտնում»։

ՀՈՎՆԱՆ 1:17

Եվ Տերը մի մեծ ձկան հրամայեց, որ Հովնանին կուլ տա։ Եվ Հովնանը երեք օր ու երեք գիշեր ձկան փորում էր։

ՀՈՎՆԱՆ 3:1

Եվ Տիրոջ խոսքը երկրորդ անգամ հասավ Հովնանին՝ ասելով.