ՀՈՎՀԱՆՆԵՍ 8:15 - Նոր վերանայված Արարատ Աստվածաշունչ

¹⁵ Դուք ըստ մարմնի եք դատում, իսկ ես ոչ ոքի չեմ դատում։

Նոր Էջմիածին Աստվածաշունչ

¹⁵ Դուք ըստ մարմնի եք դատում, իսկ ես ոչ ոքի չեմ դատում,

ՀՈՎՀԱՆՆԵՍ 8:15 Խաչաձեւ Հղումներ

Ա ԹԱԳԱՎՈՐՆԵՐԻ 16:7

Բայց Տերը Սամուելին ասաց. «Մի՛ նայիր նրա տեսքին ու բարձր հասակին, քանզի ես մերժեցի նրան, որովհետև Տերը մարդու պես չի նայում. մարդը տեսնում է աչքին երևացողը, իսկ Տերը սրտին է նայում»։

ՀՈՎՀԱՆՆԵՍ 12:47

Եվ եթե որևէ մեկն իմ խոսքերը լսի ու չպահի, ես նրան չեմ դատի, որովհետև ես չեկա աշխարհը դատելու, այլ փրկելու աշխարհը։

ՀՈՎՀԱՆՆԵՍ 7:24

Ըստ տեսածի մի՛ դատեք, այլ արդա՛ր դատաստան արեք»։

ՀՈՎՀԱՆՆԵՍ 3:17

Որովհետև Աստված իր Որդուն աշխարհ չուղարկեց՝ դատելու աշխարհը, այլ որպեսզի նրա միջոցով աշխարհը փրկվի։

ՀՈՎՀԱՆՆԵՍ 18:36

Հիսուսը պատասխանեց. «Իմ թագավորությունն այս աշխարհից չէ։ Եթե իմ թագավորությունն այս աշխարհից լիներ, ապա իմ հետևորդները կպայքարեին, որ ես հրեաների ձեռքը չմատնվեի. ուստի և իմ թագավորությունն այստեղից չէ»։

Ա Կորնթացիներին 2:15

Իսկ հոգևոր մարդն ամեն բան քննում է, և ինքը ոչ ոքի կողմից չի քննվում։

Հռոմեացիներին 2:1

Ուստի աններելի ես, ո՛վ մարդ, որ բոլորին դատում ես. որովհետև ինչով ուրիշին դատում ես, ինքդ քեզ ես դատապարտում, քանի որ դու նույնն ես անում, ինչով որ դատում ես։

ՀՈՎՀԱՆՆԵՍ 8:11

Իսկ նա ասաց. «Ոչ ոք, Տե՛ր»։ Հիսուսը նրան ասաց. «Ոչ էլ ես եմ քեզ դատապարտում. գնա՛ և այսուհետև մեղք մի՛ գործիր»։

ԱՄՈՎՍ 5:7

Դուք, որ իրավունքը օշինդր եք դարձնում և արդարությունը գետնով տալիս,

Հակոբոս 2:4

դուք ձեր մեջ աչառություն արած չե՞ք լինի կամ չար խորհուրդների դատավորներ չե՞ք լինի։

Ղուկաս 12:14

Նա էլ ասաց նրան. «Մա՛րդ, ո՞վ ինձ ձեզ վրա դատավոր կամ բաժանարար կարգեց»։

ԱՄԲԱԿՈՒՄ 1:4

Ուստի օրենքն անզոր է, և իրավունքը չի առաջանում, որովհետև ամբարիշտները շրջապատել են արդարին, դրա համար դատաստանն էլ ծուռ է դուրս գալիս։

ԱՄՈՎՍ 6:12

Մի՞թե ձիերն ապառաժի վրա կվազեն, կամ թե նա եզներով կհերկվի՞։ Դուք իրավունքը թույնի եք փոխել և արդարության պտուղը՝ օշինդրի։

Բ Կորնթացիներին 5:16

Ուրեմն այսուհետև մենք մարդկային տեսակետից ոչ ոքի չենք ճանաչում։ Ու թեև Քրիստոսին մարդկային տեսակետից էինք ճանաչում, սակայն հիմա այլևս այդպես չենք ճանաչում։