ՀՈԲ 8:8 - Նոր վերանայված Արարատ Աստվածաշունչ

⁸ Ուրեմն քո նախորդ սերունդներին հարցրո՛ւ և տե՛ս, թե նրանց հայրերն ի՛նչ սովորեցին։

Նոր Էջմիածին Աստվածաշունչ

⁸ Հարցրո՛ւ նախկին սերունդներին քննի՛ր քո նախնիների փորձը։

ՀՈԲ 8:8 Խաչաձեւ Հղումներ

ՀՈԲ 15:18

Ինչ որ իմաստունները պատմեցին ու իրենց հայրերից ստացածը չթաքցրին։

Բ ՕՐԵՆՔ 32:7

Հիշի՛ր հին օրերը, Մտաբերի՛ր անցած դարերի տարիները. Հարցրո՛ւ քո հորը, նա կպատմի քեզ, Հարցրո՛ւ քո ծերերին, նրանք կասեն քեզ։

Բ ՕՐԵՆՔ 4:32

Ուրեմն քննի՛ր քեզանից առաջ եղած առաջին օրերի մասին, այսինքն՝ սկսած այն օրից, երբ Աստված ստեղծեց մարդուն, թե երկրի մի ծայրից մինչև մյուս ծայրը արդյոք այսպիսի մի մեծ բան երբևէ կատարվե՞լ է, կամ այսպիսի մի բան լսվե՞լ է,

Հռոմեացիներին 15:4

Ինչ որ գրվել է, մեր սովորելու համար է գրվել, որպեսզի համբերությամբ և Գրքերի մխիթարությամբ հույս ունենանք։

Ա Կորնթացիներին 10:11

Եվ այդ ամենը նրանց իբրև օրինակ էր պատահում, բայց իբրև խրատ գրվեց մեզ, որոնց համար հասել է ժամանակի վերջը։

ԵՍԱՅԻ 38:19

Ապրողը, ապրողն է քեզ գովերգելու, ինչպես այսօր՝ ես։ Հայրն իր որդիներին պիտի իմացնի քո հավատարմությունը։

ՍԱՂՄՈՍՆԵՐ 44:1

Ո՜վ Աստված, մեր ականջներով լսեցինք. մեր հայրերը մեզ պատմեցին այն գործերի մասին, որ դու կատարեցիր նրանց օրերին՝ այն հին ժամանակներում։

ՀՈԲ 15:10

Մեզ մոտ ծեր էլ կա, ալևոր էլ, որ քո հայրերից տարիքով են։

ՀՈԲ 12:12

Իմաստությունն ալևորների մեջ է, և գիտությունը՝ երկար օրերի մեջ։

Բ ՄՆԱՑՈՐԴԱՑ 10:6

Ռոբովամ թագավորը խորհրդակցեց այն ծերերի հետ, որոնք իր հոր՝ Սողոմոնի կենդանության ժամանակ կանգնում էին նրա առաջ, և ասաց. «Ի՞նչ խորհուրդ եք տալիս ինձ, որ ես պատասխան տամ այս ժողովրդին»։

ՀՈԲ 20:4

Այս բանը գիտե՞ս, որ հավիտենից ի վեր է, երկրիս վրա մարդու դրվելուց ի վեր,

ՀՈՎԵԼ 1:2

«Լսե՛ք այս, ո՛վ ծերեր, և ակա՛նջ դրեք, երկրի բոլո՛ր բնակիչներ, ձեր օրերում և կամ ձեր հայրերի օրերում այսպիսի բան եղե՞լ է։

ՀՈԲ 13:1

«Այդ ամենն իմ աչքը տեսել է, ականջս՝ լսել ու հասկացել։