ՀՈԲ 8:13 - Նոր վերանայված Արարատ Աստվածաշունչ

¹³ Աստծուն բոլոր մոռացողների ճանապարհներն այսպիսին են. անաստվածի հույսն էլ կկորչի։

Նոր Էջմիածին Աստվածաշունչ

¹³ Արդ, բոլորի վախճանն այնպիսին կլինի, որ կմոռանան Տիրոջը, որովհետև ամբարիշտի հույսը կկորչի։

ՀՈԲ 8:13 Խաչաձեւ Հղումներ

ՍԱՂՄՈՍՆԵՐ 9:17

Ամբարիշտները պիտի ետ դառնան դժոխք, և բոլոր ազգերը, որ մոռանում են Աստծուն։

ՀՈԲ 13:16

Նաև այն է իմ փրկությունը, որ անաստվածը նրա առաջ չի գա։

ՀՈԲ 11:20

Բայց ամբարիշտների աչքերը պիտի նվաղեն, և նրանք ապաստան չեն ունենա. նրանց հույսը հոգեվարքի մեջ պիտի լինի»։

ԱՌԱԿՆԵՐ 10:28

Արդարների ակնկալությունն ուրախություն է, իսկ անիրավների հույսը կկորչի։

ՀՈԲ 15:34

Որովհետև անաստվածների հավաքն ամայի պիտի լինի, և կաշառք վերցնողների վրանները կրակը պիտի լափի։

ԱՌԱԿՆԵՐ 12:7

Անիրավները կկործանվեն ու կչքանան, բայց արդարների տունը հաստատուն կմնա։

ՍԱՂՄՈՍՆԵՐ 50:22

Մտածե՛ք այս մասին, ո՛վ Աստծուն մոռացողներ, որ գուցե ձեզ հափշտակեմ, և ոչ ոք չի լինի, որ փրկի։

ՀՈԲ 20:5

Ամբարիշտների ցնծությունը կարճ է լինում, և անաստվածի ուրախությունը՝ մեկ վայրկյան.

Բ ՕՐԵՆՔ 8:19

Եթե քո Տեր Աստծուն մոռանալով՝ գնաս ուրիշ աստվածների հետևից, դրանց պաշտես և դրանց երկրպագություն անես, ես այսօր վկայում եմ ձեզ, որ անպատճառ կկորչեք.

Մատթեոս 24:51

Եվ նրան մեջտեղից կկտրի ու նրա բաժինը կեղծավորների հետ կդնի։ Այնտեղ կլինի լաց և ատամների կրճտոց»։

ԵՐԵՄԻԱՅԻ ՈՂԲԵՐԸ 3:18

Եվ ասացի. «Կորավ իմ փառքը և իմ ակնկալությունը Տիրոջից»։

ԵՍԱՅԻ 51:13

Դու մոռանում ես Տիրոջը՝ քո արարչին, որ տարածեց երկինքն ու հաստատեց երկրի հիմքերը. դու միշտ և ամեն օր վախենում ես բռնավորի զայրույթից, որը պատրաստվում է ոչնչացնելու. բայց ո՞ւր է բռնավորի զայրույթը։

ԵՍԱՅԻ 33:14

Սիոնում սարսափում են մեղավորները, դողն է բռնել անաստվածներին. «Մեզնից ո՞վ կարող է բնակվել լափող կրակի հետ, մեզնից ո՞վ կարող է բնակվել հավիտենական բոցերում»։

ՍԱՂՄՈՍՆԵՐ 10:4

Ամբարիշտն իր երեսի ամբարտավանությամբ երբեք չի փնտրում Աստծուն. Աստված չկա նրա բոլոր խորհուրդներում։

ՀՈԲ 36:13

Սրտով անաստվածները բարկություն կդիզեն, օգնության աղաղակ չեն բարձրացնի, երբ իրենց կապի։

ՀՈԲ 18:14

Նրան բռնությամբ պիտի պոկեն վրանից, որտեղ ապահով ապրում էր, և նրան պիտի քշեն զարհուրանքի թագավորի մոտ։

Բ ՕՐԵՆՔ 8:14

և հետո սիրտդ գոռոզանա, ու մոռանաս քո Տեր Աստծուն, որը քեզ դուրս բերեց եգիպտացիների երկրից՝ ստրկության տնից,

Բ ՕՐԵՆՔ 8:11

Զգո՛ւյշ եղիր. չլինի թե մոռանաս քո Տեր Աստծուն ու չպահես նրա պատվիրանները, հրամաններն ու կանոնները, որոնք ես այսօր պատվիրում եմ քեզ։

Բ ՕՐԵՆՔ 6:12

զգո՛ւյշ եղիր, միգուցե մոռանաս Տիրոջը, որ քեզ հանեց Եգիպտոսից՝ ստրկության տնից։

ՀՈԲ 8:12

Նա դեռ իր դալարության մեջ, չկտրված՝ ամեն խոտից առաջ կչորանա։

ՍԱՂՄՈՍՆԵՐ 112:10

Ամբարիշտը պիտի տեսնի և բարկանա, պիտի կրճտացնի իր ատամները և հալվի. պիտի կորչի ամբարիշտների ցանկությունը։

ԱՌԱԿՆԵՐ 11:7

Երբ անիրավը մեռնի, նրա հույսը կվերանա, և անօրենների ակնկալությունը կկորչի։

ՍԱՂՄՈՍՆԵՐ 1:4

Այսպես չեն ամբարիշտները, այլ նման են հարդի շյուղի, որ ցրիվ է տալիս քամին։