ՀՈԲ 37:6 - Նոր վերանայված Արարատ Աստվածաշունչ

⁶ Որովհետև նա ձյանն ասում է. “Երկրի վրա՛ իջիր”, նաև ուժեղ անձրևին, իր զորության ուժեղ տարափին։

Նոր Էջմիածին Աստվածաշունչ

⁶ Ձյանը հրամայում է. «Իջի՛ր երկրի վրա», նաև ձմեռային անձրևներին, որ ցույց տան իրենց զորությունը։

ՀՈԲ 37:6 Խաչաձեւ Հղումներ

ԵԶՐԱՍ 10:13

Միայն թե ժողովուրդը շատ է, և ժամանակն էլ՝ անձրևային, և հնարավոր չէ դրսում կանգնել. այս գործը մեկ կամ երկու օրվա բան չէ, որովհետև շատերս հանցավոր ենք այդ գործի մեջ։

ԵԶՐԱՍ 10:9

Եվ Հուդայի ու Բենիամինի բոլոր մարդիկ երեք օրում հավաքվեցին Երուսաղեմում իններորդ ամսվա քսանին, և ամբողջ ժողովուրդը նստեց Աստծու տան հրապարակում՝ դողալով այն բանի համար և անձրևներից։

ՀՈԲ 28:26

Անձրևի համար օրենք սահմանելիս, որոտալից կայծակի համար՝ ճանապարհ,

ՀՈԲ 36:27

Որովհետև նա ջրի կաթիլները քաշում է և նրա գոլորշուց անձրև է թափում,

ՀՈԲ 38:22

Արդյոք ձյան շտեմարանները գնացե՞լ ես և կարկուտի շտեմարանները տեսե՞լ ես,

ՀՈԲ 5:10

Նա երկրի երեսին անձրև է տալիս ու դաշտերի վրա ջրեր ուղարկում.

ՍԱՂՄՈՍՆԵՐ 148:8

Կրակ և կարկո՛ւտ, ձյուն և ծո՛ւխ, մրրկահո՛ղմ, դուք, որ կատարում եք նրա խոսքը,

ԱՌԱԿՆԵՐ 28:3

Աղքատ մարդը, որը նեղում է չքավորներին, ուտելիքի չգոյություն պատճառող հորդառատ անձրևի պես է։

ԵԶԵԿԻԵԼ 13:11

Ծեփողներին ասա՛. “Տապալելու է, հորդահոս անձրև է լինելու, և դուք, ո՛վ կարկուտի քարեր, վայր կընկնեք, և մրրկալից հողմը այն կճեղքի։

ԵԶԵԿԻԵԼ 13:13

Ուստի այսպես է ասում Տեր Աստված. “Իմ զայրույթով մրրկալից հողմ պիտի արձակեմ, և հորդահոս անձրև պիտի լինի իմ բարկությամբ ու կարկուտի քարեր՝ զայրույթով ոչնչացնելու համար։

ԱՄՈՎՍ 9:6

Նա, որ երկնքում է շինում իր վերնատները և իր կամարը երկրի վրա հաստատում. նա, որ կանչում է ծովի ջրերին և նրանց թափում երկրի մակերեսին, Տեր է նրա անունը։