ՀՈԲ 33:9 - Նոր վերանայված Արարատ Աստվածաշունչ

⁹ Դու ասում ես. “Մաքուր եմ ես, մեղքից զերծ, անարատ եմ ես, հանցանք չունեմ։

Նոր Էջմիածին Աստվածաշունչ

⁹ Ասացիր. “Մաքուր եմ ու չեմ մեղանչել, անարատ եմ, որովհետև անօրենություն չեմ արել։

ՀՈԲ 33:9 Խաչաձեւ Հղումներ

ՀՈԲ 10:14

Եթե մեղանչեմ, դու ինձ կնկատես ու իմ հանցանքն անպատիժ չես թողնի։

ՀՈԲ 10:7

Դու գիտես, որ հանցավոր չեմ, բայց քո ձեռքից ազատող չկա։

ՀՈԲ 11:4

Որ ասում ես՝ “Իմ խոսքը մաքուր է, և քո աչքի առաջ անարատ եմ”։

ՀՈԲ 13:18

Ահա ես դատս կարգի եմ բերել, գիտեմ, որ արդար եմ լինելու։

ՀՈԲ 13:23

Իմ անօրենությունները և մեղքերն ինչքա՞ն են. իմ հանցանքն ու մեղքն ինձ իմացրո՛ւ։

ՀՈԲ 14:17

Իմ մեղքը ծրարի մեջ կնքված է, և դու իմ հանցանքը պիտի ծածկես։

ՀՈԲ 16:17

Թեև ձեռքերիս մեջ անիրավություն չկա, և աղոթքս մաքուր է,

ՀՈԲ 17:8

Արդարները դրանից ցնցվեցին, և անմեղը անաստվածի դեմ գրգռվեց։

ՀՈԲ 17:9

Արդարն իր ճանապարհը պինդ կբռնի, և մաքուր ձեռք ունեցողը քանի գնա, կզորանա։

ՀՈԲ 23:10

Սակայն նա իմ ճանապարհը գիտե. երբ ինձ փորձի, ես ոսկու նման դուրս կգամ։

ՀՈԲ 29:14

Արդարությամբ էի զգեստավորված և նրանով զգեստավորվում էի. իրավունքը պատմուճան և խույր էր ինձ համար։

ՀՈԲ 32:1

Այս երեք մարդիկ Հոբին պատասխան տալուց դադարեցին, որովհետև նա իր աչքին արդար էր։

ՀՈԲ 33:8

Արդարև ականջիս ասել ես, ու ես խոսքերի ձայնը լսեցի.

ՀՈԲ 34:5

Որովհետև Հոբն ասաց. “Արդար եմ, բայց Աստված իմ իրավունքը մերժեց։

ՀՈԲ 34:6

Չնայած ես արդար եմ, ինձ ստախոս են համարում։ Իմ վերքն անբուժելի է, թեև ես հանցանք չունեմ”։

ՀՈԲ 35:2

«Սա դու իրավո՞ւնք ես համարում, որ ասում ես՝ “Ես Աստծու առաջ արդար եմ”։

ՀՈԲ 7:21

Եվ ինչո՞ւ չես իմ մեղքը ներում և իմ հանցանքին թողություն չես տալիս։ Որովհետև հիմա հողի մեջ եմ պառկելու. ինձ փնտրելու ես, ու ես չեմ լինելու»։

ՀՈԲ 9:17

Նա, որ ինձ փոթորիկով կճզմի և զուր տեղն իմ վերքերը կշատացնի,

ՀՈԲ 9:21

Եթե ես կատարյալ լինեմ, իմ անձը նկատի չեմ առնի, կյանքս կարհամարհեմ։

ՀՈԲ 9:23

Եթե աղետը հանկարծ մեռցնի, նա անմեղի փորձանքի վրա կծիծաղի։

ՀՈԲ 9:28

Այն ժամանակ բոլոր ցավերիցս կսարսափեմ. գիտեմ, որ ինձ անմեղ չես համարի։

ԵՐԵՄԻԱ 2:35

դու ասում ես. “Ես անմեղ եմ. նրա բարկությունն անշուշտ հեռացել է ինձնից”։ Ահա ես քո հանդեպ դատաստան պիտի անեմ, որովհետև ասում ես. “Չեմ մեղանչել”։