ՀՈԲ 14:1 - Նոր վերանայված Արարատ Աստվածաշունչ

¹ «Կնոջից ծնված մարդը կարճ կյանք ունի և նեղությամբ լիքն է։

Նոր Էջմիածին Աստվածաշունչ

¹ «Կանանցածին մարդը սակավակյաց է ու լի բարկությամբ։

ՀՈԲ 14:1 Խաչաձեւ Հղումներ

ՀՈԲ 5:7

Սակայն մարդը թշվառության համար է ծնվել, ինչպես որ կրակի կայծերն են թռչում։

ԺՈՂՈՎՈՂ 2:23

Որովհետև նրա բոլոր օրերը ցավալի են, և նրա գործերը՝ տաղտկալի, նրա միտքը գիշերն իսկ հանգիստ չէ. սա էլ է ունայնություն։

ՀՈԲ 25:4

Աստծու առաջ մարդ ինչպե՞ս կարդարանա, կամ կնոջից ծնվածն ինչպե՞ս մաքուր կլինի։

ՀՈԲ 7:1

«Չէ՞ որ մարդս երկրի վրա զինվորության ծառայություն ունի, ու նրա օրերը վարձկանի օրերի պես են։

ԾՆՆԴՈՑ 47:9

Հակոբը պատասխանեց փարավոնին. «Իմ պանդխտության տարիների օրերը հարյուր երեսուն տարի են։ Իմ կյանքի տարիների օրերը քիչ և ցավով են եղել ու չեն հասել իմ հայրերի՝ պանդխտության մեջ անցկացրած կյանքի տարիների օրերին»։

Մատթեոս 11:11

Ճշմարիտ եմ ասում ձեզ. կանանցից ծնվածների մեջ Հովհաննես Մկրտչից ավելի մեծը չի եղել, բայց երկնքի արքայության մեջ ամենափոքրը նրանից մեծ է։

ՍԱՂՄՈՍՆԵՐ 51:5

Ահա ես ծնվեցի անօրենությամբ, և իմ մայրն ինձ մեղքով հղացավ։

ՀՈԲ 15:14

Մարդն ի՞նչ է, որ մաքուր լինի, և կնոջից ծնվածը՝ որ արդարանա։

ՀՈԲ 9:25

Իմ օրերը սուրհանդակից էլ արագ փախան, վազեցին, բարիք չտեսան։

ՀՈԲ 7:6

Օրերս մաքոքից արագ են վազում և առանց հույսի վերջանում են։

ԺՈՂՈՎՈՂ 2:17

Ու ես ատեցի կյանքը, որովհետև ինձ համար չար էին արևի տակ եղած գործերը, որովհետև ամեն ինչ ունայն է և քամուն հետապնդում։

ՍԱՂՄՈՍՆԵՐ 39:5

Ահա օրերիս սահմանը կարգեցիր թզի չափով, և իմ կյանքի տևողությունը ոչնչի պես է քո առաջ. որքան էլ հաստատ լինի, բոլորովին ունայն է ամեն մարդ։ (Սելա)։

ԾՆՆԴՈՑ 3:17

Ադամին ասաց. «Քանի որ դու անսացիր քո կնոջ խոսքին և կերար այն ծառից, որի համար պատվիրեցի քեզ՝ ասելով. “Դրանից չուտե՛ս”, անիծյալ լինի երկիրը. քո պատճառով նեղությամբ ուտես դրանից քո կյանքի բոլոր օրերին։

ՀՈԲ 10:20

Իմ օրերը քիչ չե՞ն. դադա՛ր առ ու ինձանից ե՛տ կաց, որ մի քիչ ուրախանամ

ՍԱՂՄՈՍՆԵՐ 89:47

Հիշի՛ր, իմ կյանքն ի՜նչ անցավոր է, և ի՛նչ ունայնության համար ստեղծեցիր մարդկանց բոլոր որդիներին։

ԵՐԵՄԻԱ 20:18

Ինչո՞ւ ես դուրս եկա արգանդից, որ տաժանք ու վիշտ տեսնեմ, և իմ օրերն ամոթով սպառվեն։

Դ ԹԱԳԱՎՈՐՆԵՐԻ 4:19

Եվ ասաց իր հորը. «Գլո՜ւխս, գլո՜ւխս»։ Հայրն ասաց ծառային. «Նրան տա՛ր իր մոր մոտ»։

ՀՈԲ 8:9

Որովհետև մենք երեկ ծնվեցինք ու բան չենք հասկանում, որովհետև մեր օրերը երկրի վրա ստվեր են։

ՀՈԲ 25:5

Տե՛ս, մինչև անգամ լուսինը լուսավոր չէ. աստղերն էլ նրա աչքի առաջ մաքուր չեն։

ՍԱՂՄՈՍՆԵՐ 39:6

Իրապես ստվերի պես է ման գալիս մարդը. զուր տեղն է հոգս քաշում. հավաքում է և չգիտի, թե ով պիտի վերցնի այն։