ՀՈԲ 12:13 - Նոր վերանայված Արարատ Աստվածաշունչ

¹³ Իմաստությունը և զորությունը նրա մեջ են. խորհուրդը և գիտությունը Աստծունն են։

Նոր Էջմիածին Աստվածաշունչ

¹³ Նրանի՛ց են գալիս ուժը, իմաստությունը, Նրա՛նն են խորհուրդներն ու հանճարը։

ՀՈԲ 12:13 Խաչաձեւ Հղումներ

ՀՈԲ 11:6

Եվ քեզ իմաստության գաղտնիքը հայտներ, որովհետև ճշմարիտ իմաստությունը երկու երես ունի։ Ուրեմն իմացի՛ր, որ Աստված քո հանցանքների մի մասը մոռացության է տալիս։

ՀՈԲ 12:16

Զորությունն ու իմաստությունը նրանն են. նրանն են նաև մոլորեցնողն ու մոլորյալը։

ՀՈԲ 26:12

Իր զորությամբ ծովն է խաղաղեցնում և իր գիտությամբ Ռահաբին ջարդում։

ՀՈԲ 36:5

Ահա Աստված հզոր է, բայց չի արհամարհի. նա հզոր է իր հասկացողության կարողությամբ։

ՀՈԲ 38:36

Մարդու ներսում ո՞վ իմաստություն դրեց, կամ սրտին ո՞վ խելք տվեց։

ՀՈԲ 9:4

Նա սրտով իմաստուն և զորությամբ մեծ է. նրան ո՞վ է դեմ կանգնել ու անվնաս դուրս եկել։

ՍԱՂՄՈՍՆԵՐ 147:5

Մեծ է մեր Տերը և շատ զորավոր, նրա իմաստությանը չափ չկա։

ԱՌԱԿՆԵՐ 8:14

Իմն են խորհուրդն ու ողջամտությունը. ես եմ ըմբռնումը, զորությունն իմն է։

ԵՍԱՅԻ 31:2

Նա էլ, սակայն, իմաստուն է, չարիք է բերում և իր խոսքերը հետ չի վերցնում. նա չարերի տան դեմ կկանգնի և անօրենություն գործողներին օգնողների դեմ։

ԵՍԱՅԻ 46:10

Ես սկզբից իմացնում եմ վախճանը և վաղուց՝ այն, որ դեռ չի կատարվել։ Ես ասում եմ, որ իմ խորհուրդը պիտի իրականանա, և անում եմ այն ամենը, ինչ որ ինձ հաճելի է։

ԵՐԵՄԻԱ 10:12

Նա է իր զորությամբ կերտել երկիրը, իր իմաստությամբ հաստատել աշխարհը և իր հանճարով տարածել երկինքը։

ԴԱՆԻԵԼ 2:20

Դանիելը խոսեց և ասաց. «Օրհնյալ լինի Աստծու անունը հավիտյանս հավիտենից, որովհետև նրանն են իմաստությունն ու զորությունը։

Ղուկաս 21:15

որովհետև ես խոսք ու իմաստություն կտամ ձեզ, որոնց ձեր բոլոր հակառակորդները չեն կարողանա հակաճառել, ոչ էլ ընդդիմանալ։

Հռոմեացիներին 11:34

Ո՞վ Տիրոջ միտքն իմացավ, կամ ո՞վ նրան խորհրդատու եղավ (Ես. 40.13)։

Ա Կորնթացիներին 1:24

Սակայն կանչված հրեաների և հույների համար Քրիստոսը Աստծու զորությունն ու Աստծու իմաստությունն է։

Եփեսացիներին 1:11

Նրանով մենք էլ ժառանգություն ստացանք՝ հետևելով նրա նախասահմանած ծրագրին, որ ամեն բան հաջողեցնում է իր կամքի խորհրդի համաձայն,

Եփեսացիներին 1:8

որ ավելացավ մեր մեջ ամեն իմաստությամբ ու գիտությամբ։

Կողոսացիներին 2:3

որի մեջ են թաքնված իմաստության և գիտության բոլոր գանձերը։

Հակոբոս 1:5

Իսկ եթե ձեզանից մեկն իմաստության պակասություն ունի, թող խնդրի Աստծուն, որ բոլորին առանց նախատելու պարզապես տալիս է, և նրան կտրվի։