ԾՆՆԴՈՑ 6:8 - Նոր վերանայված Արարատ Աստվածաշունչ

⁸ Բայց Նոյը շնորհ գտավ Տիրոջ առաջ։

Նոր Էջմիածին Աստվածաշունչ

⁸ Բայց Նոյն արժանացել էր Տիրոջ՝ Աստծու շնորհին։

ԾՆՆԴՈՑ 6:8 Խաչաձեւ Հղումներ

ԾՆՆԴՈՑ 19:19

ահա քո ծառան շնորհ գտավ քո առաջ, և մեծ էր քո ողորմությունը, որ արիր ինձ՝ փրկելով իմ կյանքը. բայց ես չեմ կարող լեռը փախչել, որպեսզի չարիք չհասնի ինձ, և ես մեռնեմ։

Եբրայեցիներին 4:16

Ուրեմն նրա շնորհի աթոռին համարձակությամբ մոտենանք, որպեսզի ողորմություն ստանանք ու շնորհ գտնենք մեզ օգնության պատեհ ժամին։

Ղուկաս 1:30

Եվ հրեշտակը նրան ասաց. «Մի՛ վախեցիր, Մարիա՛մ, որովհետև Աստծուց շնորհ ստացար։

ՍԱՂՄՈՍՆԵՐ 84:11

Որովհետև Տեր Աստված արև է և վահան, Տերը շնորհք և փառք է տալիս. Տերը ոչ մի բարիք չի խնայում անարատությամբ գնացողներին։

Տիտոսին 2:11

Աստծու փրկարար շնորհը հայտնվեց բոլոր մարդկանց.

Ա Կորնթացիներին 15:10

Բայց ինչ որ եմ, Աստծու շնորհով եմ, և նրա շնորհը, որ իմ մեջ է, ունայն չեղավ, ընդհակառակը, նրանցից ավելի շատ աշխատեցի. սակայն ոչ թե ես, այլ Աստծու շնորհը, որ ինձ հետ է։

ԱՌԱԿՆԵՐ 3:4

Այսպես դու հավանություն և բարի համարում կգտնես Աստծու և մարդկանց առաջ։

ՍԱՂՄՈՍՆԵՐ 145:20

Տերը պահում է բոլոր իրեն սիրողներին, բայց պիտի կորցնի բոլոր ամբարիշտներին։

Հռոմեացիներին 4:4

Բայց ով գործ է անում, վարձը նրան շնորհ չի համարվում, այլ պարտք։

Գործք Առաքելոց 7:46

Նա Աստծու առաջ շնորհ գտավ ու խնդրեց Հակոբի Աստծու համար բնակարան հիմնել։

ԱՌԱԿՆԵՐ 12:2

Բարին Տիրոջից բարեհաճություն կստանա, բայց նենգամիտ մարդուն նա կդատապարտի։

Բ Պետրոս 2:5

նա չխնայեց նաև հին աշխարհին, այլ ութ հոգուն և Նոյին՝ արդարության քարոզչին, պահեց և ամբարիշտների աշխարհի վրա ջրհեղեղ բերեց,

ԱՌԱԿՆԵՐ 8:35

Որովհետև ինձ գտնողը կյանք է գտել և Տիրոջից բարեհաճություն կստանա։

ԵՐԵՄԻԱ 31:2

Տերն այսպես է ասում. «Սրից վերապրած ժողովուրդն անապատում շնորհ գտավ, երբ Իսրայելը գնում էր հանգստանալու»։

Բ Տիմոթեոսին 1:18

Թող Տերը նրան շնորհի, որ Տիրոջից ողորմություն գտնի այն օրը, իսկ թե Եփեսոսում որքա՜ն ծառայություն մատուցեց ինձ, դու ինքդ լավ գիտես։

Գաղատացիներին 1:15

Բայց երբ Աստված բարեհաճեց իմ մոր որովայնից ինձ ընտրել ու իր շնորհի միջոցով կոչել՝

Հռոմեացիներին 11:6

Իսկ եթե շնորհով է, ուրեմն այլևս գործերից չէ. այլապես շնորհն այլևս շնորհ չի լինի։

Տիտոսին 3:7

որպեսզի նրա շնորհով արդարացած՝ ժառանգներ լինենք՝ հավիտենական կյանքի հույսով։

Մատթեոս 24:37

Մարդու Որդու գալուստը կլինի Նոյի օրերի պես։

Ղուկաս 17:26

Եվ ինչպես որ Նոյի օրերին եղավ, այնպես էլ Մարդու Որդու օրերին կլինի։

Ա Պետրոս 3:20

որոնք մի ժամանակ ապստամբել էին, երբ Աստծու համբերատարությունը երկարաձգվում էր այն օրերին, երբ Նոյը կառուցում էր տապանը. քչերն էին, այսինքն՝ ութ հոգի, որ փրկվեցին ջրից։

ԵԶԵԿԻԵԼ 14:14

նույնիսկ եթե այս երեք մարդիկ նրա մեջ լինեն՝ Նոյը, Դանիելը և Հոբը, սրանք իրենց արդարությամբ իրենց անձերը կազատեն»,- ասում է Տեր Աստված։