ԾՆՆԴՈՑ 20:1 - Նոր վերանայված Արարատ Աստվածաշունչ

¹ Աբրահամն այնտեղից գնաց դեպի հարավի երկիրը և բնակվեց Կադեսի և Սուրի միջև ու պանդուխտ եղավ Գերարում։

Նոր Էջմիածին Աստվածաշունչ

¹ Աբրահամն այդտեղից գնաց հարավ և հաստատվեց Կադեսի ու Սուրի միջև՝ իբրև օտարական բնակվելով Գերարայում։

ԾՆՆԴՈՑ 20:1 Խաչաձեւ Հղումներ

ԾՆՆԴՈՑ 26:6

Եվ Իսահակը բնակվեց Գերարում։

ԾՆՆԴՈՑ 26:1

Սով եղավ երկրում, բացի այն առաջին սովից, որ եղել էր Աբրահամի օրերում, և Իսահակը գնաց Գերար՝ փղշտացիների Աբիմելեք թագավորի մոտ։

ՍԱՂՄՈՍՆԵՐ 29:8

Տիրոջ ձայնը դողացնում է անապատը. Տերը դողացնում է Կադեսի անապատը։

ԾՆՆԴՈՑ 18:1

Տերը երևաց Աբրահամին Մամբրեի կաղնիների մեջ, երբ օրվա տաք ժամանակ նա նստել էր վրանի դռանը։

Ա ԹԱԳԱՎՈՐՆԵՐԻ 15:7

Եվ Սավուղը ջարդեց Ամաղեկի որդիներին Եվիլայից մինչև Եգիպտոսի դիմացի Սուրը։

Բ ՕՐԵՆՔ 32:51

որովհետև դուք ինձ անհնազանդ եղաք Իսրայելի որդիների մեջ Հակառակության ջրերի մոտ, Կադեսում՝ Սին անապատում, և չսրբացրիք ինձ Իսրայելի որդիների մեջ։

Բ ՕՐԵՆՔ 1:19

Հետո մեկնեցինք Քորեբից և ամբողջությամբ անցանք ձեր տեսած այդ մեծ և ահավոր անապատը ամորհացիների լեռնային ճանապարհով, ինչպես մեր Տեր Աստվածը պատվիրել էր մեզ, և եկանք մինչև Կադես-Բառնեա։

ԹՎԵՐ 20:16

Մենք աղաղակեցինք Տիրոջը, և նա լսեց մեր ձայնը, հրեշտակ ուղարկեց ու մեզ դուրս հանեց Եգիպտոսից։ Եվ ահա մենք քո երկրի սահմանի մոտի Կադես քաղաքում ենք։

ԹՎԵՐ 13:26

Նրանք քառասուն օր այդ երկիրը հետախուզելուց հետո վերադարձան։

ԾՆՆԴՈՑ 26:26

Աբիմելեքը Գերարից գնաց նրա մոտ իր խորհրդական Ոքոզաթի և իր սպարապետ Փիքողի հետ։

ԾՆՆԴՈՑ 26:20

Գերարի հովիվները կռվում էին Իսահակի հովիվների հետ՝ ասելով. «Այդ ջուրը մերն է»։ Եվ այդ ջրհորի անունը դրեց Էսեք, որովհետև իրար հետ կռվեցին։

ԾՆՆԴՈՑ 24:62

Իսկ Իսահակը վերադառնում էր Լահայրոյի ջրհորից, որովհետև բնակվում էր հարավային երկրում։

ԾՆՆԴՈՑ 13:1

Աբրամը Եգիպտոսից վեր գնաց դեպի Նեգև, ինքը և իր կինը, իր բոլոր ունեցածները, և Ղովտն էլ իր հետ։

ԾՆՆԴՈՑ 10:19

Քանանացիների սահմանն էր Սիդոնից Գերարով մինչև Գազա՝ անցնելով Սոդոմը և Գոմորը, Ադման ու Սեբոյիմը մինչև Ղասան։

ԾՆՆԴՈՑ 16:14

Դրա համար այդ ջրհորի անունը Լահայրոյի ջրհոր դրեց։ Այն գտնվում է Կադեսի և Բարադի միջև։

ԾՆՆԴՈՑ 16:7

Տիրոջ հրեշտակը նրան գտավ անապատում՝ ջրի աղբյուրի մոտ, Սուրի ճանապարհի վրա գտնվող աղբյուրի մոտ։

ԾՆՆԴՈՑ 16:1

Սարան՝ Աբրամի կինը, չէր ծնում նրա համար։ Նա մի եգիպտացի աղախին ուներ՝ անունը Հագար։

ԾՆՆԴՈՑ 14:7

Եվ դարձան ու եկան Էնմասեփաթ, այսինքն՝ Հադես, կոտորեցին ամաղեկացիներին իրենց ամբողջ նահանգում, ինչպես նաև ամորհացիներին, որոնք բնակվում էին Ասասանթամարում։

ԾՆՆԴՈՑ 12:9

Աբրամը, մեկնելով այդտեղից, գնաց դեպի Նեգև։

ԾՆՆԴՈՑ 25:18

Իսմայելացիները բնակվեցին Եվիլայից մինչև Սուր, որը Եգիպտոսի դիմաց է՝ Ասորեստան գնալու ճանապարհի վրա. իր բոլոր եղբայրների առջև բնակվեց։

ԵԼՔ 15:22

Մովսեսն Իսրայելին Կարմիր ծովից ճանապարհ հանեց, ու նրանք հասան Սուր կոչված անապատը։ Երեք օրվա ճանապարհ գնացին անապատի միջով, բայց ջուր չգտան։

ԾՆՆԴՈՑ 21:34

Աբրահամը երկար ժամանակ պանդխտություն արեց փղշտացիների երկրում։