ԺՈՂՈՎՈՂ 4:10 - Նոր վերանայված Արարատ Աստվածաշունչ

¹⁰ Որովհետև եթե վայր ընկնեն, մեկն իր ընկերոջը կկանգնեցնի. բայց վա՜յ մեկին, որ ընկնում է, և չկա մի երկրորդը, որ կանգնեցնի նրան։

Նոր Էջմիածին Աստվածաշունչ

¹⁰ քանի որ եթե մեկն ընկնի, իր ընկերը կկանգնեցնի նրան, բայց վա՛յ մենակին, որ ընկնի, և մեկը չկա, որ բարձրացնի նրան։

ԺՈՂՈՎՈՂ 4:10 Խաչաձեւ Հղումներ

Ա Թեսաղոնիկեցիներին 5:11

Դրա համար միմյանց քաջալերե՛ք և ամրապնդե՛ք, ինչպես որ արդեն անում եք։

Ա Թեսաղոնիկեցիներին 4:18

Ուրեմն միմյանց մխիթարե՛ք այս խոսքերով։

Գաղատացիներին 6:1

Եղբայրնե՛ր, եթե որևէ մեկը հանկարծ ինչ-որ հանցանքի մեջ բռնվի, դուք, որ հոգևոր եք, այդպիսի մեկին հեզության հոգով ուղղե՛ք։ Ինքներդ էլ զգուշացե՛ք, որ դուք էլ չփորձվեք։

Ա ԹԱԳԱՎՈՐՆԵՐԻ 23:16

Սավուղի որդի Հովնաթանը վեր կացավ գնաց անտառ՝ Դավթի մոտ, և Աստծով զորացրեց նրա ձեռքը։

ԾՆՆԴՈՑ 4:8

Կայենը խոսեց իր եղբոր՝ Աբելի հետ, և երբ նրանք դաշտում էին, Կայենը հարձակվեց իր եղբոր՝ Աբելի վրա և սպանեց նրան։

Բ ԹԱԳԱՎՈՐՆԵՐԻ 14:6

Քո աղախինը երկու որդի ուներ. երկուսը կռիվ արին դաշտում, և նրանց բաժանող չկար, և մեկը զարկեց մյուսին ու սպանեց նրան։

Բ ԹԱԳԱՎՈՐՆԵՐԻ 11:27

Եվ երբ սուգն անցավ, Դավիթը մարդ ուղարկեց, նրան իր տուն բերել տվեց, և նա դարձավ նրա կինը ու նրա համար որդի ծնեց։ Բայց այս բանը, որ արեց Դավիթը, Տիրոջ աչքին չար երևաց։

ԵԼՔ 32:21

Մովսեսն ասաց Ահարոնին. «Այս ժողովուրդն ի՞նչ արեց քեզ, որ դու նրանց վրա այս մեծ մեղքը բերեցիր»։

ԺՈՂՈՎՈՂ 4:9

Երկուսը մեկից լավ է, որովհետև նրանք լավ վարձ ունեն իրենց տանջանքից։

ԺՈՂՈՎՈՂ 4:11

Նաև, երբ որ երկուսը միասին պառկեն, կտաքանան, իսկ մեկն ինչպե՞ս կտաքանա։