Եբրայեցիներին 12:29 - Նոր վերանայված Արարատ Աստվածաշունչ

²⁹ որովհետև մեր Աստվածը ոչնչացնող կրակ է։

Նոր Էջմիածին Աստվածաշունչ

²⁹ քանի որ մեր Աստվածը ոչնչացնող կրակ է։

Եբրայեցիներին 12:29 Խաչաձեւ Հղումներ

Բ ՕՐԵՆՔ 4:24

որովհետև քո Տեր Աստվածը լափող կրակ է. նա նախանձոտ Աստված է։

Բ ՕՐԵՆՔ 9:3

Արդ, իմացի՛ր այսօր, որ քո Տեր Աստվածն ի՛նքը կգնա քո առջևից որպես լափող կրակ. նա կորստյան կմատնի ու կնվաճի նրանց քո առաջ, և դու նրանց կհալածես ու շուտով կբնաջնջես, ինչպես որ Տերն ասաց քեզ։

Եբրայեցիներին 10:27

այլ դատաստանի ահավոր սպասումը և կրակի զայրույթը, որ լափելու է հակառակվողներին։

Բ Թեսաղոնիկեցիներին 1:8

բոցավառ կրակով վրեժ առնելու նրանցից, ովքեր Աստծուն չեն ճանաչում ու մեր Տեր Հիսուսի Ավետարանին չեն հնազանդվում.

ԵՍԱՅԻ 66:15

Ահա գալիս է Տերը կրակով, գալիս են նրա կառքերը մրրիկի նման, որպեսզի նա իր զայրույթն ի գործ դնի բարկությամբ և իր հանդիմանությունը՝ կրակի բոցով.

ԵԼՔ 24:17

Տիրոջ փառքի տեսիլքը լափող կրակի պես էր լեռան գագաթին, Իսրայելի որդիների աչքի առաջ։

ԴԱՆԻԵԼ 7:9

Մինչ նայում էի, գահեր տեղադրվեցին, և Հինավուրցը բազմեց։ Նրա հագուստը ձյան պես սպիտակ էր, իսկ նրա գլխի մազը՝ մաքուր բրդի պես։ Նրա գահը կրակի բոց էր, նրա անիվները՝ վառված կրակ։

ՍԱՂՄՈՍՆԵՐ 97:3

Կրակ է գնում նրա առջևից և այրում է նրա չորս կողմը եղած թշնամիներին։

ՍԱՂՄՈՍՆԵՐ 50:3

Մեր Աստվածը կգա և լուռ չի մնա. նրա առջև ոչնչացնող կրակ կա, և նրա չորս կողմը՝ սաստիկ մրրիկ։

ԹՎԵՐ 16:35

Տիրոջ մոտից կրակ դուրս եկավ և ոչնչացրեց այն երկու հարյուր հիսուն մարդկանց, որ խունկ էին մատուցում։

ԹՎԵՐ 11:1

Ժողովուրդը Տիրոջ առջև լսելի կերպով տրտունջ արեց։ Տերը լսեց, և բորբոքվեց նրա բարկությունը։ Տերը կրակ թափեց նրանց վրա և ոչնչացրեց բանակի ծայրամասում եղողներին։

ԵԼՔ 15:7

Դու քո փառքի մեծությամբ խորտակում ես քո դեմ վեր կացողներին. Ուղարկում ես քո բարկությունը, և ուտում է հարդի պես։

Բ ԹԱԳԱՎՈՐՆԵՐԻ 22:9

Ծուխ ելավ նրա քթից, Եվ նրա բերանից՝ ամենակուլ կրակ. Կայծակներ փայլատակեցին նրանից։

ԵՍԱՅԻ 33:14

Սիոնում սարսափում են մեղավորները, դողն է բռնել անաստվածներին. «Մեզնից ո՞վ կարող է բնակվել լափող կրակի հետ, մեզնից ո՞վ կարող է բնակվել հավիտենական բոցերում»։

ԵՐԵՄԻԱ 25:37

Տիրոջ բորբոք բարկության պատճառով բնաջնջվում են անդորր բնակավայրերը։

ԵԶԵԿԻԵԼ 38:19

Եվ իմ նախանձախնդրությամբ՝ իմ ցասման կրակով, ասում եմ. այն օրը, անշուշտ, մեծ երկրաշարժ պիտի լինի Իսրայելի երկրի վրա։

Բ Կորնթացիներին 5:11

Արդ Տիրոջ երկյուղն իմանալով՝ մարդկանց համոզում ենք, բայց Աստծու առաջ հայտնի ենք, և ես հույս ունեմ, որ ձեր խղճմտանքի մեջ էլ հայտնի ենք։

Բ Թեսաղոնիկեցիներին 1:7

իսկ ձեզ՝ նեղություն կրածներիդ՝ հանգիստ մեզ հետ միասին, իր զորության հրեշտակների հետ երկնքից Տեր Հիսուս Քրիստոսի հայտնվելու ժամանակ

Եբրայեցիներին 10:31

Ահավոր է կենդանի Աստծու ձեռքն ընկնելը։

Բ Պետրոս 3:7

իսկ այժմ երկինքն ու այս երկիրը նույն խոսքով պահվում են դատաստանի կրակի և ամբարիշտ մարդկանց կործանման համար։