ԵՐԵՄԻԱՅԻ ՈՂԲԵՐԸ 5:19 - Նոր վերանայված Արարատ Աստվածաշունչ

¹⁹ Դո՛ւ, ո՛վ Տեր, հավիտյան կմնաս, քո գահը՝ սերնդեսերունդ։

Նոր Էջմիածին Աստվածաշունչ

¹⁹ Տե՛ր, դու կաս հավիտյան, և քո աթոռը մնում է սերնդից սերունդ։

ԵՐԵՄԻԱՅԻ ՈՂԲԵՐԸ 5:19 Խաչաձեւ Հղումներ

ՍԱՂՄՈՍՆԵՐ 102:12

Բայց դու, Տե՛ր, հավիտյան կաս, և քո հիշատակը՝ սերնդից մինչև սերունդ։

ՍԱՂՄՈՍՆԵՐ 45:6

Ո՜վ Աստված, քո աթոռը կա հավիտենից հավիտյան. քո թագավորության գավազանն ուղիղ գավազան է։

ՍԱՂՄՈՍՆԵՐ 145:13

Քո թագավորությունը հավիտենական թագավորությունն է, և քո իշխանությունը՝ սերնդից սերունդ։

ՍԱՂՄՈՍՆԵՐ 9:7

Բայց Տերը կա հավիտյանս հավիտենից. նա իր աթոռը պատրաստեց դատաստանի համար։

Հայտնություն 1:8

«Ես եմ Ալֆան ու Օմեգան (սկիզբն ու վերջը)»,- ասում է Տերը՝ Աստված, նա, որ Է, որ էր և որ գալու է՝ Ամենակալը։

Ա Տիմոթեոսին 1:17

Հավիտենական Թագավորին՝ անեղծ ու աներևույթ, միակ Աստծուն պատիվ ու փա՜ռք հավիտյանս հավիտենից. ամեն։

Եբրայեցիներին 13:8

Հիսուս Քրիստոսը նույնն է երեկ, այսօր և հավիտյան։

ԱՄԲԱԿՈՒՄ 1:12

Ահա դու հավիտենականությունից ես, ո՛վ Տեր իմ Աստված, ի՛մ Սուրբ. մենք չենք մեռնելու, ո՛վ Տեր, դու նրանց կարգել ես իբրև դատաստան. և դու, ո՛վ Վեմ, նրանց հաստատել ես իբրև հանդիմանություն։

ՍԱՂՄՈՍՆԵՐ 146:10

Տերը պիտի թագավորի հավիտյան. քո Աստվածը, ո՛վ Սիոն, ազգից մինչև ազգ։ Ալելուիա՜։

ՍԱՂՄՈՍՆԵՐ 90:2

Երբ դեռ սարերը չէին ծնվել, և չէիր ստեղծել երկիրն ու աշխարհը, հավիտենությունից մինչև հավիտենություն դու ես Աստվածը։

ԴԱՆԻԵԼ 7:27

Թագավորությունն ու իշխանությունը և ամբողջ երկնքի տակ եղող թագավորությունների մեծությունը Ամենաբարձրյալի սրբերի ժողովրդին պիտի տրվեն. նրա թագավորությունը հավիտենական թագավորություն է, և բոլոր իշխանությունները նրան պիտի ծառայեն և հնազանդվեն”։

ԴԱՆԻԵԼ 7:14

Եվ նրան իշխանություն, պատիվ ու թագավորություն տրվեցին, որպեսզի բոլոր ժողովուրդները, ազգերը և լեզուները նրան ծառայեն. նրա իշխանությունը հավիտենական իշխանություն է, որ չի անցնելու, և նրա թագավորությունը չի կործանվելու։

ԴԱՆԻԵԼ 2:44

Եվ այն թագավորների օրերին երկնքի Աստվածը մի թագավորություն է բարձրացնելու, որ հավիտյան չի ավերվելու, և նրա տերությունն ուրիշ ժողովրդի չի տրվելու. նա պիտի կործանի և ոչնչացնի այս բոլոր թագավորությունները, իսկ ինքը կմնա հավիտյան։

ՍԱՂՄՈՍՆԵՐ 29:10

Տերն իշխում է ջրհեղեղի վրա, և Տերը թագավորելու է հավիտյան։

ՍԱՂՄՈՍՆԵՐ 10:16

Տերն է թագավորը հավիտյանս հավիտենից, հեթանոսները կորել են նրա երկրից։

Բ ՕՐԵՆՔ 33:27

Հավիտենական Աստվածն ապավեն է, Դու հավիտենական բազուկների տակ ես. Նա քո առջևից կքշի քո թշնամիներին Եվ կասի՝ ոչնչացրո՛ւ։

Հայտնություն 1:4

Հովհաննեսից՝ Ասիայում գտնվող յոթ եկեղեցիներին։ Շնո՜րհ ձեզ և խաղաղություն նրանից, որ Է, նաև որ էր և որ գալու է, և այն յոթ Հոգիներից, որ նրա գահի առաջ են,

ՀՈՎՀԱՆՆԵՍ 1:38

Հիսուսը շրջվեց, տեսավ նրանց, որ գալիս էին իր հետևից, ու նրանց ասաց. «Ի՞նչ եք ուզում»։ Նրանք ասացին նրան. «Ռա՛բբի (որ նշանակում է "վարդապետ"), որտե՞ղ ես մնում»։

ՍԱՂՄՈՍՆԵՐ 93:2

Քո աթոռը հաստատ է սկզբից. դու հավիտյան ես։