ԵՐԵՄԻԱՅԻ ՈՂԲԵՐԸ 3:51 - Նոր վերանայված Արարատ Աստվածաշունչ

⁵¹ Աչքերս ինձ վիշտ են բերում իմ քաղաքի բոլոր աղջիկների համար։

Նոր Էջմիածին Աստվածաշունչ

⁵¹ Իմ քաղաքների բոլոր դուստրերի չափ աչքս արցունք է թափում իմ հոգու համար։

ԵՐԵՄԻԱՅԻ ՈՂԲԵՐԸ 3:51 Խաչաձեւ Հղումներ

ԵՐԵՄԻԱՅԻ ՈՂԲԵՐԸ 5:11

Սիոնում կանանց լլկեցին, կույսերին՝ Հուդայի քաղաքներում։

ԵՐԵՄԻԱՅԻ ՈՂԲԵՐԸ 2:21

Դրսում՝ գետնի վրա, փռվեցին տղան ու ծերը. իմ կույսերն ու իմ երիտասարդները սրից ընկան, սպանեցիր քո բարկության օրը, մորթեցիր առանց գթալու։

ԵՐԵՄԻԱՅԻ ՈՂԲԵՐԸ 1:18

Արդարացի է Տերը, որովհետև ես անհնազանդ եղա նրա խոսքին. լսե՛ք, ո՛վ բոլոր ժողովուրդներ, և տեսե՛ք իմ տառապանքը. իմ կույսերն ու իմ երիտասարդները գերեվարվեցին։

ԵՐԵՄԻԱ 19:9

Եվ նրանց իրենց որդիների միսը և իրենց դուստրերի միսը ուտել պիտի տամ. ամեն մարդ իր ընկերոջ միսն է ուտելու այն պաշարման և նեղության մեջ, որով նրա թշնամիները և նրանց կյանքը պահանջողները պիտի նեղեն նրանց"”։

ԵՐԵՄԻԱ 14:18

Եթե դաշտ եմ դուրս գալիս, ահա սրով սպանվածներ են, և եթե քաղաք եմ մտնում, ահա սովից հիվանդները. որովհետև թե՛ մարգարեն, թե՛ քահանան շրջում են երկրում և գիտություն չունեն»։

ԵՐԵՄԻԱ 14:16

Եվ այն ժողովուրդը, որի համար նրանք մարգարեանում են Երուսաղեմի փողոցներում, սովի և սրի պատճառով պիտի ընկնի, և թաղող չպիտի ունենան. իրենք, իրենց կանայք, նաև իրենց որդիներն ու դուստրերը։ Նրանց վրա իրենց չարությունը պիտի թափեմ։

ԵՐԵՄԻԱ 11:22

Դրա համար այսպես է ասում Զորությունների Տերը. «Ահա ես պիտի պատժեմ նրանց. երիտասարդները սրից պիտի ընկնեն, նրանց որդիներն ու նրանց դուստրերը սովից պիտի մեռնեն։

ԾՆՆԴՈՑ 44:34

որովհետև ինչպե՞ս գնամ իմ հոր մոտ, եթե երեխան ինձ հետ չլինի. միգուցե տեսնեմ այն դժբախտությունը, որ պատահելու է իմ հորը»։

ԵՐԵՄԻԱՅԻ ՈՂԲԵՐԸ 2:11

Աչքերս մաշվեցին արտասուքից, ընդերքս բորբոքվել է, սիրտս հալվում է իմ ժողովրդի դստեր անկման համար և քաղաքի հրապարակներում երեխաների ու կաթնակերների հյուծվելու պատճառով։

ԵՐԵՄԻԱՅԻ ՈՂԲԵՐԸ 3:50

Մինչև որ Տերը երկնքից նայի ու տեսնի։

ԵՐԵՄԻԱՅԻ ՈՂԲԵՐԸ 3:52

Իմ թշնամիներն ինձ ճնճղուկի պես որսացին առանց պատճառի։