ԵՐԵՄԻԱՅԻ ՈՂԲԵՐԸ 2:5 - Նոր վերանայված Արարատ Աստվածաշունչ

⁵ Տերը թշնամու պես եղավ, կործանեց Իսրայելին, կործանեց նրա բոլոր պալատները, քանդեց նրա ամրոցները և Հուդայի դստեր մեջ բազմացրեց ողբն ու սուգը։

Նոր Էջմիածին Աստվածաշունչ

⁵ Տերը, իբրև թշնամի, կործանեց Իսրայելը, կործանեց նրա թագավորին, կործանեց նրա բոլոր ամրոցները և Հուդայի դստեր տառապանքներին տառապանքներ ավելացրեց։

ԵՐԵՄԻԱՅԻ ՈՂԲԵՐԸ 2:5 Խաչաձեւ Հղումներ

ԵՐԵՄԻԱՅԻ ՈՂԲԵՐԸ 2:2

Տերն առանց գթալու խորտակեց Հակոբի բոլոր բնակարանները, իր բարկության մեջ քանդեց Հուդայի դստեր ամրոցները, գետնով տվեց. անպատվեց թագավորությունն ու իշխանավորներին։

ԵՐԵՄԻԱ 30:14

Քո բոլոր սիրելիները մոռացել են քեզ, քեզ չեն որոնում, քեզ վիրավորեցի թշնամու հարվածով և անգութի պատժով քո անօրինության շատության պատճառով. շատացել էին քո մեղքերը։

ԵՐԵՄԻԱՅԻ ՈՂԲԵՐԸ 2:4

Թշնամու պես իր աղեղը լարեց, իր աջով պատրաստ՝ հակառակորդի նման, և կոտորեց աչքին հաճելի բոլոր բաները, իր բարկությունը Սիոնի դուստրերի վրա թափեց կրակի պես։

ԵՐԵՄԻԱ 52:13

Եվ այրեց Տիրոջ տունը և թագավորի տունը և Երուսաղեմի բոլոր տները. բոլոր մեծ տները կրակով այրեց։

Դ ԹԱԳԱՎՈՐՆԵՐԻ 25:9

այրեց Տիրոջ տունը և թագավորի տունը, Երուսաղեմի բոլոր տները և կրակի մատնեց ամեն մի մեծ տուն։

ԵԶԵԿԻԵԼ 2:10

Եվ նա այն բացեց իմ առաջ. նրա առաջն ու հետևում և նրա վրա գրված էին ողբեր, հառաչանք ու վայնասուն։

ԵՐԵՄԻԱ 15:1

Եվ Տերն ասաց ինձ. «Եթե Մովսեսն ու Սամուելը կանգնեին իմ առաջ, իմ սիրտն այս ժողովրդին չի դառնալու. նրանց քշի՛ր իմ աչքերի առաջից. թող որ գնան։

ՀՈԲ 13:24

Երեսդ ինչո՞ւ ես ծածկում և ինձ քեզ թշնամի համարում։

ՍԱՂՄՈՍՆԵՐ 89:40

Քանդեցիր նրա բոլոր պարիսպները, նրա ամուր տեղերը ավերակ դարձրիր։

ԵՍԱՅԻ 29:2

Ես նեղը պիտի գցեմ Արիելին, հառաչանք ու ողբ պիտի լինի, նա ինձ համար զոհարանի պես պիտի լինի։

ԵՐԵՄԻԱ 21:4

Այսպես է ասում Տերը՝ Իսրայելի Աստվածը. “Ահա ես պիտի շրջեմ պատերազմական այն գործիքները, որ ձեր ձեռքին են, և որոնցով դուք պատերազմում եք Բաբելոնի թագավորի և քաղդեացիների դեմ, որ ձեզ պաշարել են պարսպից դուրս, և նրանց պիտի հավաքեմ այս քաղաքի մեջ։

Ա ԹԱԳԱՎՈՐՆԵՐԻ 28:16

Եվ Սամուելն ասաց. «Ինչո՞ւ ես ինձ հարցնում, հիմա, երբ Տերը հեռացել է քեզանից և թշնամի դարձել։

ՀՈԲ 19:11

Նա իմ դեմ վառել է իր բարկությունը և ինձ իր թշնամիներից է համարում։

ՍԱՂՄՈՍՆԵՐ 89:41

Ճանապարհով անցնողները բոլորը կողոպտում են նրան. նա նախատինք դարձավ իր հարևանների առջև։

ԵՍԱՅԻ 63:10

Բայց նրանք ապստամբեցին և վշտացրին նրա Սուրբ Հոգուն, նա էլ թշնամի դարձավ նրանց և պատերազմեց նրանց դեմ։