ԵՐԵՄԻԱ 8:21 - Նոր վերանայված Արարատ Աստվածաշունչ

²¹ Փշրված եմ, որովհետև փշրված է իմ ժողովրդի դուստրը, ողբում եմ, սոսկում է բռնել ինձ։

Նոր Էջմիածին Աստվածաշունչ

²¹ Իմ ժողովրդի դստեր վերքն ինձ խորտակեց, խավարեցի տարակուսանքի մեջ, հալումաշ եղա, ինչպես ծննդկանը՝ երկունքից։

ԵՐԵՄԻԱ 8:21 Խաչաձեւ Հղումներ

ՆԵԵՄԻԱ 2:3

և ասացի թագավորին. «Արքա՛, հավիտյան ապրի՛ր. ինչո՞ւ չտրտմի իմ երեսը, երբ իմ հայրերի գերեզմանատան քաղաքը ավերակ է, և նրա դռները կրակից այրվել են»։

ԵՐԵՄԻԱ 14:17

Նրանց այս խո՛սքն ասա. «Թող իմ աչքերը գիշեր ու ցերեկ արտասուք թափեն և բնավ չդադարեն, որովհետև խոր վերքով վիրավորեց, և մի անդարմանելի վերքով հարվածվել է իմ ժողովրդի կույս դուստրը։

ԵՐԵՄԻԱ 14:2

Հուդան սուգ է անում, և նրա քաղաքները հյուծվում են, սև՝ մինչև գետին, և բարձրանում է Երուսաղեմի աղաղակը։

ԵՐԵՄԻԱ 17:16

Քեզ հետևելով՝ հովիվ լինելուց չխուսափեցի և աղետի օրվան չցանկացա, դու գիտես՝ իմ շրթունքներից դուրս եկածը քո առաջ էր։

ԵՐԵՄԻԱ 4:19

Որովա՜յնս, որովա՜յնս, մինչև սրտիս պատերը ցավ եմ զգում, իմ սիրտը խռովվում է իմ ներսում. ես չեմ կարող լռել, որովհետև փողի ձայնը և պատերազմի աղաղակն եմ լսել։

ԵՐԵՄԻԱ 8:20

Հունձքն անցավ, ամառը վերջացավ, բայց մենք չփրկվեցինք։

ԵՐԵՄԻԱ 9:1

«Երանի՜գլուխս ջուր լիներ, և աչքերս՝ արտասուքի աղբյուր, որ օր ու գիշեր լաց լինեի իմ ժողովրդի դստեր սպանվածների վրա։

ԵՐԵՄԻԱՅԻ ՈՂԲԵՐԸ 3:1

Ես այն մարդն եմ, որ տառապանք տեսա նրա բարկության գավազանի տակ։

ՀՈՎԵԼ 2:6

Ժողովուրդները պիտի տագնապեն նրանց առաջ, բոլորի դեմքերը պիտի գունաթափվեն։

ՆԱՈՒՄ 2:10

Դատարկված ու դատարկ ու թալանված է. սիրտը հալվում, ծնկները դողում են, բոլորի գոտկատեղերն անձկության մեջ են, և բոլորի դեմքը սփրթնում է։

Ղուկաս 19:41

Եվ երբ մոտեցավ, քաղաքը տեսնելով՝ լաց եղավ նրա վրա