ԵՐԵՄԻԱ 17:6 - Նոր վերանայված Արարատ Աստվածաշունչ

⁶ Նա պիտի լինի ինչպես մոշենին անապատում. երբ բարիքը գա, այն չպիտի տեսնի, պիտի բնակվի անապատի խանձված տեղերում, աղի և անբնակ երկրում։

Նոր Էջմիածին Աստվածաշունչ

⁶ Նա կլինի ինչպես վայրի մոշին անապատում և երբ բարիքը գա, չի տեսնի. կբնակվի անապատի աղուտներում, մի աղտաղտուկ, երբեք չբնակեցված երկրում։

ԵՐԵՄԻԱ 17:6 Խաչաձեւ Հղումներ

ՀՈԲ 20:17

Նա վտակները, մեղրի ու կարագի հեղեղների գետերը չպիտի տեսնի։

ՍԱՂՄՈՍՆԵՐ 1:4

Այսպես չեն ամբարիշտները, այլ նման են հարդի շյուղի, որ ցրիվ է տալիս քամին։

Բ ՕՐԵՆՔ 29:23

ծծումբ, աղ և այրվածք կլինի նրա ամբողջ երկրում, որտեղ ոչ մի բան չի ցանվի, ոչ մի բան չի բուսնի, և ոչ մի խոտ չի բարձրանա ավերված Սոդոմի, Գոմորի, Ադմայի և Սեբոյիմի պես, որոնք Տերը կործանեց իր բարկությամբ և սրտմտությամբ։

ԵՐԵՄԻԱ 48:6

Փախե՛ք, ձեր անձն ազատե՛ք և անապատում մոշենու պե՛ս եղեք։

ՀՈԲ 39:6

Որի տունն անապատն արեցի և աղադաշտը՝ նրա բնակարանները.

ՍՈՓՈՆԻԱ 2:9

Դրա համար Զորքերի Տերը՝ Իսրայելի Աստվածը, ասում է. «Երդվում եմ ինձանով. Մովաբը Սոդոմի պես պիտի դառնա, և Ամմոնի որդիները՝ Գոմորի պես. եղինջների կալվածք ու աղի հանք և հավիտյան ամայություն. իմ ժողովրդի մնացորդը պիտի հափշտակի դրանք և իմ ազգի մնացորդը պիտի ժառանգի դրանք։

ԴԱՏԱՎՈՐՆԵՐ 9:45

Աբիմելեքն այդ ամբողջ օրը պատերազմեց քաղաքի դեմ և վերցրեց քաղաքն ու կոտորեց մեջը եղած մարդկանց, քանդեց քաղաքը և աղ ցանեց։

ԵԶԵԿԻԵԼ 47:11

Նրա տիղմերը և ճահիճները չեն թարմանալու, աղի համար պիտի մնան։

ԵՍԱՅԻ 1:30

որովհետև դուք պիտի լինեք տերևները թառամած բևեկնու պես և պարտեզի նման, որի մեջ ջուր չկա։

ՍԱՂՄՈՍՆԵՐ 92:7

Թեև ամբարիշտները խոտի պես բուսնում են, և ծաղկում են բոլոր անօրենություն գործողները, պիտի բնաջնջվեն հավիտյանս հավիտյան։

Դ ԹԱԳԱՎՈՐՆԵՐԻ 7:2

Եվ այն զորապետը, որի ձեռքի վրա հենվում էր թագավորը, պատասխանեց Աստծու մարդուն և ասաց. «Եթե Տերը երկնքում պատուհաններ էլ շիներ, մի՞թե կլինի այդ բանը»։ Եվ նա ասաց. «Ահա քո աչքերով պիտի տեսնես, սակայն ինքդ դրանից չես ուտելու»։

ՍԱՂՄՈՍՆԵՐ 107:34

Պտղաբեր երկիրն աղի հող է դարձնում նրա բնակիչների չարության պատճառով։

ԵՐԵՄԻԱ 29:32

դրա համար Տերն այսպես է ասում. "Ահա ես պիտի պատժեմ նեհելամացի Սեմայիային և նրա սերնդին. նրանից այս ժողովրդի մեջ բնակվող մարդ չպիտի լինի, և նա չպիտի տեսնի այն բարիքը, որ ես անելու եմ իմ ժողովրդին,- ասում է Տերը,- որովհետև Տիրոջ դեմ ապստամբություն է խոսել"”»։