ԵՍԱՅԻ 34:11 - Նոր վերանայված Արարատ Աստվածաշունչ

¹¹ Բազեներն ու ոզնիները կժառանգեն այն, բուն ու ագռավը կբնակվեն նրա մեջ, և նրա վրա կքաշվեն ամայության լարն ու դատարկության կշռաքարերը։

Նոր Էջմիածին Աստվածաշունչ

¹¹ Այնտեղ բնակություն պիտի հաստատեն թռչուններն ու ոզնիները, ցիներն ու ագռավները, նրա մեջ պիտի ջնջվեն ու ավերակ դառնան չափված հողակտորները, հուշկապարիկները պիտի բնակվեն այնտեղ։

ԵՍԱՅԻ 34:11 Խաչաձեւ Հղումներ

ԵՐԵՄԻԱՅԻ ՈՂԲԵՐԸ 2:8

Տերը մտադրեց քանդել Սիոնի դստեր պարիսպը, քաշեց լարը, իր ձեռքը ետ չպահեց կործանելուց, պատնեշին ու պարսպին սուգ անել տվեց, միասին հյուծվեցին։

Դ ԹԱԳԱՎՈՐՆԵՐԻ 21:13

Երուսաղեմի վրա կձգեմ Սամարիայի լարը և Աքաաբի տան խորաչափ կապարը և Երուսաղեմը կսրբեմ, ինչպես ամանն են սրբում, սրբում են ու շրջում երեսի վրա։

ՍՈՓՈՆԻԱ 2:14

Եվ նրա մեջ հոտերով պիտի մակաղեն ազգերի բոլոր գազանները, նրա խոյակների միջև պիտի օթևանեն հավալուսնը և ոզնին, ձայն պիտի հնչի պատուհաններում, ավերումը շեմում պիտի լինի, որովհետև նրա եղևնազարդը նա մերկացրեց։

Հայտնություն 18:2

Նա բարձրաձայն, ուժգին աղաղակեց ու ասաց. «Ընկա՜վ, ընկա՜վ մեծ Բաբելոնը ու դարձավ դևերի բնակավայր, արգելանոց բոլոր պիղծ հոգիների և վանդակ բոլոր անմաքուր ու ատելի թռչունների։

ԵՍԱՅԻ 14:23

«Ես այն դարձնելու եմ ոզնիների ստացվածք և ճահճուտ։ Ես այն ավլելու եմ բնաջնջման ավելով»,- ասում է Զորությունների Տերը։

Բ ԹԱԳԱՎՈՐՆԵՐԻ 8:2

Կոտորեց նաև Մովաբին, նրանց պառկեցրեց գետնին և լարով չափեց նրանց. երկու լար չափեց սպանելու համար, իսկ մեկ ամբողջ լարը՝ կենդանի թողնելու համար։ Եվ մովաբացիները դարձան Դավթի հարկատու ծառաները։

ԵՍԱՅԻ 24:10

Ավերվել է դատարկ քաղաքը, ամեն տուն կողպվել է ներս մտնողների համար։

ՍԱՂՄՈՍՆԵՐ 102:6

Ես նմանվեցի անապատի հավալուսնի, ավերակների բուի պես եղա։

ԵՍԱՅԻ 34:17

Նա ինքն է վիճակ գցել նրանց համար, և նրա ձեռքն է այն նրանց բաժանել լարով։ Նրանք հավիտյան կժառանգեն այն, դարեդար պիտի բնակվեն այնտեղ»։

ԱՄՈՎՍ 7:8

Եվ Տերն ինձ ասաց. «Ամո՛վս, ի՞նչ ես տեսնում», և ես ասացի. «Մի կապարալար»։ Եվ Տերն ասաց. «Ահա ես կապարալար եմ դնում իմ Իսրայել ժողովրդի մեջ, այլևս նրան չեմ խնայելու։

ՂԵՎՏԱԿԱՆ 11:16

ջայլամը, բուն, որորը, բազեն և այն, ինչ սրա տեսակից է,