ԵԼՔ 20:1 - Նոր վերանայված Արարատ Աստվածաշունչ

¹ Աստված ասաց հետևյալը.

Նոր Էջմիածին Աստվածաշունչ

¹ Տերը հայտնեց այս բոլոր պատգամները և ասաց.

ԵԼՔ 20:1 Խաչաձեւ Հղումներ

ՆԵԵՄԻԱ 9:13

Եվ վայր իջար Սինա լեռան վրա և խոսեցիր նրանց հետ երկնքից և նրանց տվեցիր արդար իրավունքներ ու ճշմարիտ օրենքներ, բարի կանոններ ու պատվիրաններ։

ԵԼՔ 19:25

Մովսեսն իջավ ժողովրդի մոտ և խոսեց նրանց հետ։

ԵԼՔ 20:2

«Ես եմ Տերը՝ քո Աստվածը, որ քեզ հանեցի Եգիպտոսի երկրից՝ ստրկության տնից։

Գործք Առաքելոց 7:38

Նա՛ է, որ երբ ժողովուրդն անապատում էր, Սինա լեռան վրա խոսեց հրեշտակի և մեր հայրերի հետ. նա՛ ստացավ կյանքի պատգամները, որպեսզի մեզ տա։

Գործք Առաքելոց 7:53

դուք, որ օրենքն ստացաք հրեշտակների պատվերով, բայց այն չպահեցիք»։

Բ ՕՐԵՆՔ 10:4

Այդ տախտակների վրա նախկին գրվածքի նման գրեց այն տասը խոսքերը, որ Տերն ասել էր ձեզ լեռան վրա, կրակի միջից, հավաքի օրը։ Եվ Տերը դրանք տվեց ինձ։

Բ ՕՐԵՆՔ 4:33

արդյոք որևէ ազգ լսե՞լ է՝ Աստծու ձայնը խոսի կրակի միջից, ինչպես որ դու լսեցիր, և ողջ մնացած լինի.

Բ ՕՐԵՆՔ 4:36

Նա երկնքից լսել տվեց քեզ իր ձայնը, որպեսզի խրատի քեզ, և երկրի վրա քեզ ցույց տվեց իր մեծ կրակը, և դու կրակի միջից լսեցիր նրա խոսքերը։

Բ ՕՐԵՆՔ 5:22

Տերն այն սարի վրա կրակի, ամպի և մառախուղի միջից բարձր ձայնով այս խոսքերն ասաց ձեր ամբողջ ժողովրդին և ոչինչ չավելացրեց։ Նա դրանք գրեց քարե երկու տախտակների վրա ու տվեց ինձ։

Բ ՕՐԵՆՔ 5:4

Տերը դեմ առ դեմ խոսեց ձեզ հետ լեռան վրա, կրակի միջից

Բ ՕՐԵՆՔ 5:6

“Ես եմ Տերը՝ քո Աստվածը, որ քեզ դուրս հանեցի Եգիպտոսից՝ ստրկության տնից։