ԵԶՐԱՍ 7:15 - Նոր վերանայված Արարատ Աստվածաշունչ

¹⁵ Եվ տանես այն արծաթն ու ոսկին, որ թագավորը և նրա խորհրդականները հոժարակամ տվեցին Իսրայելի Աստծուն, որի տունը Երուսաղեմում է։

Նոր Էջմիածին Աստվածաշունչ

¹⁵ և Տիրոջ տուն տանի այն ոսկին ու արծաթը, որ թագավորն ու նրա խորհրդակաները կամովին նվիրել են Երուսաղեմում բնակվող Իսրայելի Աստծուն։

ԵԶՐԱՍ 7:15 Խաչաձեւ Հղումներ

Ա ՄՆԱՑՈՐԴԱՑ 29:6

Այն ժամանակ տոհմերի իշխանները, Իսրայելի ցեղերի իշխանները, հազարապետներն ու հարյուրապետները և թագավորի գործերի վերակացուները հոժար եղան ընծայելու։

Բ ՄՆԱՑՈՐԴԱՑ 2:6

Եվ ո՞վ կարող է նրա համար տուն կառուցել, քանզի երկինքն ու երկինքների երկինքը չեն կարող պարփակել նրան։ Ո՞վ եմ ես, որ նրա համար տուն կառուցեմ, այլ միայն խունկ ծխելու մի տեղ կշինեմ նրա առաջ։

Բ ՄՆԱՑՈՐԴԱՑ 32:23

Շատերն ընծաներ էին բերում Երուսաղեմ՝ Տիրոջ համար և թանկարժեք բաներ՝ Հուդայի Եզեկիա թագավորի համար։ Դրանից հետո Եզեկիան բարձրացավ բոլոր ազգերի աչքին։

Բ ՄՆԱՑՈՐԴԱՑ 6:2

բայց ես քեզ համար բնակվելու վեհաշուք տուն կառուցեցի, մի տեղ, որ դու հավիտյան բնակվես»։

Բ ՄՆԱՑՈՐԴԱՑ 6:6

այլ Երուսաղեմն ընտրեցի, որ իմ անունն այնտեղ լինի, և Դավթին ընտրեցի, որ Իսրայելի իմ ժողովրդի իշխան լինի”։

ԵԶՐԱՍ 1:6

Եվ նրանց շուրջը բոլոր եղողները օգնեցին նրանց արծաթի անոթներով, ոսկով, ունեցվածքով և անասուններով ու թանկագին բաներով, բացի այն ամենից, որ կամովին ընծայեցին։

ԵԶՐԱՍ 6:12

Եվ այն Աստվածը, որի անունը բնակվում է այնտեղ, կկործանի ամեն մի թագավորի և ժողովրդի, որոնք իրենց ձեռքը կմեկնեն փոխելու այս հրամանը, որ ավերեն Աստծու այս տունը, որ Երուսաղեմում է։ Ես՝ Դարեհս, տվեցի այս հրամանը. թող շուտով կատարվի»։

ԵԶՐԱՍ 6:4

մեծ քարերից՝ երեք շարք և նոր փայտից՝ մեկ շարք, և ծախսը արքունիքից թող տրվի։

ԵԶՐԱՍ 7:14

Որովհետև դու ուղարկվում ես թագավորի և նրա յոթ խորհրդականների կողմից, որ քննես Հուդան և Երուսաղեմը քո Աստծու օրենքով, որ քո ձեռքին է։

ԵԶՐԱՍ 8:25

Կշռեցի ու տվեցի նրանց այն արծաթն ու ոսկին և անոթները՝ որպես ընծա մեր Աստծու տան համար, որ ընծայել էին թագավորը և նրա խորհրդականներն ու իշխանները և այնտեղ գտնվող բոլոր իսրայելացիները։

ՍԱՂՄՈՍՆԵՐ 135:21

Օրհնյա՜լ լինի Տերը Սիոնից. նա, որ բնակվում է Երուսաղեմում։ Ալելուիա՜։

ՍԱՂՄՈՍՆԵՐ 26:8

Ո՜վ Տեր, ես սիրում եմ քո բնակության տունը և քո փառքի բնակվելու տեղը։

ՍԱՂՄՈՍՆԵՐ 72:10

Թարսիսի և կղզիների թագավորներն ընծա պիտի մատուցեն, պարգևներ պիտի բերեն Շաբայի և Սաբայի թագավորները։

ՍԱՂՄՈՍՆԵՐ 76:11

Ո՛ւխտ դրեք և կատարե՛ք այն ձեր Տեր Աստծու համար. բոլորը, որ նրա չորս կողմում են, թող ընծա բերեն Ահեղին։

ՍԱՂՄՈՍՆԵՐ 76:2

Սաղեմի մեջ է նրա խորանը. նրա բնակարանը՝ Սիոնի մեջ։

ՍԱՂՄՈՍՆԵՐ 9:11

Սաղմո՛ս երգեցեք Տիրոջը, որ բնակվում է Սիոնում, պատմեցե՛ք նրա գործերը ժողովուրդների մեջ,