ԵԶԵԿԻԵԼ 39:9 - Նոր վերանայված Արարատ Աստվածաշունչ

⁹ Իսրայելի քաղաքների բնակիչները դուրս կգան ու կրակ կվառեն և կայրեն զենքերը, ասպարներն ու վահանները, աղեղներն ու նետերը, ձեռքի մահակներն ու նիզակները. յոթ տարի նրանք որպես վառելանյութ են գործածում։

Նոր Էջմիածին Աստվածաշունչ

⁹ Պիտի ելնեն Իսրայելի քաղաքների բնակիչները, պիտի այրեն իրենց զենքերը՝ նիզակների ու ասպարների կոթերը, նետերը, աղեղների բեկորները, տեգերի բները, սվինների կոթերը. յոթ տարի այրելու են իրենց, այրելու են ենթակա իրերը.

ԵԶԵԿԻԵԼ 39:9 Խաչաձեւ Հղումներ

ՍԱՂՄՈՍՆԵՐ 46:9

Որ մինչև երկրի ծայրերը դադարեցնում է պատերազմները, փշրում է աղեղները, կոտրատում է նիզակները և կառքերն այրում կրակով։

ԵՍԱՅԻ 66:24

Նրանք պիտի դուրս գան և տեսնեն իմ դեմ ըմբոստացող մարդկանց դիակները, որովհետև նրանց որդը չի մեռնելու, և նրանց կրակը չի հանգչելու. նրանք զզվելի պիտի լինեն ամեն մարմնի համար»։

ԵԶԵԿԻԵԼ 39:10

Եվ փայտ չեն հավաքի դաշտից և փայտ էլ չեն կտրի անտառներից, որովհետև զենքերով պիտի կրակ վառեն. իրենցից հափշտակողներից պիտի հափշտակեն և իրենցից կողոպտողներից պիտի կողոպտեն",- ասում է Տեր Աստված”»։

ԵԶԵԿԻԵԼ 39:8

Ահա գալիս է և կկատարվի,- ասում է Տեր Աստված.- սա այն օրն է, որի մասին ես ասել եմ։

ԶԱՔԱՐԻԱ 9:10

Եվ Եփրեմից բնաջինջ պիտի անեմ կառքը և ձին՝ Երուսաղեմից։ Եվ պիտի կոտրվի պատերազմի աղեղը, և նա խաղաղություն է խոսելու ազգերին, և նրա իշխանությունը ծովից ծով է լինելու և գետից մինչև երկրի ծայրերը։

ՄԱՂԱՔԻԱ 1:5

Եվ ձեր աչքերը պիտի տեսնեն, և դուք պիտի ասեք. “Մեծ է Տերը Իսրայելի սահմանից անդին”»։

ՀԵՍՈՒ 11:6

Տերը Հեսուին ասաց. «Մի՛ վախեցիր նրանցից, որովհետև վաղն այս ժամանակ ես նրանց բոլորին ջարդել պիտի տամ իսրայելացիների առաջ. ջղակտոր կանես նրանց ձիերին և կրակով կայրես նրանց կառքերը»։