Գործք Առաքելոց 9:42 - Նոր վերանայված Արարատ Աստվածաշունչ

⁴² Ամբողջ Հոպպեում դա հայտնի դարձավ, և շատերը հավատացին Տիրոջը։

Նոր Էջմիածին Աստվածաշունչ

⁴² Ամբողջ Հոպպեում հայտնի դարձավ այս, և շատերը հավատացին Տիրոջը։

Գործք Առաքելոց 9:42 Խաչաձեւ Հղումներ

Բ ՄՆԱՑՈՐԴԱՑ 2:16

Իսկ մենք Լիբանանից կկտրենք քեզ պետք եղած բոլոր փայտերը և ծովի վրայով դրանք լաստերով կբերենք Հոպպե՝ քեզ մոտ, իսկ դու դրանք կբարձրացնես Երուսաղեմ»։

ՀՈՎՆԱՆ 1:3

Բայց Հովնանը վեր կացավ, որ Տիրոջ երեսից Թարսիս փախչի։ Եվ իջավ Հոպպե, մի նավ գտավ, որ Թարսիս էր գնում, և նրա վարձը տվեց ու նրա մեջ մտավ, որպեսզի Տիրոջ երեսից նրանց հետ Թարսիս գնար։

ՀՈՎՀԱՆՆԵՍ 11:4

Երբ Հիսուսը լսեց, ասաց. «Այդ հիվանդությունը մահաբեր չէ, այլ Աստծու փառքը հայտնի դարձնելու համար է, որպեսզի Աստծու Որդին նրա միջոցով փառավորվի»։

ՀՈՎՀԱՆՆԵՍ 11:45

Արդ հրեաներից շատերը, որ Մարիամի մոտ էին եկել, երբ տեսան, թե Հիսուսն ի՛նչ արեց, հավատացին նրան։

ՀՈՎՀԱՆՆԵՍ 12:11

քանի որ նրա պատճառով հրեաներից շատերն էին գնում և Հիսուսին հավատում։

ՀՈՎՀԱՆՆԵՍ 12:44

Հիսուսն աղաղակում էր ու ասում. «Ով հավատում է ինձ, միայն ինձ չէ, որ հավատում է, այլ նաև նրան, ով ինձ ուղարկեց։

Գործք Առաքելոց 10:5

Հիմա մա՛րդ ուղարկիր Հոպպե ու կանչի՛ր ոմն Սիմոնի, որ Պետրոս է կոչվում։

Գործք Առաքելոց 10:8

Եվ նրանց ամեն ինչ պատմելով՝ ուղարկեց Հոպպե։

Գործք Առաքելոց 11:13

Նա մեզ պատմեց, թե ինչպես է իր տանը տեսել հրեշտակին, որ կանգնել ու ասում էր. "Մա՛րդ ուղարկիր Հոպպե և Պետրոս կոչված Սիմոնին կանչի՛ր։

Գործք Առաքելոց 11:21

Եվ Տիրոջ ձեռքը նրանց հետ էր, և բազմաթիվ մարդիկ հավատացին ու դեպի Տերը դարձան։

Գործք Առաքելոց 11:5

«Ես Հոպպե քաղաքում աղոթում էի և հափշտակության մեջ ընկնելով՝ տեսիլք տեսա. վերևից չորս ծայրը կախված սփռոցի պես մի բան էր իջնում երկնքից ու հասավ մինչև ինձ։

Գործք Առաքելոց 9:35

Եվ նրան տեսան բոլորը, ովքեր ապրում էին Լյուդդայում և Սարովնայում, որոնք դեպի Տերը դարձան։

Գործք Առաքելոց 9:36

Հոպպեում Տաբիթա (որ «Այծեմնիկ» է թարգմանվում) անունով մի կին կար, որ աշակերտ էր. նա բազում բարի գործեր ու ողորմություններ էր արել։

Գործք Առաքելոց 9:38

Քանի որ Լյուդդան Հոպպեին մոտ էր, ապա երբ աշակերտները լսեցին, որ Պետրոսն այնտեղ է, նրա մոտ երկու մարդ ուղարկեցին՝ խնդրելով. «Մի՛ հապաղիր մեզ մոտ գալ»։

Գործք Առաքելոց 9:43

Նա բավականաչափ օրեր մնաց Հոպպեում՝ ոմն կաշեգործ Սիմոնի մոտ։

ՀԵՍՈՒ 19:46

Մեարկոն և Ռակկոն՝ Հոպպեի դիմացի սահմանի հետ։