Գ ԹԱԳԱՎՈՐՆԵՐԻ 10:12 - Նոր վերանայված Արարատ Աստվածաշունչ

¹² Եվ թագավորը ալմուգ փայտերից ցանկապատներ շինեց Տիրոջ տան համար ու թագավորի պալատի համար և քնարներ ու տավիղներ՝ երգիչների համար. այդպիսի ալմուգ փայտ այլևս չբերվեց և չի տեսնվել մինչև այսօր։

Նոր Էջմիածին Աստվածաշունչ

¹² Արքան անտառանյութից Տիրոջ տան և արքունի տան համար մույթեր պատրաստեց, իսկ երաժիշտների համար՝ քնարներ ու տավիղներ։ Այդպիսի քանակությամբ անտառանյութ այդ երկիրը չէր ստացել, և մինչև օրս էլ այդպիսի փայտեր չեն երևացել։

Գ ԹԱԳԱՎՈՐՆԵՐԻ 10:12 Խաչաձեւ Հղումներ

Բ ԹԱԳԱՎՈՐՆԵՐԻ 6:5

Դավիթը և Իսրայելի ամբողջ տունը նվագում էին Տիրոջ առաջ մայրու փայտից պատրաստված ամեն տեսակ նվագարաններով՝ քնարներով, տավիղներով, թմբուկներով, դափերով ու ծնծղաներով։

Գ ԹԱԳԱՎՈՐՆԵՐԻ 10:11

Եվ Քիրամի նավերը, որ Ոփիրից ոսկի էին բերում, խիստ շատ ալմուգ փայտ էլ բերեցին, ինչպես նաև պատվական քարեր։

Գ ԹԱԳԱՎՈՐՆԵՐԻ 10:13

Եվ Սողոմոն թագավորը Սաբայի թագուհուն տվեց այն ամենը, ինչ նա փափագում էր և ուզեց, բացի այն ամենից, ինչ Սողոմոն թագավորն էր առատաձեռնությամբ տվել. և նա իր ծառաների հետ վերադարձավ ու գնաց իր երկիրը։

Ա ՄՆԱՑՈՐԴԱՑ 23:5

չորս հազարը՝ դռնապաններ, և չորս հազարն էլ այն բանի համար, որ օրհնեն Տիրոջն այն գործիքներով, որ ես պատրաստել եմ տվել օրհներգելու համար»։

Բ ՄՆԱՑՈՐԴԱՑ 9:11

Թագավորն այդ ալմուգ փայտից Տիրոջ տան և թագավորի տան համար աստիճաններ սարքեց և երգիչների համար՝ քնարներ ու տավիղներ, որոնց նմանը դրանից առաջ չէր տեսնված Հուդայի երկրում։