Բ ՄՆԱՑՈՐԴԱՑ 35:23 - Նոր վերանայված Արարատ Աստվածաշունչ

²³ Աղեղնավորները նետով հարվածեցին Հովսիա թագավորին, և թագավորն ասաց իր ծառաներին. «Տարե՛ք ինձ, որովհետև ծանր վիրավորված եմ»։

Նոր Էջմիածին Աստվածաշունչ

²³ Աղեղնավորները հարվածեցին Հովսիային, և արքան ասաց իր ծառաներին. «Ինձ այստեղից դո՛ւրս հանեք, որովհետև ծանր վիրավորվել եմ»։

Բ ՄՆԱՑՈՐԴԱՑ 35:23 Խաչաձեւ Հղումներ

ԾՆՆԴՈՑ 49:23

Աղեղնավորները վշտացրին նրան, նետահարեցին, ատեցին նրան։

Գ ԹԱԳԱՎՈՐՆԵՐԻ 22:34

Բայց մի մարդ պատահաբար քաշեց իր աղեղը և զարկեց Իսրայելի թագավորին՝ նրա զրահի օղակների միջով. և թագավորն ասաց իր կառավարին. «Ե՛տ դարձիր և ինձ դո՛ւրս տար բանակից, որովհետև վիրավորվեցի»։

Դ ԹԱԳԱՎՈՐՆԵՐԻ 8:29

Հովրամ թագավորը վերադարձավ, որ Հեզրայելում բժշկվի այն վերքերից, որ նրան հասցրել էին ասորիները Ռամովթում՝ ասորիների Ազայել թագավորի դեմ պատերազմելու ժամանակ։ Եվ Հուդայի թագավոր Հովրամի որդի Օքոզիան իջավ Հեզրայել՝ Աքաաբի որդի Հովրամին տեսնելու, որովհետև նա հիվանդ էր։

Դ ԹԱԳԱՎՈՐՆԵՐԻ 9:24

Հեուն ամուր քաշեց աղեղը և զարկեց Հովրամին նրա ուսերի մեջտեղից. նետն անցավ նրա սրտի միջով, և նա կծկվելով ընկավ իր կառքի մեջ։

Բ ՄՆԱՑՈՐԴԱՑ 18:33

Մի մարդ պատահաբար քաշեց աղեղը և խոցեց Իսրայելի թագավորին զրահի կցվածքների միջով։ Իսրայելի թագավորն ասաց կառավարին. «Ե՛տ դարձիր և ինձ դո՛ւրս տար բանակից, որովհետև վիրավորվել եմ»։

Բ ՄՆԱՑՈՐԴԱՑ 35:22

Սակայն Հովսիան իր երեսը նրանից չշրջեց, այլ նրա դեմ պատերազմելու համար փոխեց հագուստը և չլսեց Նեքավովի խոսքը, որ Աստծու բերանից էր դուրս եկել, և գնաց պատերազմելու Մակեդդովի հովտում։

Բ ՄՆԱՑՈՐԴԱՑ 35:24

Նրա ծառաները նրան տարան իր մարտակառքից, դրեցին նրա երկրորդ մարտակառքի մեջ և բերեցին Երուսաղեմ։ Նա մեռավ և թաղվեց իր հայրերի գերեզմանատանը, և ամբողջ Հուդան ու Երուսաղեմը սուգ արեցին Հովսիայի վրա։

ԵՐԵՄԻԱՅԻ ՈՂԲԵՐԸ 3:13

Իմ երիկամների մեջ արձակեց իր կապարճի նետերը։