Բ ՄՆԱՑՈՐԴԱՑ 17:6 - Նոր վերանայված Արարատ Աստվածաշունչ

⁶ Նրա սիրտը արիացավ Տիրոջ ճանապարհների մեջ, և նա Հուդայից վերացրեց Բարձր տեղերն ու Աստարովթի կուռքերը։

Նոր Էջմիածին Աստվածաշունչ

⁶ Նրա սիրտը հզորացավ Տիրոջ ճանապարհներին, և նա Հուդայի երկրից պաշտամունքի բարձունքներն ու պաշտամունքային փայտե սյուներն էլ վերացրեց։

Բ ՄՆԱՑՈՐԴԱՑ 17:6 Խաչաձեւ Հղումներ

ՈՎՍԵԵ 14:9

Ո՞վ է իմաստուն, թող հասկանա այս բաները, կամ հասկացող, թող գիտենա սրանք. որովհետև ուղիղ են Տիրոջ ճանապարհները, և արդարները գնում են նրանցով, իսկ հանցավորները սայթաքելու են նրանց մեջ։

ՍԱՂՄՈՍՆԵՐ 119:1

Երանելի են ճանապարհով անմեղները, որոնք գնում են Տիրոջ օրենքով։

Բ ՄՆԱՑՈՐԴԱՑ 20:33

Միայն թե Բարձր տեղերը չվերացվեցին, և ժողովուրդն էլ իր սիրտը տակավին չէր պատրաստել դառնալու դեպի իր հայրերի Աստվածը։

Բ ՄՆԱՑՈՐԴԱՑ 15:17

Թեև Բարձր տեղերը չվերացվեցին Իսրայելից, սակայն Ասայի սիրտն ուղիղ էր իր կյանքի բոլոր օրերին։

ՍԱՂՄՈՍՆԵՐ 138:5

Եվ Տիրոջ ճանապարհների մեջ օրհնություն պիտի ասեն՝ Տիրոջ փառքը մեծ է։

Բ ՄՆԱՑՈՐԴԱՑ 19:3

Բայց քո մեջ բարի բաներ էլ են գտնվում, որովհետև դու երկրից բնաջնջեցիր Աստարովթի կուռքերը և քո սիրտը պատրաստեցիր Աստծուն պաշտելու»։

Գ ԹԱԳԱՎՈՐՆԵՐԻ 22:43

Եվ նա գնաց իր հոր՝ Ասայի բոլոր ճանապարհներով, չխոտորվեց նրանից և արեց այն, ինչ ուղիղ էր Տիրոջ առաջ։

Գործք Առաքելոց 13:10

և ասաց. «Ո՛վ դու, ամեն նենգությամբ ու խորամանկությամբ լցված սատանայի՛ որդի, թշնամի՛ ամեն արդարության, չե՞ս դադարելու Տիրոջ ուղիղ ճանապարհները շեղելուց։

ՀՈԲ 22:26

Որովհետև այն ժամանակ Ամենակարողով կցնծաս ու դեմքդ դեպի Աստված կբարձրացնես։

Բ ՄՆԱՑՈՐԴԱՑ 31:1

Երբ այս ամենն ավարտվեց, այնտեղ գտնվող բոլոր իսրայելացիները ելան գնացին դեպի Հուդայի քաղաքները և ամբողջ Հուդայում, Բենիամինում, Եփրեմում ու Մանասեում ամբողջովին փշրեցին արձանները, կտորեցին աստարովթները և քանդեցին Բարձր տեղերն ու զոհասեղանները։ Հետո Իսրայելի բոլոր որդիները վերադարձան իրենց քաղաքները՝ յուրաքանչյուրն իր կալվածքը։

Բ ՄՆԱՑՈՐԴԱՑ 14:3

Նա վերացրեց օտար զոհասեղաններն ու Բարձր տեղերը, կոտրատեց արձանները և կտրտեց աստարովթները։

Բ ՕՐԵՆՔ 28:47

Քանի որ դու ուրախությամբ և հոժար սրտով չծառայեցիր քո Տեր Աստծուն ամեն բանի առատության համար,

ԵԼՔ 34:13

Կործանե՛ք նրանց բագինները, փշրե՛ք նրանց կուռքերը և կոտրատե՛ք նրանց աստարովթները։

Բ ՄՆԱՑՈՐԴԱՑ 14:2

Ասան բարի և ուղիղ գործեր արեց իր Տեր Աստծու աչքի առաջ։