Բ ՄՆԱՑՈՐԴԱՑ 14:10 - Նոր վերանայված Արարատ Աստվածաշունչ

¹⁰ Ասան դուրս եկավ նրա դիմաց, և նրանք պատերազմի համար շարվեցին Մարեսայի Սեփաթա ձորում։

Նոր Էջմիածին Աստվածաշունչ

¹⁰ Ասան դուրս եկավ նրա դեմ և պատերազմի ճակատ կազմեց Մարիսայի հյուսիսում գտնվող ձորում։

Բ ՄՆԱՑՈՐԴԱՑ 14:10 Խաչաձեւ Հղումներ

Բ ՄՆԱՑՈՐԴԱՑ 13:18

Այդ ժամանակ Իսրայելի որդիները նվաճվեցին, իսկ Հուդայի որդիները զորացան, որովհետև ապավինել էին իրենց հայրերի Տեր Աստծուն։

Բ ՄՆԱՑՈՐԴԱՑ 14:11

Ասան աղաղակեց իր Տեր Աստծուն՝ ասելով. «Ո՛վ Տեր, քեզ համար մի մեծ բան չէ թե՛ հզորին, թե՛ տկարին օգնելը. օգնի՛ր մեզ, ո՛վ մեր Տեր Աստված, որովհետև մենք քեզ ենք ապավինել և քո անունով ենք եկել այս բազմության դեմ։ Ո՛վ Տեր, դու ես մեր Աստվածը. թող մարդը քեզանից ուժեղ չլինի»։

Բ ՄՆԱՑՈՐԴԱՑ 14:9

Եթովպացի Զարան մեկ միլիոն զորքով և երեք հարյուր մարտակառքով նրանց դեմ ելավ ու եկավ մինչև Մարեսա։

Բ ՄՆԱՑՈՐԴԱՑ 26:7

Աստված օգնեց նրան փղշտացիների, Գուր-Բահաղում բնակվող արաբացիների և մաոնացիների դեմ։

Բ ՄՆԱՑՈՐԴԱՑ 32:20

Եզեկիա թագավորը և Ամոսի որդի Եսայի մարգարեն աղոթեցին այս բանի համար և աղաղակեցին դեպի երկինք։

Բ ՄՆԱՑՈՐԴԱՑ 32:8

Նրա հետ մարմնեղեն բազուկ կա, իսկ մեզ հետ է մեր Աստվածը՝ Տերը, որ մեզ օգնի և մեր պատերազմն ինքը մղի»։ Եվ ժողովուրդը քաջալերվեց Հուդայի երկրի թագավոր Եզեկիայի խոսքերից։

ՍԱՂՄՈՍՆԵՐ 20:8

Նրանք թեքվեցին և ցած ընկան, բայց մենք վեր կացանք և կանգնեցինք։

ՍԱՂՄՈՍՆԵՐ 31:15

Իմ ժամանակը քո ձեռքին է. ազատի՛ր ինձ իմ թշնամիների ձեռքից և ինձ հալածողներից։

ՍԱՂՄՈՍՆԵՐ 9:20

Տե՛ր, ահ ու վա՛խ դիր նրանց մեջ. թող հեթանոսներն իմանան, որ մարդիկ են։ (Սելա)։

Բ ՕՐԵՆՔ 20:1

«Եթե քո թշնամիների դեմ պատերազմի ելնես և տեսնես ձիեր ու կառքեր և քեզանից շատ մի ժողովուրդ, չվախենաս նրանցից, որովհետև քո Տեր Աստվածը քեզ հետ է, որ քեզ հանեց եգիպտացիների երկրից։

ՀԵՍՈՒ 19:4

Էլթուղադ, Բաթուլ, Հորմա,

ԴԱՏԱՎՈՐՆԵՐ 1:17

Հուդան իր եղբայր Շմավոնի հետ գնաց, և Սեփաթում բնակվող քանանացիներին ջարդեցին ու կործանեցին քաղաքը և այդ քաղաքի անունը Հորմա կոչեցին։

Ա ԹԱԳԱՎՈՐՆԵՐԻ 14:6

Եվ Հովնաթանն իր զինակիր պատանուն ասաց. «Եկ անցնենք այս անթլփատների պահապան զորքի մոտ, գուցե Տերը մի բան անի մեզ համար. չէ՞ որ Տիրոջ համար արգելք չկա, որ շատ մարդով էլ ազատի, քչով էլ»։

Ա ԹԱԳԱՎՈՐՆԵՐԻ 17:45

Եվ Դավիթն ասաց փղշտացուն. «Դու ինձ վրա սրով, նիզակով և տեգով ես գալիս, իսկ ես քեզ վրա գալիս եմ Իսրայելի զորքերի Զորությունների Տիրոջ՝ Աստծու անունով, որին դու նախատեցիր։