Բ Կորնթացիներին 3:16 - Նոր վերանայված Արարատ Աստվածաշունչ

¹⁶ Բայց երբ դեպի Տերը դառնան, այդ քողը կվերցվի։

Նոր Էջմիածին Աստվածաշունչ

¹⁶ Բայց երբ դառնան Տիրոջը, ապա վարագույրը կվերցվի։

Բ Կորնթացիներին 3:16 Խաչաձեւ Հղումներ

ԵԼՔ 34:34

Երբ Մովսեսը ներկայանում էր Տիրոջը՝ նրա հետ խոսելու համար, հանում էր քողը մինչև դուրս գալը. և երբ դուրս էր գալիս, Իսրայելի որդիներին ասում էր, ինչ որ պատվիրվել էր իրեն։

ԵՍԱՅԻ 25:7

Այս սարի վրա նա վերացնելու է ծածկոցը, որը ծածկում է բոլոր ժողովուրդներին, և քողը, որը տարածված է բոլոր ազգերի վրա։

ԵՍԱՅԻ 29:18

Եվ այդ օրը խուլերը կլսեն գրքի խոսքերը, և մթից ու խավարից ազատված՝ կտեսնեն կույրերի աչքերը։

ԵՍԱՅԻ 54:13

Քո բոլոր որդիների ուսուցումը Տիրոջից պիտի լինի, և մեծ պիտի լինի նրանց խաղաղությունը։

ԵՐԵՄԻԱ 31:34

Եվ այլևս յուրաքանչյուր մարդ իր ընկերոջը և յուրաքանչյուր մարդ իր եղբորը չի սովորեցնի՝ ասելով. “Ճանաչե՛ք Տիրոջը”, որովհետև նրանք ամենքը՝ նրանց փոքրից մինչև մեծը, պիտի ճանաչեն ինձ,- ասում է Տերը,- որովհետև ես պիտի ներեմ նրանց անօրինությունը և նրանց մեղքերն այլևս չեմ հիշի»։

ԵՐԵՄԻԱՅԻ ՈՂԲԵՐԸ 3:40

Քննենք մեր ճանապարհները և փորձենք ու ետ դառնանք Տիրոջը։

Հռոմեացիներին 11:23

Նրանք ևս, եթե անհավատության մեջ չմնան, կպատվաստվեն, որովհետև Աստված կարող է նրանց կրկին պատվաստել։

Բ Կորնթացիներին 3:15

Մինչև այսօր, երբ Մովսեսի գիրքն են կարդում, նրանց սրտերի վրա նույն քողն է ընկած։

Բ ՕՐԵՆՔ 30:10

եթե դու հնազանդվես քո Տեր Աստծու ձայնին և պահես այս օրենքի գրքում գրված նրա պատվիրաններն ու կանոնները և քո ամբողջ սրտով ու քո ամբողջ հոգով դառնաս դեպի քո Տեր Աստվածը։

Բ ՕՐԵՆՔ 4:30

Երբ նեղության մեջ գտնվես, և այս բոլոր բաները պատահեն քեզ վերջին օրերին, այն ժամանակ դու կդառնաս քո Տեր Աստծուն և կհնազանդվես նրա ձայնին,