Բ ԹԱԳԱՎՈՐՆԵՐԻ 5:7 - Նոր վերանայված Արարատ Աստվածաշունչ

⁷ Բայց Դավիթը վերցրեց Սիոնի բերդը (սա Դավթի քաղաքն է)։

Նոր Էջմիածին Աստվածաշունչ

⁷ Դավիթը գրավեց Սիոնն ու նրա ամրոցը, որ Դավթի քաղաքն է։

Բ ԹԱԳԱՎՈՐՆԵՐԻ 5:7 Խաչաձեւ Հղումներ

Բ ԹԱԳԱՎՈՐՆԵՐԻ 5:8

Եվ Դավիթն այդ օրն ասաց. «Ով կոտորի հեբուսացիներին և հասնի ջրանցքին, թող նա կույրերին ու կաղերին էլ կոտորի, որոնք ատելի են Դավթի համար։ Դրա համար էլ ասում են՝ “Կույրն ու կաղը չպետք է մտնեն Տիրոջ տունը”»։

Բ ԹԱԳԱՎՈՐՆԵՐԻ 5:9

Եվ Դավիթը բնակվեց այդ բերդում և այն անվանեց Դավթի քաղաք. և Դավիթը նրա շուրջը կառույցներ շինեց՝ Մելոնից դեպի ներս։

Բ ԹԱԳԱՎՈՐՆԵՐԻ 6:10

Եվ Դավիթը չուզեց Տիրոջ տապանակը տանել իր մոտ՝ Դավթի քաղաքը. և Դավիթը շեղեց ու այն տարավ գեթացի Աբդեդոմի տուն։

Բ ԹԱԳԱՎՈՐՆԵՐԻ 6:12

Երբ Դավիթ թագավորին պատմեցին և ասացին. «Տերը օրհնեց Աբդեդոմի տունը և նրա ամեն ունեցվածքը Աստծու տապանակի համար», Դավիթը գնաց և Աստծու տապանակը վերցրեց Աբդեդոմի տանից և ուրախությամբ տարավ Դավթի քաղաքը։

Բ ԹԱԳԱՎՈՐՆԵՐԻ 6:16

Մինչ Տիրոջ տապանակը մտնում էր Դավթի քաղաքը, Սավուղի աղջիկը՝ Մեղքողը, պատուհանից նայելով, տեսավ, որ Դավիթ թագավորը ցատկոտելով պարում է Տիրոջ առաջ, և իր սրտում անարգեց նրան։

Գ ԹԱԳԱՎՈՐՆԵՐԻ 2:10

Եվ Դավիթը ննջեց իր հայրերի հետ և թաղվեց Դավթի քաղաքում։

Գ ԹԱԳԱՎՈՐՆԵՐԻ 3:1

Եվ Սողոմոնը խնամիացավ Եգիպտոսի թագավոր փարավոնի հետ և կին առավ փարավոնի աղջկան ու նրան բերեց Դավթի քաղաք՝ դեռևս չվերջացրած իր պալատի և Տիրոջ տան ու Երուսաղեմի շրջապարսպի շինարարությունը։

Գ ԹԱԳԱՎՈՐՆԵՐԻ 8:1

Այն ժամանակ Սողոմոնը հավաքեց ամբողջ Իսրայելի ծերերին և ցեղերի բոլոր գլխավորներին, Իսրայելի որդիների նահապետներին Սողոմոն թագավորի մոտ՝ Երուսաղեմում, որպեսզի Տիրոջ ուխտի տապանակը Դավթի քաղաքից, այսինքն՝ Սիոնից, բարձրացնեն։

Գ ԹԱԳԱՎՈՐՆԵՐԻ 9:24

Եվ փարավոնի աղջիկը ելավ Դավթի քաղաքից ու գնաց այն տունը, որ Սողոմոնը շինել էր նրա համար. ապա կառուցեց Մելոնը։

Ա ՄՆԱՑՈՐԴԱՑ 11:7

Դավիթը բնակվեց այդ բերդում, դրա համար էլ այն կոչում են Դավթի քաղաք։

Բ ՄՆԱՑՈՐԴԱՑ 24:16

Նրան թաղեցին Դավթի քաղաքում՝ թագավորների մոտ, որովհետև Իսրայելում նա բարություն էր արել Աստծու և նրա տան համար։

Բ ՄՆԱՑՈՐԴԱՑ 5:2

Այն ժամանակ Սողոմոնը Երուսաղեմում հավաքեց Իսրայելի ծերերին, ցեղերի բոլոր իշխաններին ու իսրայելացիների տոհմապետներին, որ Տիրոջ ուխտի տապանակը տանեն Դավթի քաղաքից, այսինքն՝ Սիոնից։

ՆԵԵՄԻԱ 3:15

Աղբյուրի դուռը նորոգեց Մասփայի բաժնի իշխան Քոլոզեի որդի Սեղղունը. նա շինեց այն և ծածկեց ու դրեց նրա դռները, փականքները և նիգերը, նաև Սիլովայի ավազանի պարիսպը թագավորի պարտեզի մոտից մինչև Դավթի քաղաքից իջնող աստիճանները։

ՍԱՂՄՈՍՆԵՐ 132:13

Որովհետև Տերը Սիոնն ընտրեց, հավանեց այն և բնակարան դարձրեց իր համար.

ՍԱՂՄՈՍՆԵՐ 2:6

«Ես օծեցի իմ թագավորին իմ սուրբ Սիոն լեռան վրա»։

ՍԱՂՄՈՍՆԵՐ 48:12

Գնացե՛ք Սիոնի չորս կողմով, պտտվե՛ք նրա շուրջը և հաշվեցե՛ք նրա աշտարակները։

ՍԱՂՄՈՍՆԵՐ 48:3

Աստված ճանաչված է նրա պալատների մեջ իբրև ապավեն։

ՍԱՂՄՈՍՆԵՐ 51:18

Քո բարեհաճությամբ բարի՛ք արա Սիոնին. շինի՛ր Երուսաղեմի պարիսպները։

ՍԱՂՄՈՍՆԵՐ 87:2

Տերը սիրում է Սիոնի դռներն ավելի, քան Հակոբի բնակարանները։

ՍԱՂՄՈՍՆԵՐ 9:11

Սաղմո՛ս երգեցեք Տիրոջը, որ բնակվում է Սիոնում, պատմեցե՛ք նրա գործերը ժողովուրդների մեջ,

ԵՍԱՅԻ 12:6

Ցնծությամբ աղաղակի՛ր, ո՛վ Սիոնի բնակչություն, որովհետև մեծ է քո մեջ Իսրայելի Սուրբը»։

ԵՍԱՅԻ 59:20

«Մի Փրկարար է գալու Սիոն և Հակոբի մեջ՝ իրենց հանցանքներից դարձի եկողներին»,- ասում է Տերը։

ԵՐԵՄԻԱ 21:13

Ահա ես ձեր դեմ եմ, ո՛վ հովտի բնակիչ, հարթավայրի վեմ,- ասում է Տերը,- որ ասում եք. “Ո՞վ է վայր իջնելու մեր դեմ, և ո՞վ է մտնելու մեր բնակարանները”։

ՄԻՔԻԱ 4:2

և շատ ազգեր պիտի գան ու ասեն. «Եկե՛ք բարձրանանք Տիրոջ լեռը և Հակոբի Աստծու տունը, որպեսզի նա մեզ սովորեցնի իր ճանապարհները, և որ մենք գնանք նրա շավիղներով», որովհետև օրենքը Սիոնից պիտի դուրս գա, Տիրոջ խոսքը՝ Երուսաղեմից։

Հռոմեացիներին 9:33

ինչպես գրված է. «Ահա ես Սիոնում դնում եմ ժայռ գլորման և քար գայթակղության, և ամեն ոք, ով նրան հավատա, չի ամաչելու» (հմմտ. Ես. 28.16)։

Եբրայեցիներին 12:22

Բայց դուք մոտեցել եք Սիոն լեռանը և կենդանի Աստծու քաղաքին՝ երկնային Երուսաղեմին ու տոնախմբող բյուրավոր հրեշտակներին,

Հայտնություն 14:1

Տեսա՝ ահա Գառը կանգնած էր Սիոն սարի վրա, նրա հետ էլ՝ հարյուր քառասունչորս հազար հոգի, որոնք իրենց ճակատներին ունեին գրված նրա անունը և նրա Հոր անունը։