Բ ԹԱԳԱՎՈՐՆԵՐԻ 24:20 - Նոր վերանայված Արարատ Աստվածաշունչ

²⁰ Ոռնան նայեց ու տեսավ թագավորին և նրա ծառաներին, որոնք գալիս էին իր մոտ, և Ոռնան դուրս ելավ ու երկրպագեց թագավորին՝ երեսնիվայր խոնարհվելով մինչև գետին։

Նոր Էջմիածին Աստվածաշունչ

²⁰ Երբ Ոռնան տեսավ իր մոտ եկող արքային ու նրա ծառաներին, ընդառաջ գնաց նրանց և երկրպագեց տիրոջը՝ երեսնիվայր գետնին ընկնելով։

Բ ԹԱԳԱՎՈՐՆԵՐԻ 24:20 Խաչաձեւ Հղումներ

ԾՆՆԴՈՑ 18:2

Նա իր աչքերը վեր բարձրացրեց և նայեց. ահա երեք մարդիկ կանգնել էին իր մոտ։ Երբ տեսավ, վրանի մուտքի մոտից ընդառաջ վազեց նրանց, մինչև գետին խոնարհվեց և ասաց.

Բ ԹԱԳԱՎՈՐՆԵՐԻ 1:2

Երրորդ օրը ահա Սավուղի բանակից մեկը եկավ՝ հագուստները պատառոտած ու գլխին հող, և երբ նա եկավ Դավթի մոտ, ընկավ գետին և երկրպագեց։

Բ ԹԱԳԱՎՈՐՆԵՐԻ 24:19

Դավիթը գնաց Գադի խոսքի համաձայն, ինչպես հրամայել էր Տերը։

Բ ԹԱԳԱՎՈՐՆԵՐԻ 24:21

Ոռնան ասաց. «Ինչո՞ւ է եկել իմ տեր թագավորը իր ծառայի մոտ»։ Դավիթն ասաց. «Եկել եմ, որ կալը քեզանից ծախու առնեմ, որ Տիրոջ համար զոհասեղան շինեմ, որպեսզի աղետը դադարի ժողովրդից»։

Բ ԹԱԳԱՎՈՐՆԵՐԻ 9:8

Եվ Մեմփիբոսթեն խոնարհվեց ու ասաց. «Ծառադ ո՞վ է, որ ինձ պես մի սատկած շան վրա նայեցիր»։

ՀՌՈՒԹ 2:10

Աղջիկն ընկավ երեսի վրա և մինչև գետին երկրպագելով՝ նրան ասաց. «Ինչի՞ց է, որ ես շնորհ եմ գտել քո աչքերի առաջ, և դու ճանաչում ես ինձ. չէ՞ որ ես մի օտար կին եմ»։