Բ ԹԱԳԱՎՈՐՆԵՐԻ 1:19 - Նոր վերանայված Արարատ Աստվածաշունչ

¹⁹ Քո փառքը, ո՜վ Իսրայել, Քո բարձր տեղերի վրա խոցվեց. Ինչպե՞ս ընկան քաջերը։

Նոր Էջմիածին Աստվածաշունչ

¹⁹ Քարացի՛ր, ո՜վ Իսրայել. բարձունքներում բլուրներ կազմեցին քո սպանվածների դիերը. ինչպե՞ս ընկան հզորները։

Բ ԹԱԳԱՎՈՐՆԵՐԻ 1:19 Խաչաձեւ Հղումներ

Բ ԹԱԳԱՎՈՐՆԵՐԻ 1:23

Սավուղն ու Հովնաթանը՝ Շատ սիրելի և հաճելի իրենց կենդանության ժամանակ, Իրենց մահվան ժամանակ էլ չբաժանվեցին իրարից. Արծիվներից ավելի թեթևաշարժ Եվ առյուծներից ավելի հզոր էին։

Բ ԹԱԳԱՎՈՐՆԵՐԻ 1:25

Ինչպե՞ս ընկան քաջերը պատերազմում, Հովնաթանը խոցվեց քո բարձր տեղերի վրա։

Բ ԹԱԳԱՎՈՐՆԵՐԻ 1:27

Ինչպե՞ս ընկան քաջերը, Եվ պատերազմի զենքերը կորան։

ԵՍԱՅԻ 4:2

Այդ օրը Տիրոջ շառավիղը գեղազարդ ու փառավոր կլինի, և երկրի պտուղը պարծանք ու շքեղություն կլինի Իսրայելի վերապրողների համար։

ԵՍԱՅԻ 53:2

Ահա նա մատղաշ տունկի նման աճեց նրա առաջ, ծարաված հողից ելած արմատի նման։ Նա ո՛չ տեսք ուներ, ո՛չ էլ վայելչություն, որ նրան նայեինք, ոչ էլ այնպիսի տեսք, որ ցանկայինք։

ԵՐԵՄԻԱՅԻ ՈՂԲԵՐԸ 2:1

Տերն ինչպե՜ս է իր բարկության ամպով պատել Սիոնի դստերը. նա երկնքից երկիր գցեց Իսրայելի փառքը և իր բարկության օրը չհիշեց իր ոտքերի պատվանդանը։

ԵՐԵՄԻԱՅԻ ՈՂԲԵՐԸ 5:16

Վայր ընկավ մեր գլխի թագը. վա՜յ մեզ, որովհետև մեղանչել ենք։

ԶԱՔԱՐԻԱ 11:10

Եվ ես վերցրի իմ գավազանը՝ Շնորհալիությունը, և կոտրեցի այն, որպեսզի խզեմ իմ ուխտը, որ կապել եմ բոլոր ժողովուրդների հետ։

ԶԱՔԱՐԻԱ 11:7

Եվ ես արածեցրի մորթվելու հոտը, այսինքն՝ հոտի թշվառներին։ Եվ երկու գավազան առա. մեկն անվանեցի Բարեսիրություն, մյուսն անվանեցի Համաձայնություն և արածեցրի հոտը։

Ա ԹԱԳԱՎՈՐՆԵՐԻ 31:8

Եվ հետևյալ օրը, երբ փղշտացիները եկան սպանվածներին կողոպտելու, գտան Սավուղին և նրա երեք որդիներին՝ ընկած Գեղբուե սարի վրա։