ԱՌԱԿՆԵՐ 3:24 - Նոր վերանայված Արարատ Աստվածաշունչ

²⁴ Եթե պառկես, չես սարսափի. կպառկես, և քունդ քաղցր կլինի։

Նոր Էջմիածին Աստվածաշունչ

²⁴ Եթե նստես, աներկյուղ կլինես, եթե քնես, քունդ քաղցր կլինի,

ԱՌԱԿՆԵՐ 3:24 Խաչաձեւ Հղումներ

Բ ՄՆԱՑՈՐԴԱՑ 20:30

Հոսափատի թագավորությունը խաղաղ մնաց, և Աստված հանգստություն տվեց նրան ամեն կողմից։

ՀՈԲ 11:19

Կպառկես, ու վախեցնող չի լինի։ Շատերը քո հաճությունը կխնդրեն։

ՍԱՂՄՈՍՆԵՐ 112:8

Հաստատուն է նրա սիրտը և չի վախենալու, մինչև չտեսնի իրեն նեղողների կորուստը։

ՍԱՂՄՈՍՆԵՐ 127:2

Զուր է ձեզ համար կանուխ վեր կենալը, ուշ հանգստանալը. դուք հացը ցավով եք ուտում. ինչո՞ւ. որովհետև նա իր սիրելիին է քունը տալիս։

ՍԱՂՄՈՍՆԵՐ 3:5

Ես պառկեցի ու քնեցի. զարթնեցի, որովհետև Տերը պահպանում է ինձ։

ՍԱՂՄՈՍՆԵՐ 3:6

Ես չեմ վախենա բյուրավոր ժողովուրդներից, որ պատել են իմ չորս կողմը։

ՍԱՂՄՈՍՆԵՐ 4:8

Ես խաղաղությամբ պիտի պառկեմ ու քնեմ, որովհետև դու ես միայն, ո՜վ Տեր, ապահովությամբ բնակեցնում ինձ։

ՍԱՂՄՈՍՆԵՐ 91:5

Դու չես վախենա գիշերվա զարհուրանքից, այն նետից, որ թռչում է ցերեկը,

ԱՌԱԿՆԵՐ 1:33

Սակայն ինձ լսողը ապահով կապրի և հանգիստ կլինի չարիքի սարսափից։

ԱՌԱԿՆԵՐ 19:23

Տիրոջ երկյուղը դեպի կյանք է տանում, և մարդ նրանով գոհացած կհանգչի և ձախորդության չի հանդիպի։

ԱՌԱԿՆԵՐ 6:22

Թող գնալուդ ժամանակ առաջնորդեն քեզ, քնած ժամանակ պահպանեն քեզ, և երբ որ արթնանաս, խոսակցեն քեզ հետ։

ԺՈՂՈՎՈՂ 5:12

Աշխատողի քունը քաղցր է, քիչ ուտի, թե շատ. բայց հարուստի կուշտ փորը թույլ չի տալիս, որ հանգիստ քնի։

ԵՍԱՅԻ 54:14

Դու պիտի հաստատվես արդարության մեջ։ Հեռու կլինես բռնությունից, որովհետև չես վախենալու, և արհավիրքից, որովհետև քեզ չի մոտենալու։

ԵՐԵՄԻԱ 31:26

Ապա զարթնեցի ու նայեցի, և իմ քունը քաղցր էր ինձ համար։

ԵԶԵԿԻԵԼ 34:15

Ես եմ հովվելու իմ ոչխարներին և ես եմ նրանց մակաղել տալու»,- ասում է Տեր Աստված։

ԵԶԵԿԻԵԼ 34:25

Եվ նրանց հետ խաղաղության ուխտ պիտի կապեմ և չար գազաններին պիտի անհետացնեմ այդ երկրից, և նրանք ապահով կբնակվեն անապատում և կքնեն անտառներում։

ԵԶԵԿԻԵԼ 34:27

Եվ դաշտի ծառն իր պտուղը պիտի տա, երկիրն իր բերքը պիտի տա. նրանք ապահով պիտի լինեն իրենց երկրում ու պիտի իմանան, որ ես եմ Տերը, երբ նրանց լուծի փայտերը կոտրեմ և նրանց ազատեմ իրենց ստրկացնողների ձեռքից։

ՂԵՎՏԱԿԱՆ 26:6

Ես խաղաղություն կտամ երկրին, և դուք հանգիստ կպառկեք, և ձեզ վախեցնող չի լինի։ Ես կվերացնեմ երկրից չար գազաններին, և ձեր երկրից սուր չի անցնի բնավ։

Գործք Առաքելոց 12:6

Երբ Հերովդեսն ուզեց նրան դուրս բերել, այդ գիշեր Պետրոսը, կրկնակի շղթաներով կապված, քնած էր երկու զինվորների միջև, իսկ պահակները դռան առաջ պահպանում էին բանտը։