ԱՌԱԿՆԵՐ 24:28 - Նոր վերանայված Արարատ Աստվածաշունչ

²⁸ Քո հարևանի դեմ զուր վկայություն մի՛ տուր և մի՛ խաբիր քո շրթունքներով։

Նոր Էջմիածին Աստվածաշունչ

²⁸ Քո ընկերոջ համար սուտ վկա մի՛ դարձիր, և քո շուրթերով մի՛ խաբիր։

ԱՌԱԿՆԵՐ 24:28 Խաչաձեւ Հղումներ

Եփեսացիներին 4:25

Արդ սուտը դեն նետելով՝ թող յուրաքանչյուր ոք ճշմարտությո՛ւնը խոսի իր ընկերոջ հետ (Զաք. 8.16), քանի որ միմյանց անդամներ ենք։

ԱՌԱԿՆԵՐ 25:18

Լախտ, թուր ու սրած նետ է այն մարդը, որ սուտ վկայություն է տալիս իր հարևանի դեմ։

Հայտնություն 22:15

Դրսում շներն են, կախարդները, պոռնիկները, մարդասպանները, կռապաշտները և ստություն սիրող ու գործող բոլորը։

Հայտնություն 21:8

Իսկ վախկոտների, անհավատների, պիղծերի, մարդասպանների, պոռնիկների, կախարդների, կռապաշտների ու բոլոր ստախոսների բաժինը կրակով և ծծմբով այրվող այս լճում է, որ երկրորդ մահն է»։

Կողոսացիներին 3:9

Մի՛ ստեք միմյանց. հանե՛ք ձեր վրայից հին մարդուն իր գործերով հանդերձ

ՀՈՎՀԱՆՆԵՍ 15:25

Բայց դա տեղի ունեցավ, որպեսզի կատարվի նրանց օրենքում գրված խոսքը. "Ինձ առանց պատճառի ատեցին" (Սաղ. 35.19, 69.4)։

Մատթեոս 27:23

Եվ կառավարիչն ասաց. «Իսկ ի՞նչ չարիք է գործել»։ Բայց նրանք ավելի բարձր էին աղաղակում ու ասում. «Թող խաչվի՛»։

ԱՌԱԿՆԵՐ 21:28

Ստախոս վկան պիտի կորչի, բայց նա, որ ճշմարտությունը լսում է, միշտ կխոսի։

ԱՌԱԿՆԵՐ 19:9

Սուտ վկան անպատիժ չի մնա, իսկ ստեր արտաբերողը կկորչի։

ԱՌԱԿՆԵՐ 19:5

Սուտ վկան անպատիժ չի մնա, և ստեր արտաբերողը չի ազատվի։

ԱՌԱԿՆԵՐ 14:5

Հավատարիմ վկան սուտ չի խոսում, իսկ կեղծ վկան ստեր է փչում։

ՍԱՂՄՈՍՆԵՐ 52:1

Ի՞նչ ես պարծենում չարությամբ, ո՛վ բռնավոր, Աստծու ողորմությունը ամեն օր էլ կա։

ՍԱՂՄՈՍՆԵՐ 35:11

Անգութ վկաներ են վեր կենում, իմ չիմացածը հարցնում են ինձնից։

ՍԱՂՄՈՍՆԵՐ 35:7

Որովհետև զուր տեղը որոգայթ լարեցին ինձ բռնելու համար, զուր տեղը փոս փորեցին իմ անձի համար։

ՀՈԲ 2:3

Տերը սատանային ասաց. «Իմ ծառա Հոբին ուշադրություն դարձրի՞ր, որ երկրի վրա նրա նման կատարյալ, արդար, աստվածավախ և չարությունից հեռացող մարդ չկա, ու դեռ իր կատարելությունը պահում է, թեև ուզում էիր ինձ համոզել, որ նրան զուր տեղը կործանեի»։

ԵԼՔ 23:1

«Սուտ լուր չտարածես. անօրենի հետ չմիանաս, որ անիրավ վկա դառնաս։

ԵԼՔ 20:16

Քո հարևանի դեմ սուտ վկայություն մի՛ տուր։

ՂԵՎՏԱԿԱՆ 6:2

«Եթե մեկը մեղանչի և հանցանք գործի Տիրոջ դեմ՝ սուտ խոսելով իր մերձավորի ավանդի մասին կամ իրեն վստահված մի բանի կամ հափշտակված մի առարկայի մասին, կամ խարդախություն անի իր մերձավորի հանդեպ,

ՂԵՎՏԱԿԱՆ 6:3

կամ կորած մի բան գտնի և ուրանա՝ սուտ երդում տալով, բոլոր այս բաներից մեկնումեկի մեջ, որ մարդ կարող է անել՝ մեղք գործելով դրանցով,

ՂԵՎՏԱԿԱՆ 19:11

Գողություն մի՛ արեք, սուտ մի՛ խոսեք, իրար մի՛ խաբեք։

ԱՌԱԿՆԵՐ 26:19

Այնպես է այն մարդը, որ խաբում է իր հարևանին ու ասում. «Կատակում էի»։